1 CRÓNICAS 7

1Isacarpa churinkunanqa tawa karqanku: Tola, Puvá, Jasub, Simrón ima. 2Tolaj churinkunantaj karqanku: Uzí Refaías, Jeriel, Jahmai, Jibsam, Semuel ima. Paykunaqa Tolaj ayllunmanta kurajkuna karqanku, jinataj ñawpa tatankukunamantapacha sumaj wapu maqanakojkuna karqanku. David kawsarqa chaypachata Tolaj mirayninmantaqa tukuypi iskay chunka iskayniyoj waranqa sojta pachajniyoj karqanku. 3Uzijpa churenqa Israhías karqa. Israhiaspa churinkunantaj karqanku: Micael, Abdías, Joel, Isías ima. Tukuyninkupi phishqa kamachejkuna karqanku. 4Ashkha warmiyoj kasqankurayku ashkha churikunayoj karqanku, chayrayku kinsa chunka sojtayoj waranqa runakuna maqanakuman rinankupaj jina karqanku. 5Isacarpa tukuynin wasi ayllunkoj sutinkuta listachisqankuman jinaqa, tukuypi pusaj chunka qanchisniyoj waranqa sumachaj wapu runakuna maqanakupaj jina karqanku. 6Benjaminpa churinkunan kinsa karqanku: Bela, Bequer, Jediael ima. 7Belaj churinkunantaj phishqa karqanku: Esbón, Uzí, Uziel, Jerimot, Irí ima. Tukuy chaykunaqa ayllunkupi kamachejkuna karqanku, jinataj may wapu maqanakojkuna. Sutinkuta listachisqankuman jinaqa tukuypi iskay chunka iskayniyoj waranqa kinsa chunka tawayoj karqanku. 8Bequerpa churinkunan karqanku: Zemirá, Joás, Eliézer, Elioenai, Omrí, Jerimot, Abías, Anatot, Alémet ima. Tukuy chaykuna Bequerpa churinkunan karqanku. 9Sutinkuta listachikusqankuman jina, ayllunkumanta, jinataj ayllumanta kurajninkukunapiwan tukuypi iskay chunka waranqa iskay pachajniyoj wapu runakuna karqanku. 10Jediaelpa churin Bilhán karqa. Bilhanpa churinkunantaj karqanku: Jeús, Benjamín, Ehud, Quenaaná, Zetán, Tarsis, Ahisáhar ima. 11Tukuy chaykunaqa Jediaelpa mirayninmanta karqanku; paykunaqa ayllunkupi kamachejkuna, jinataj wapu maqanakoj rinankupaj jina karqanku. Tukuypi chunka qanchisniyoj waranqa iskay pachajniyoj runakuna karqanku. 12Irpa churinkunan karqanku: Sufam, Hufam ima, Aherpa churintaj Husim karqa. 13Neftalijpa churinkunan karqanku: Jahzeel, Guní, Jézer, Salum ima. Chaykunaqa Bilhaj mirayninmanta kajkuna karqanku. 14Manasespa churinkunan, Siria llajtayoj kaj tanta warmimpi karqanku: Asriel, Maquir ima. Payqa Galaadpa tatan karqa. 15Maquirqa Maacawan casarakorqa; payqa Hufampata, Sufampatawan ayllunkumanta karqa. Maquirpa iskay kaj churintaj Zelofehad sutiyoj karqa. Payqa warmi wawakunayojlla karqa. 16Maquirpa warmin Maacataj uj qhari wawata paqarichikorqa. Chay wawatataj Peres sutiwan suticharqa. Perespa wawqentaj Seres sutiyoj karqa. Paypa churinkunantaj Ulam, Requem ima karqanku. 17Ulampa churenqa Bedán karqa. Chaykuna Galaadpa churinkunan karqanku. Paytaj Maquirpa churin karqa, paytaj Manasespata. 18Maquirpa panan Hamoléquet karqa. Paypa, Is-hodta, Abiezerpata, chantá Mahalajta mamanku karqa. 19Semidaj churinkunantaj karqanku: Ahián, Siquem, Liquehí, Aniam ima. 20Efraínpa ayllunmanta kajkuna karqanku: Churin Sutélah, paypa churintaj Béred karqa, paypa churintaj Táhat karqa, paypa churintaj Eladá karqa. 21Eladaj churintaj Tahat karqa, paypa churintaj Sutelah karqa. Gat llajtayojkunataj uywankuta qhechoj yaykuspa Éserta, Eladtawan wañucherqanku. 22Chayrayku tatanku Efraínqa unayta paykunamanta waqarqa, ayllunmanta kajkunataj payta sonqochaj jamorqanku. 23Chaymantataj warmin Maquirwan puñukorqa. Warmintaj wijsallikuspa, uj qhari wawata paqarichikorqa, chay wawatataj Bería sutiwan suticharqa, ayllunta llakiy qhatirisqanrayku. 24Beríaj ususin Seeraqa, Ura Bet-horon llajtita, jinataj Pata Bet-horon llajtita sayaricherqa; sayarichillarqataj Uzen-seerá llajtitata. 25Beríaj mirayninmanta kajkuna karqanku: Churin Réfah, paypa churintaj Résef karqa, paypa churintaj Télah karqa, paypa churintaj Tahán karqa. 26Tahanpa churin Ladán karqa, paypa churintaj Amiud, paypa churintaj Elisamá karqa; 27Elisamaj churintaj Nun karqa, paypa churintaj Josué karqa. 28Jap'iyninku, tiyakunanku llajtakunataj karqa: Inti llojsimuynejman jina Betel, Naarán karqa. Inti yaykuynejmantaj karqanku: Guézer, chantá Siquemmanta Ayahkama. Chay llajtakunaqa juch'uy llajtakunantin karqanku. 29Manasespa ayllunmanta kajkunaqa Bet-seanta, Taanacta, Meguidota, Dorta ima, juch'uy llajtitakunantinta jap'erqanku. Chay llajtakunapi Israelpa churin Josejpa mirayninmanta kajkuna tiyakorqanku. 30Aserpa churinkunan karqanku: Imná, Isvá, Isví, Beriá ima; pananku Sera karqa. 31Beríaj churinkunan karqanku: Héber, Malquiel ima. Malquielqa Birzavitpa tatan karqa. 32Héberqa Jafletpa tatan karqa, chaytaj Somerpata, Hotampatawan tatanku. Suhá sutiyojtaj paykunaj pananku karqa. 33Jafletpa churinkunantaj karqanku: Pasac, Bimhal, Asvat ima. 34Wawqen Sémerpa churinkunantaj karqanku: Ahí, Rohga, Jehúba, Aram ima. 35Wawqen Hotampa churinkunantaj karqanku: Sofah, Imná, Seles, Amal ima. 36Zofahpa churinkunantaj karqanku: Súah, Harnéfer, Súal, Berí, Imrá, 37Béser, Hod, Samá, Silsá, Itrán, Beerá ima. 38Jeterpa churinkunantaj karqanku: Jefuné, Pispá, Ará ima. 39Ulaj churinkunantaj karqanku: Árah, Haniel, Resiá ima. 40Tukuy chaykuna Aserpa ayllunmanta karqanku. Paykunaqa wasi ayllukunamanta kamachejkuna karqanku, chantá aswan sumachaj kaj wapu runakuna karqanku. Sutinkuta listachikusqankuman jina, tukuynimpi iskay chunka sojtayoj waranqa maqanakuman rinankupaj jina karqanku.

will be added

X\