1 Kaykuna kanku Esaúj miraynin, chaytaj Edom. 2 Esauqa casarakorqa Canaanmanta kay warmiswan: Hitita Edompa ususin Adawan, Anaj ususin Aholibamawan, mayqenchus karqa heveo Zibeoj allchhin, chaywan. 3 Casarakullarqataj Ismaelpa ususin Basematwan, mayqenchus Nebaiotpa panan karqa, chaywan. 4 Esaúj churin Adapi kajqa Elifaz karqa, Basematpitaj Reuel karqa. 5 Aholibamataj karqa Jeús, Jaalam, Coré ima. Chaykuna karqanku Esaúj churisnin Canaanpi tiyakushajtin nacejkuna. 6 Esauqa wawqen Jacobmanta tumpata karunchakunampaj riporqa waj cheqaman, warmisninta, churisninta, ususisninta, pikunachus paywan tiyakorqanku, chaykunatawan pusarikuspa. Jinallataj qhaterqa tukuy uywasninta, imasninchus Canaanpi tiyakushajtin tiyaporqa, chaykunatawan. 7 Chayta ruwarqa, imaraykuchus iskayninku ashkha uywasniyoj karqanku, manataj aterqankuchu khuska tiyakuyta. Chaynejta chay jallp'aqa pisiparqa uywasninkuta michinankupaj. 8 Chayrayku Esauqa, chayrí Edomqa Seir Orqoman tiyakoj riporqa. 9 Kaykuna kanku Esaúj miraynin, edomitaspa ñawpa tatasnin, mayqenkunachus Seir Orqospi tiyakorqanku, chaykuna. 10 Kaykuna kanku Esaúj churisnimpa sutisnin: Adaj churin Elifaz, Basematpa churin Reuel. 11 Elifazpa churisnin karqanku Temán, Omar, Zefo, Gatam, Cenaz ima. 12 Elifazpa tanta warmin karqa Timna nisqa. Pay uj qhari wawata rejserqa Elifazpaj, sutintaj karqa Amalec. Chaykuna karqanku Esaujpa miraynin Ada warminnejta. 13 Reuelpa churisnin karqanku Nahat, Zera, Sama, Miza ima. Chaykuna karqanku Esaúj ujnin kaj warmin Basematpa miraynin. 14 Esaúj ujnin kaj warmin Aholibamaj churisnin karqanku Jeús, Jaalam, Coré ima. Chay warmi karqa Anaj ususin, Zibeonpa allchhin. 15 Esaúj mirayninmanta kurajkuna kajkuna karqanku Elifazpa mirayninmanta, mayqenchus Esaúj kuraj kaj churin karqa, chaypa mirayninmanta karqanku: Temán, Omar, Zefo, Cenaz, 16 Coré, Gatam, Amalec ima. Chaykuna karqanku Adaj miraynin. 17 Esaúj churin Reuelpa churisnin kaykuna karqanku kurajkunapaj ajllasqa: Nahat, Zera, Sama, Miza ima. Chaykuna karqanku Reuelpa mirayninmanta kurajkunapaj ajllasqas Edom jallp'api; paykuna karqanku Esaúj miraynin, Basemat warmimpi miraynin. 18 Esaúj ujnin kaj warmin Anaj churin Aholibamaj churisnin kurajkunapaj ajllasqa karqanku kaykuna: Jeús, Jaalam, Coré ima. 19 Chay tukuyninku karqanku Edom nisqa, Esaúj miraynin, sapa ayllusninkupi kurajkunapaj ajllasqas. 20 Kaykuna karqanku horeo Seirpa churisnin, chay jallp'api tiyakojkuna: Lotán, Sobal, Zibeón, Aná, 21 Disón, Ezer, Disán ima. Paykuna karqanku horeo Seirpa mirayninmanta Edom jallp'api. 22 Lotanpa churisnintaj karqanku Horiwan, Hemamwan. Lotanpa panan karqa Timna. 23 Sobalpa churisnin karqanku Alván, Manahat, Ebal, Sefo, Onam ima. 24 Zibeonpa churisnin karqanku: Ajawan, Anawan. Aná yaku juturista tarerqa ch'in pampapi, Zibeón tatampa burrosninta michishaspa. 25 Anajta uj churin tiyaporqa Disón nisqa, ususintaj Aholibama nisqa karqa. 26 Disonpa churisnin karqanku: Hemdán, Esbán, Itrán, Querán ima. 27 Ezerpa churisnin karqanku: Bilhán, Zaaván, Achán ima. 28 Disanpa churisnin karqanku Uzwan, Aranwan. 29 Kurajkuna horeos karqanku: Lotán, Sobal, Zibeón, Aná, 30 Disón, Ezer, Disán ima. Paykuna karqanku horeospa kurajninkukuna sapa ayllupi Seirpa jallp'ampi. 31 Kay reyes Edom jallp'api kamacherqanku, israelitas manaraj reyesniyoj kashajtinku: 32 Beorpa churin Belaqa Edompi rey karqa, llajtantaj Dinaba nisqa karqa. 33 Bela wañupojtin, Zeraj churin Jobab kamacherqa; pay karqa Bosra juch'uy llajtamanta. 34 Jobab wañupojtintaj, Temanmanta Husam kamacherqa. 35 Husam wañupojtintaj, Avit llajtamanta Bedadpa churin Hadad kamacherqa. Pay Moabpi Madianta atiparqa. 36 Hadad wañupojtintaj, Masreca llajtamanta Samla kamacherqa. 37 Samla wañupojtin, mayu kantupi Rehobot llajtamanta Saúl kamacherqa. 38 Saúl wañupojtintaj, Acborpa churin Baal-hanán kamacherqa. 39 Baal-hanán wañupojtintaj, Pau llajtamanta Hadar kamacherqa. Hadarpa warmintaj karqa Mehetabel, Matredpa churin Mezaabpa allchhin. 40 Kaykuna karqanku Esaúj mirayninmanta kurajkunapaj ajllasqas, sapa ayllupi, sapa cheqapi: Timna, Alva, Jetet, 41 Aholibama, Ela, Pinón, 42 Cenaz, Temán, Mibzar, 43 Magdiel, Iram ima. Esaúj ujnin kaj sutenqa karqa Edom. Chay kurajkunaqa karqanku Edom jallp'api kamachejkuna, mayqenkunapichus tiyakorqanku, chaykunapi, ayllusninku ukhupi. Paymanta jamunku edomitasqa.
