OSEAS 14

1Israel, kutirikuy Señorniyki Tata Diosman, imaraykuchus juchasniykirayku urmarqanki. 2Tata Diosman kutiriychej; kay jinata Payman mañakuspa, qayllaykuychej: Perdonapuwayku tukuy juchasniykumanta, kay allin ruwasqasniykutataj jap'iy. Kay yupaychaykunata apamusqaykutapis jap'ikullaytaj. 3Asiriaqa manamin salvayta atiwasqaykuchu, nillataj caballospipis ayqesqaykuchu. Manaña, kayqa Diosniyku, nispa, noqaykoj ruwasqasnillaykutaqa sutichasqaykuchu, imaraykuchus Qanllapimin Tata Dios uj wajcha wawaqa khuyakuyta tarenqa. 4Tata Diosqa nin: Noqa paykunata jampisaj juchachakusqankumanta. Noqa paykunata tukuy sonqo munakusaj mana munakunapaj jina kashajtinkupis, imaraykuchus phiñakuyneyqa paykunamanta t'aqakapunña. 5Israelpaj Noqa kasaj uj chhulla jina, paytaj lirios jina t'ikarenqa. Saphisnenqa Libanopi cedro sach'aj saphisnin jina sinch'is kanqanku. 6Ramasnimpis ima k'achata thansallata wiñarenqanku, olivo sach'aj ramasnin jina q'apaynintaj Libanopi cedrospa q'apaynin jina kanqa. 7Israelitasqa watejmanta kawsanqanku llanthuy urapi; chaypacharaj huerto jina qhallallarenqanku, uvas sach'a jina t'ikarenqanku, Libanopi vino jinataj ima munay q'aparishaj kanqanku. 8Efraíntaj nenqa: Ima dakushawan chay lantismantari? nispa. Noqamin uyarini, waqaychanitaj aylluytaqa. Noqa kani uj pino jina q'omerllapuni, Noqapitaj aylloyqa poqoyninta tarenqa. 9Tukuy yachayniyojkuna, yuyayniyojkunapis kayta entiendechunku: Tata Diospa ñankunanqa cheqanmin, cheqan kawsayniyoj runastaj chaynejta purenqanku. Sajra kawsayniyojkunarí chaypi misk'aspa urmanqanku.

will be added

X\