EZEQUIEL 15

1Tata Diosqa parlamuwaspa, niwarqa: 2Runaj Churin, uva sach'aj k'aspenqa imapitaj aswan allin kanman waj sach'aspa k'aspinkumanta nisqari? 3K'aspinmantaqa runas mana imatapis ruwankuchu; chay k'aspimanta uj estacallatapis ruwanapajqa mana allinchu. 4Ninaman enqhasqa kajtin, sichus ninaqa puntasninta, chawpintataj ruphaykun chayqa, imapajñataj walejri? 5Sichus manaraj ruphasqa kashaspapuni mana imapaj allin karqa chayqa, q'aspasqamantaña imatapis ruwanapaj allinchu kanman? 6Chayrayku Tukuyta Kamachej Tata Dios nin: Imaynatachus uva sach'aj k'ullunta churani ninaman enqhanapaj, ajinallatataj Jerusalenpi tiyakojkunata churasaj ninaman enqhasqa kanankupaj. 7Noqaqa paykunaj contrankupi sayarisaj. Ninamanta ayqerqanku; jinapis ninaqa paykunata q'olaykonqapuni. Noqa paykunaj contrankupi sayarejtiy, qankuna yachankichej Noqa Tata Dios kasqayta. 8Jallp'ankutaqa ch'inman tukuchisaj Noqata wasanchawasqankurayku, nispa nin Tukuyta Kamachej Tata Diosqa.

will be added

X\