GÉNESIS 10

1Kaykuna karqanku Noepa churisnimpa miraynin Sempata, Campata, Jafetpatawan, jatun musphay paramanta qhepaman nacekojkuna. 2Jafetpata churisnin karqanku: Gomer, Magog, Madai, Javán, Tubal, Mesec, Tiras ima. 3Gomerpa churisnin karqanku: Askenaz, Rifat, Togarma ima. 4Javanpa churisnin karqanku: Elisa, Tarsis, Quitim, Rodanim ima. 5Chaykuna karqanku Jafetpa mirayninmanta kajkuna, sapa nación, sapa familia kikin jallp'ankupikama, kikin parlayninkuwantaj. Paykuna junt'aykorqanku mama qochaj kantusninman. 6Campa churisnin karqanku: Cus, Mizraim, Fut, Canaán ima. 7Cuspa churisnin karqanku: Seba, Havila, Sabta, Raama, Sabteca ima. Raamaj churisnin karqanku: Seba, Dedán ima. 8Cuspa churin karqa Nimrod. Pay karqa ni pipis atiyniyoj kashajtin may atiyniyoj chay jallp'api. 9Nimrodqa wapu karqa Tata Diospa ñawpaqempi monte animalesta jap'inampaj. Chaymanta jamun chay niy: Nimrod jina wapu, Tata Diospa ñawpaqempi animalesta jap'ej, nisqa. 10Kamachisqasnin llajtasqa karqanku Sinar jallp'api: Babel, Erec, Acad, Calne ima. 11Chay jallp'amanta llojserqa Asurman, ruwarqataj kay llajtasta: Niniveta, Rehobot-Irta, Calata, 12Resén jatun llajtatawan; chay kashan Ninivewan Calawan chawpipi. 13Mizraimpa mirayninmanta karqanku: Ludeos, anameos, lehabitas, naftuhitas, 14patruseos, casluhítas, caftoritas, mayqenkunamantachus karqanku filisteos, chaykuna. 15Canaanpa kuraj kaj churin karqa Sidón, qhepan kajtaj karqa Het. 16Mirayninmanta jamorqanku: Jebuseos, amorreos, gergeseos, 17heveos, araceos, sineos, 18arvadeos, zemareos, hamateos ima. Chay qhepata tukuynin Canaán ayllus tukuynejman ch'eqeraporqanku. 19Cananeospa jallp'anku karqa Sidonmantapacha Gerarnejmanta Gaza llajtakama; chaymantaqa Sodoma, Gomorra llajtasnejmanta, Adma, Zeboimnejmanta Lasa llajtakama. 20Chaykuna karqanku Campa miraynenqa, sapa ayllu kikin jallp'ankupi, kikin parlayninkuwantaj. 21Jafetpa kurajnin wawqen Sempa churisnin kallarqataj. Heberpa churisnin tukuynin paypa mirayninmanta karqanku. 22Sempa churisnin karqanku: Elam, Asur, Arfaxad, Lud, Aram ima. 23Arampa churisnin karqanku: Uz, Hul, Geter, Mas ima. 24Arfaxad karqa Salaj tatan. Salataj Heberpa tatan karqa. 25Chaymanta Heberpatapis iskay churisnin kallarqataj. Ujnin kajpa sutin karqa Peleg, imaraykuchus chay tiempopi runas kay pachapi t'aqakorqanku. Pelegpa sullk'a kaj wawqenqa karqa Joctán. 26Joctán karqa Almodadpa tatan, chantá Selefpata, Hazar-mavetpata, Jerajpata, 27Adorampata, Uzalpata, Diclajta, 28Obalpata, Abimaelpata, Sebajta, 29Ofirpata, Havilajta, Jobabpatawan. Chay tukuynin karqanku Joctanpa churisnin. 30Maypichus tiyakorqanku, chay jallp'aqa karqa Mesamanta Sefarkama, chaynejmanta inti llojsimuynej orqorara cheqakojpi. 31Chaykuna karqanku Sempa miraynenqa, sapa llajta, sapa ayllu kikin jallp'ankupi, kikin parlayninkuwantaj. 32Chaykuna karqanku Noepa miraynin, imayna aylluchus kasqankuman jina, imayna jallp'apichus kasqankuman jinataj. Jatun musphay paraj qhepanta t'aqakorqanku jatuchaj nacionesta kay pachapi tukuynejpi ruwanankupaj.

will be added

X\