2 TIMOTEO 3

1Yachanallaykitaj tiyan kayta: Qhepaman manchay sajra p'unchaykuna jamonqa. 2Runasqa kay jina kanqanku: Imallatapis paykunallapaj munajkuna, qolqeta munakojkuna, runaykachajkuna, tukuypa contranta millayta rimajkuna, jatunchakojkuna, tatasninkuta mana kasojkuna, mana graciasta qoyta yachajkuna, Diosta mana manchachikojkuna, 3mana sonqoyojkuna, rumi sonqos, qhasimanta tumpajkuna, aychaj sajra munayninta mana atipayta atejkuna, mana khuyarispa sajrata ruwajkuna, allin kajta chejnejkuna, 4wasanchajkuna, mana qhawarikuspa imallatapis ruwarparejkuna, may kasqankuta yuyakojkuna, kay pachaj kusikuyninta astawan munakojkuna Diosta munakunankumanta nisqaqa. 5Chaykunaqa Diosta yupaychajkunaman rijch'akullanku, kawsasqankuwanrí, Diospa atiyninta qhesachanku. Chaykunawanqa ama ima ruwanayki kachunchu. 6Chaykunamanta wakenqa wasimanta wasi purispa, pisi sonqo warmispa umankuta muyuchinku, pikunachus imaymana sajra munapayaykunawan apaykachasqa kaspa, jucha q'epirisqa kawsanku, chaykunata. 7Paykuna yachaqakuyta mask'ashallankupuni chaypis, cheqa kajta manapuni entiendeyta atinkuchu. 8Imaynatachus Janeswan, Jambreswan Moisespa contrampi sayaykorqanku, ajinallatataj kaykunapis cheqa kajpa contrampi sayaykunku. Millay yuyayniyoj runas kanku, creeyninkupipis qhesachasqa. 9Astawanqa mana ñawpajman rinkumanchu, imaraykuchus tukuy reparanqanku may jina wampuschus kasqankuta. Ajinallataj karqa Moisespa contrampi chay iskay sayaykojkunawampis. 10Qanqa yachallankipuni imatachus yachachisqayta, imaynatachus kawsasqayta, imatatajchus ruwayta munasqayta ima. Rikorqankitaj creesqayta, pacienciayta, munakuyniyta, sinch'ita sayasqayta ima. 11Yachallankitaj chejnikuspa qhatiykachawasqankuta, ñak'arisqayta ima, imaynatachus Antioquiapi, Iconiopi, Listrapi ima ñak'arerqani, chayta. Chaywampis chay tukuymanta Señorqa librawarqapuni. 12Ajinallatataj, Cristo Jesuspi tukuy cheqanta kawsayta munajkunaqa chejnikuywan qhatiykachasqapuni kananku tiyan. 13Sajra runas, ch'awkiyajkunataj, sajra kasqankumanta aswan sajraman tukonqanku, pantaspa, wajkunatapis pantachispallataj. 14Qanrí allinta sayay imatachus yachaqakusqaykipi, creesqaykipi ima, allinta yachaspa pimantachus yachaqakusqaykita. 15Qanqa wawamantapacha yachaqakuyta qallarerqanki Diosmanta Qhelqasqata, mayqenchus yachachisunki salvacionta tarinaykita Cristo Jesuspi creesqaykinejta, chayta. 16Diosmanta tukuy Qhelqasqaqa Paypa yuyaychasqan kaspa, may sumaj kashan yachachinapaj, juchata reparachinapaj, cheqa kajman kutirichinapaj, cheqanta kawsayta yachachinapaj ima. 17Ajinamanta Diospa kamachenqa ruwanapaj atiyniyoj kanqa, sumaj wakichisqataj tukuy ima allin kajta ruwanampaj.

will be added

X\