1 CRÓNICAS 9

1Ajinata tukuynin israelitakunaj sutinku, Israel suyuta chanta Judá suyuta jatun kamachejkunaj qhelqankupi listaqa karqa. Judá suyumanta kajkunaqa Diosta mana kasusqankurayku Babiloniaman wijch'usqa karqanku. 2Ñawpajta kutimpuspa jallp'ankupi, llajtankunapi tiyakojkuna karqanku, wakin israelitakuna, levitakuna, sacerdotekuna, Diospa Templompi sirvejkuna ima. 3Jerusalenpitaj tiyakaporqanku Judá ayllumanta kajkuna, Benjaminpamanta kajkuna, Efrainpamanta kajkuna, Manasespamanta kajkuna ima. 4Judajpa mirayninmanta kajkuna karqanku: Utai, payqa Amiudpa churin karqa, paytaj Omrijpa churin karqa; paytaj Imrij churin karqa; paytaj Banijpa churin karqa. Tukuy paykunaqa Judajpa churin Farespa mirayninmanta kajkuna karqanku. 5Silonitasmantataj karqanku kuraj kaj churi Asaías, churisnin ima. 6Zeraj mirayninmantataj karqanku: Jeuel, ayllusnin ima; tukuypi sojta pachaj jisq'on chunkayoj karqanku. 7Benjaminpa mirayninmanta karqanku: Mesulampa churin Salú; Mesulampa tatan Hodavías karqa, Hodaviaspa tatantaj Asenúa karqa. 8Ibneiastaj Jerohampa churin karqa; Elataj Uzijpa churin karqa; paytaj Micrijpa churin karqa; paytaj Mesulampa churin karqa; Mesulamtaj Sefatiaspa churin karqa, Sefatiastaj Reuelpa churin karqa; paytaj Ibniaspa churin karqa. 9Ayllusninkoqa chay miraykunankuman jinaqa karqanku jisq'on pachaj phishqa chunka sojtayoj, tukuyninku ayllusninku ukhupi kamachejkuna. 10Sacerdotesmanta kaykuna karqanku: Jedaías, Joiarib, Jaquín, 11Azarías, payqa Hilciaspa churin karqa; paytaj Mesulampa churin karqa; Mesulamtaj Sadocpa churin karqa; paytaj Meraiotpa churin karqa; paytaj Ahitobpa churin karqa, Diospa Templonmanta kuraj kamachej karqa; 12chantá Adaía, paytaj Jerohampa churin karqa; paytaj Pasurpa churin karqa; paytaj Malquiaspa churin karqa. Chantá Masaiqa Adielpa churin karqa; Adieltaj Jazeraj churin karqa; paytaj Mesulampa churin karqa; paytaj Mesilemitpa churin karqa; paytaj Imerpa churin karqa. 13Paykuna ayllusninkuwan ima karqanku waranqa qanchis pachaj sojta chunkayoj qharis. Paykunaqa ayllusninkumanta kamachejkuna karqanku. Chantá sumaj yachayniyojkuna karqanku Diospa Templompi imastapis ruwanankupaj. 14Levitasmanta karqanku: Semaías, payqa Hasubpa churin karqa; paytaj Azricampa churin karqa; paytaj Hasabiaspa churin karqa Merarijpa mirayninmanta. 15Chantá karqanku Bacbacar, Heres, Galal, Matanías ima. Payqa Micaíaj churin karqa; paytaj Zicrijpa churin karqa, paytaj Asafpa churin karqa. 16Chantá Obadiasqa Semaiaspa churin karqa; payqa Galalpa churin karqa; payqa Jedutunpa churin karqa. Chantá Berequiasqa Asaj churin karqa, paytaj Elcanaj churin karqa. Payqa netofatitaspa tiyakunanku ranchosninkupi tiyakorqanku. 17Punku qhawajkunaqa karqanku: Salum, Acub, Talmón, Ahimán ima. Wawqenku Salumtaj kamachejninku karqa. 18Kunampis kamachina wasej inti llojsimuy lado punkuta qhawallampuni. Chaykuna karqanku levitaspa jarasninkumanta punku qhawajkuna. 19Salumqa Corejpa churin karqa. Coretaj Ebiasafpa churin karqa. Paytaj Corejpa churin karqa. Payqa ayllusnin coreitaswan ima Diospa Templonman yaykuna punkuta qhawanankupaj churasqa karqanku, imaynatachus ñawpa tatasninkupis Dioswan Tinkukuna Toldota qhawaj kanku, ajinata. 20Chaymanta aswan ñawpajtaqa Eleazarpa churin Finees paykunaj kamachejninku karqa. Tata Diostaj paywan karqa. 21Meselemiaspa churin Zacariastaj Dioswan Tinkukuna Toldo punkuta qhawaj karqa. 22Tukuypi chay punkusta qhawajkunapaj ajllasqasqa iskay pachaj chunka iskayniyoj runas karqanku, maypichus tiyakorqanku, chay llajtaspi ayllusninkuman jina, libropi qhelqasqa kajkunaqa. Davidwan, profeta Samuelwan paykunata churarqanku chay ruwanasta wiñaypaj ruwanankupaj. 23Paykunawan, churisninkuwan ujtaj ujtaj Dioswan Tinkukuna Toldoman yaykuna punkusta qhawaj kanku. 24Chay punku qhawajkunaqa tawantin ladospi churasqa karqanku: Inti llojsimuynejpi, inti yaykuynejpi, wichaynejpi, uraynejpi ima. 25Chay llajtasninkupi tiyakojkuna ayllusninkoqa yanapaj jamoj kanku qanchis p'unchaykunata sapa mit'ankupi. 26Chay tawantin punku qhawajkuna, levitaspa kurajninkukunapis, mana jayk'aj saqespa qhawallajpuni kanku Diospa Templompi kaj cuartostaqa, jinataj qhapaj kaj imasnintawan. 27Paykuna Diospa Templompa muyuyninta tutasnin qhawaj kanku, qhawanankupaj, jinataj sapa paqarin punkusninta kicharinankupaj churasqa kasqankurayku. 28Paykunamanta wakintaj churasqa karqanku, Diosta yupaychanapaj imaschus necesitakorqa, chayqa yupaspa orqhonankupaj, yupaspataj churaykapunallankupajtaj. 29Wakintaj churasqa karqanku chay waj ruwanapaj imasta waqaychanamanta, Diospa Templompi kaj imasmantawan, jinallataj jak'umanta, vinomanta, aceitemanta, inciensomanta, k'achata q'apaj perfumemantawan. 30Sacerdotesmanta wakinkuna chay k'achata q'apaj perfumesta wakichej kanku. 31Coré ayllumanta Salumpa kuraj kaj churin levita Matatiasqa churasqa karqa, paylapi chayachina imasta ruwanampaj. 32Coatitasmanta wakin ayllusninkutaj churasqa karqanku Diospaj t'aqasqa kaj t'antasta, sinrullata churanankupaj sapa samarikuna p'unchaypi. 33Kallarqankutaj takejkunapis levita ayllusmanta kurajkuna; paykuna Diospa Templompi kaj cuartospi tiyakorqanku. Waj ruwanastataj mana ruwanankuchu karqa, tuta p'unchay chay ruwanallapipuni kasqankurayku. 34Chaykuna karqanku levitaspa ayllusninkupi kamachejkunaqa, tatasninkoj ayllusninkuman jina. Paykunaqa Jerusalenpi tiyakorqanku. 35Gabaón llajtapeqa tiyakorqa Jehiel; payqa Gabaonpa tatan karqa. Gabaonpa warmintaj Maaca sutiyoj karqa. 36Churisnintaj karqanku: Abdón, chay kuraj kaj, chantá Zur, Cis, Baal, Ner, Nadab, 37Gedor, Ahío, Zacarías, Miclot ima. 38Miclotqa Simeampa tatan karqa. Paykunapis wawqesninku jina, Jerusalenllapitaj tiyakorqanku. 39Ner sutiyoj runaqa Cispa tatan karqa; Cistaj Saúlpa tatan karqa; Saúltaj Jonatanpa tatan karqa, Malquisuajta, Abinadabpata, Es-Baalpata ima. 40Jonatanpa churenqa Merib-baal karqa, paytaj Micaíaj tatan karqa. 41Micaíaj churisnintaj karqanku: Pitón, Melec, Tarea, Ajaz ima. 42Ajaztaj Jaraj tatan karqa, Jarataj Alemetpa tatan karqa, Azmavetpata, Zimrijpatapis; Zimritaj Mosajpa tatan karqa. 43Mosataj Binajpa tatan karqa. Paytaj Refaiaspa tatan karqa; paytaj Elasaj tatan karqa; paytaj Azelpa tatan karqa. 44Azelpa churisnin sojta karqanku, sutisninkutaj karqanku: Azricam, Bocru, Ismael, Searías, Obadías, Hanán ima. Chaykunaqa Azelpa churisnin karqanku.

will be added

X\