GÉNESIS 5

1Kaykuna kanku Adanpa mirayninmanta kajkuna. Mayk'ajchus Dios runata ruwarqa chaypacha, runaqa Payman rijch'akoj karqa. 2Dios ruwarqa qharita warmitawan; chaymantataj paykunata bendecerqa, suticharqataj, runa, nispa, ima p'unchaychus ruwasqa karqanku chaypacha. 3Adanqa karqa pachaj kinsa chunkayoj watasniyoj, churintaj payman rijch'akoj nacerqa, pitachus suticharqa Set sutiwan, chay. 4Chaymanta Adanqa kawsarqa pusaj pachaj watastawan, wawasnintaj aswan karqankuraj qharis, chantá warmis. 5Adanqa kawsarqa tukuynimpi jisq'on pachaj kinsa chunkayoj watasta. Chay chhika watasniyoj wañuporqa. 6Setqa pachaj phishqayoj watasniyoj karqa churin Enós naceshajtin. 7Chaymanta Set kawsarqa pusaj pachaj qanchisniyoj watastawan, wawasnintaj karqankuraj qharis, chantá warmis. 8Tukuynimpi Setqa kawsarqa jisq'on pachaj chunka iskayniyoj watasta. Chay chhika watasniyoj wañuporqa. 9Enós jisq'on chunka watasniyoj karqa Cainán churin naceshajtin. 10Chay qhepata Enós kawsarqa pusaj pachaj chunka phishqayoj watastawan. Wawasnintaj karqankuraj qharis, chantá warmis. 11Tukuynimpi Enosqa kawsarqa jisq'on pachaj phishqayoj watasta. Chay chhika watasniyoj wañuporqa. 12Cainán qanchis chunka watasniyoj karqa Mahalaleel churin naceshajtin. 13Chay qhepata Cainán kawsarqa pusaj pachaj tawa chunkayoj watastawan. Wawasnintaj karqankuraj qharis, chantá warmis. 14Tukuynimpi Cainán kawsarqa jisq'on pachaj chunkayoj watasta. Chay chhika watasniyoj wañuporqa. 15Mahalaleel sojta chunka phishqayoj watasniyoj karqa churin Jared naceshajtin. 16Chay qhepata Mahalaleel kawsarqa pusaj pachaj kinsa chunkayoj watastawan. Wawasnintaj karqankuraj qharis, chantá warmis. 17Tukuynimpi Mahalaleelqa kawsarqa pusaj pachaj jisq'on chunka phishqayoj watasta. Chay chhika watasniyoj wañuporqa. 18Jared pachaj sojta chunka iskayniyoj watasniyoj karqa Enoc churin naceshajtin. 19Chay qhepata Jared kawsarqa pusaj pachaj watastawan. Wawasnintaj karqankuraj qharis, chantá warmis. 20Tukuynimpi Jared kawsarqa jisq'on pachaj sojta chunka iskayniyoj watasta. Chay chhika watasniyoj wañuporqa. 21Enoc sojta chunka phishqayoj watasniyoj karqa Matusalén churin naceshajtin. 22Enocqa Diospa munayninman jinapuni kawsarqa. Matusalén nacesqanmanta qhepata, Enoc kawsarqa kinsa pachaj watastawan. Wawasnintaj karqanku qharis, chantá warmis. 23Tukuynimpi Enocqa kawsarqa kinsa pachaj sojta chunka phishqayoj watasta. 24Enocqa Diospa munayninman jinapuni kawsakorqa. Chantá uj p'unchay chinkaporqa, imaraykuchus Dios kawsashajta pusakaporqa. 25Matusalenqa karqa pachaj pusaj chunka qanchisniyoj watasniyoj churin Lamec naceshajtin. 26Chay qhepata Matusalén kawsarqa qanchis pachaj pusaj chunka iskayniyoj watastawanraj. Wawasnintaj karqankuraj qharis, chantá warmis. 27Tukuynimpi Matusalenqa kawsarqa jisq'on pachaj sojta chunka jisq'onniyoj watasta. Chay chhika watasniyoj wañuporqa. 28Lamecqa pachaj pusaj chunka iskayniyoj watasniyoj karqa churin naceshajtin. 29Paytataj suticharqa Noé sutiwan, imaraykuchus nerqa: Dios maldecin jallp'ata, llank'ananchej tiyan atiy mana atiyta, chaymanta kay wawa samarichiwasun, nispa. 30Noé nacesqanmanta qhepaman, Lamecqa kawsarqa phishqa pachaj jisq'on chunka phishqayoj watastawanraj. Wawasnintaj karqankuraj qharis, chantá warmis. 31Tukuynimpi Lamecqa kawsarqa qanchis pachaj qanchis chunka qanchisniyoj watasta. Chay chhika watasniyoj wañuporqa. 32Noé phishqa pachaj watasniyoj kasqanmanta churisnin nacerqanku: Sem, Cam, Jafet.

will be added

X\