1 Levijpa churinkuna karqanku: Gersón, Coat, Merari ima. 2 Coatpa churinkunantaj karqanku: Amram, Izhar, Hebrón, Uziel ima. 3 Amrampa churinkunan karqanku: Aarón, Moisés, María ima. Aaronpa churinkunantaj karqanku: Nadab, Abiú, Eleazar, Itamar ima. 4 Eleazarqa Fineespa tatan karqa, Fineestaj Abisuaj tatan karqa. 5 Abisuaqa Buquij tatan karqa, Buquitaj Uzijpa tatan karqa. 6 Uziqa Zeraiaspa tatan karqa, Zeraiastaj Meraiotpa tatan karqa. 7 Meraiotqa Amariaspa tatan karqa, Amariastaj Ahitubpa tatan karqa. 8 Ahitubqa Sadocpa tatan karqa, Sadoctaj Ahimaaspa tatan karqa. 9 Ahimaasqa Azariaspa tatan karqa, Azariastaj Johananpa tatan karqa. 10 Johananqa Azariaspa tatan karqa. Payqa Jerusalenpi Salomonpa ruwachisqan Templompi sacerdote karqa. 11 Azariasqa Amariaspa tatan karqa, Amariastaj Ahitubpa tatan karqa. 12 Ahitubqa Sadocpa tatan karqa, Sadoctaj Salumpa tatan karqa. 13 Salumqa Hilquiaspa tatan karqa, Hilquiastaj Azariaspa tatan karqa. 14 Azariasqa Seraiaspa tatan karqa, Seraiastaj Josadacpa tatan karqa. 15 Josadacqa waj suyuman preso jina apasqa karqa, maypachachus Nabucodonosornejta Judá suyumanta kajkunata, Jerusalenpi tiyakojkunatawan Tata Dios wijch'orqa chaypacha. 16 Levijpa churinkunan karqanku: Gersón, Coat, Merari ima. 17 Gersonpa churinkunantaj karqanku: Libní, Simí ima. 18 Coatpa churinkunan karqanku: Amram, Izhar, Hebrón, Uziel ima. 19 Merarijpa churinkunan karqanku: Mahli, Musi ima. Tukuy chaykuna Levijpa churinkunan karqanku. 20 Gersonpa mirayninmanta kajkuna karqanku: Libní, Jáhat, Zimá, Joah, Idó, Zérah, Jeatrai ima. 22 Quehat churinkunan karqanku: Aminadab, Coré, Asir, Elcaná, Ebiasaf, Asir, 24 Tahat, Uriel, Uzías, Saúl ima. 25 Elcanaj churinkunan karqanku: Amasai, Ahimot ima. 26 Ahimotpa churinkunan karqanku: Elcana, Zofai, Nahat, 27 Eliab, Jeroham, Elcaná ima. 28 Samuelpa churinkunantaj karqanku: Kuraj kaj churin Vasní, sullk'a kajtaj Abías ima. 29 Merarijpa churinkunan karqanku: Mahli, Libní, Simí, Uza, Simá, Haguías, Asaías ima. 31 Davidpa churan takejkunaqa kaykuna karqanku. Paykunaqa Templopi Diospa arcan churasqa kasqanmantapacha takinankupaj churasqa karqanku. 32 Paykunaqa Jerusalenpi Diospa Templonta Salomón oqharichinankama, Dioswan Tinkukuna Toldoj ñawpaqempi takerqanku. Qhepanejmampis paykunaqa usunkuman jina chaypi takispallapuni karqanku. 33 Kaykuna churintinkuna ima takejkuna karqanku: Quehatpa mirayninmanta kajkuna: Takiyta yachaj Hemán. Payqa Joelpa churin karqa. Paytaj Samuelpa churin karqa. 34 Paytaj Elcanaj churin karqa. Paytaj Jerohampa churin karqa. Paytaj Elielpa churin karqa. Paytaj Tóahpa churin karqa. 35 Paytaj Zufpa churin karqa. Paytaj Elcanaj churin karqa. Paytaj Máhatpa churin karqa. Paytaj Amasaipa churin karqa. 36 Paytaj Elcanaj churin karqa. Paytaj Joelpa churin karqa. Paytaj Azariaspa churin karqa. Paytaj Sofoniaspa churin karqa. 37 Paytaj Táhatpa churin karqa. Paytaj Asirpa churin karqa. Paytaj Ebiasafpa churin karqa. Paytaj Corejpa churin karqa. 38 Paytaj Isharpa churin karqa. Paytaj Quehatpa churin karqa. Paytaj Levijpa churin karqa. Paytaj Israelpa churin karqa. 39 Hemanpa pañannejpi ayllun Asaf kasharqa. Paytaj Berequiaspa churin karqa. Paytaj Simajpa churin karqa. 40 Paytaj Micaelpa churin karqa. Paytaj Baaseíaspa churin karqa. Paytaj Malquiaspa churin karqa. 41 Paytaj Etnijpa churin karqa. Paytaj Zéraj churin karqa. Paytaj Adaíaj churin karqa. 42 Paytaj Etanpa churin karqa. Paytaj Zimaj churin karqa. Paytaj Simeijpa churin karqa. 43 Paytaj Jahatpa churin karqa. Paytaj Guersonpa churin karqa. Paytaj Levijpa churin karqa. 44 Hemanpa lloq'ennejpi kasharqanku ayllun Merarijpa churinkunan karqanku. Chaytaj karqa: Etán. Payqa Quisijpa churin karqa. Paytaj Abdijpa churin karqa. Paytaj Malucpa churin karqa. 45 Paytaj Hasabiaspa churin karqa. Paytaj Amasiaspa churin karqa. Paytaj Hilquiaspa churin karqa. 46 Paytaj Amsijpa churin karqa. Paytaj Banijpa churin karqa. Paytaj Semerpa churin karqa. 47 Paytaj Mahlijpa churin karqa. Paytaj Musijpa churin karqa. Paytaj Merarijpa churin karqa. Paytaj Levijpa churin karqa. 48 Levijpa ayllunmanta waj churinkunanqa, Dioswan Tinkukuna Toldopi tukuy imachus ruwanata ruwanankupaj qhepakorqanku. 49 Aaronwan, churinkunanwan ima, altar patapi uywata ñak'aspa ruphachej kanku. Jinataj inciensota q'oshñichina altar patapipis q'oshñichej kanku. Jinallataj Diospa kamachin Moisés kamachisqanman jina, Templopi Aswan Llimphu nisqa cheqapi imachus ruwanata ruwanapaj, chantá Israelitakunajpa juchankurayku uywa ñak'asqata Diosman jaywanankupaj churasqa karqanku. 50 Aaronpa ayllunmanta kajkuna karqanku: Churin Eleazar. Paypa churintaj Finees karqa. Paypa churintaj Abisúa karqa. 51 Paypa churintaj Buqui karqa. Paypa churintaj Uzi karqa. Paypa churintaj Zeraías karqa. 52 Paypa churintaj Meraiot karqa. Paypa churintaj Amarías karqa. Paypa churintaj Ahitub karqa. 53 Paypa churintaj Sadoc karqa. Paypa churintaj Ahimaas karqa. 54 Aaronpa ayllunpa tiyakunanku cheqakunaj jap'iyninkumanta mojonkuna kaykuna karqanku. Quehatpa ayllunmanta kajkunapaj suerte choqasqankupi kay llajtakuna llojserqa: 55 Judá aylloj jap'iynimpi Hebrón llajtata, chantá muyuynimpi uywa michina pampantinta jap'erqanku. 56 Jefunej churin Calebmantaj Hebron llajtaj muyuynimpi chajra tarpunata chanta juch'uy llajtakunatawan qorqanku. 57 Aaronpa ayllunman pakakuna llajta Hebronta qorqanku, chantá juch'uy llajtakunamanta Libnata, Jatirta, Estemoata, 58 Hilenta, Debirta, Asanta, chantá Bet-semestawan qollarqankutaj. Sapa llajtitata uywa michina pampantinta qorqanku. 60 Jinallataj Benjamín ayllumantapis kay llajtakunata qollarqankutaj: Guebata, Alémetta, Anatotta ima. Tukuy chaykunata uywa michina pampantinta qorqanku. Ajinaqa Aaronpa ayllunman llajta chayajkuna tukuynimpi chunka kinsayoj karqanku. 61 Manaséspa khuskan ayllumanta, Quehatpa wakin churinkunanman suertepi chunka llajtakuna llojserqa 62 Gersonpa mirayninmanta kajkunamantaj ayllunkuman jina chunka kinsayoj llajtata qorqanku: Isacar aylloj jap'iynimpi, Aserpa ayllunpi, Neftalijpa ayllunpi, Manasés ayllunmanta Basanpi tiyakojkunamantawan. 63 Merarijpa mirayninmanta kajkunaman mashkhachus ayllun kasqankuman jina chunka iskayniyoj llajtakuns suertepi chayarqa, chaykunataj karqanku Ruben aylloj jap'iynimpi, Gatpapi, jinataj Zabulonpapi ima. 64 Israelitakunaqa Levi ayllumanta kajkunaman chay llajtakunata uywa michina pampantinta qorqanku. 65 Judá ayllupi, Simeón ayllupi, Benjamín ayllupi ima, sutinku oqharisqaña chay llajtakunata suerteta choqaspa qorqanku. 66 Quehatitakunamanta wakin ayllukuna Efraín aylloj jap'iynimpi llajtakunata suerteta choqaspa jap'erqanku. 67 Qollarqankutaj pakakuna Sichem llajtata, uywa michina pampantinta, Efraín aylloj jap'iynimpa orqonejpi kashan, chayta, jinallataj Guezertapis uywa michina pampantinta qorqanku. 68 Jocmeanta, Bet-horonta, Ajalonta, Gat-rimontawan qollarqankutaj sapa ujta uywa michina pampantinta qollarqankutaj. 70 Quehatpa puchoj ayllunmantaj qorqanku Anerta, Bileam llajtatawan, sapa ujta uywa michina pasto pampantinta qollarqankutaj; chay llajtakunaqa Manasés khuskan ayllojpa jap'iynimpi karqa. 71 Gersonpa mirayninmanta kajkunaman mashkhachus aylluchus kasqankuman jina Basanpi kaj Golán llajtata qorqanku. Qollarqankutaj Astarot llajtatapis; chayqa Manasés khuskan ayllojpa jap'iynimpi ñawpajta karqa. Chay llajtakunaqa uywa michina pampayojllataj karqanku. 72 Qollarqankutaj Isacar aylloj jap'iynimpi kaj, Quedesta, Daberatta, Ramotta, Anemta ima. Sapa ujta uywa michinantinta qorqanku. 74 Aser aylloj jap'iyninmantataj qorqanku: Masalta, Abdonta, Hucocta, Rehobta ima, sapa ujta uywa michinantinta. 76 Neftalí aylloj jap'iyninmantataj qorqanku: Galileapi kaj Quedes llajtata, Hamonta, Quiriataimta ima, sapa llajtata uywa michinantinta qorqanku. 77 Merarijpa puchoj ayllunmantaj Zabulón aylloj jap'iynimpi Rimonta, Taborta ima qorqanku, sapa llajtata uywa michinantinta. 78 Rubén aylloj jap'iyninmantataj Jordanmanta inti llojsimuynejman, Jericó llajtaj chimpampi jina qorqanku, ch'in pampanejpi kaj Beserta, Jazata, Cademotta, Mefáatta ima, sapa llajtata uywa michinantinta. 80 Gad aylloj jap'iyninmanta qorqanku Galaadpi kaj Ramotta, Mahanaimta, Hesbonta, Hazerta ima, sapa llajtata uywa michina pampantinta qorqanku.
