1 CRÓNICAS 5

1Israelpa kuraj kaj churin Rubenpa churinkunan karqanku: Hanoc, Falú, Hezrón, Carmi ima. Rubenqa Israelpa kuraj kaj churin karqa. Chaywampis tatampa ujnin kaj warminwan puñuykusqanrayku, kuraj kaj churi jina jap'inanqa Israelpa churin Josejpa churinkunanman qosqa karqa. Chayrayku Rubenqa manaña kuraj kaj churi jinachu yupasqa karqa. Chantá aswan qhepaman Judaqa wawqenkunanmanta aswan atiyniyojman tukorqa, paypa mirayninmantataj uj kamachej llojserqa. Jinapis, kuraj churi jina imachus jap'inanqa Josejpatapuni karqa. 4Joelpa mirayninmanta kaykuna karqanku: Semaías, Gog, Simei, Micaía, Reaía, Baal, Beera ima. Beeraqa Rubén ayllumanta kajkunajta kurajninku karqa, Asiria suyoj jatun kamachejnin Tiglat-pilesernejta karu suyuman preso jina apasqa karqa. 7Beeraj wawqenkunan qhelqaqpi qhelqasqa ayllunkuman jina kurajkunaqa kaykuna karqanku: Jeiel kuraj kaj, Zacarías, Bela ima. 8Payqa Azazpa churin karqa, Semaj allchhintaj. Semataj Joelpa churin karqa. Belaqa Aroerpi tiyakorqa, jallp'antaj Nebokama, Baal-meonkama karqa. 9Inti llojsimuynejmantaj Éufrates mayumantapacha qallarispa ch'in pampaman yaykunakama tiyakorqa, Galaad jap'iypi uywankunan maytapuni mirasqanrayku. 10Saúl kamachishajtin, Ruben ayllumanta kajkunaqa agarenokunawan maqanakuspa atipaykorqanku, jinamanta Galaadmanta inti llojsimuynej cheqapi.tiyakaporqanku 11Gadpa mirayninmanta kajkunaqa rubenitakunajpa chimpampi, Basán chaynejpi Salca llajtakama tiyakorqanku. 12Basannejpi kamachejkunaqa karqanku: Joel, qhepantaj Safán, chaymanta Jaanai, chaymantataj Safat. 13Wawqenkutaj wasi ayllunkuman jina kaykuna karqanku: Micael, Mesulam, Sebá, Jorai, Jacán, Zía, Éber ima. Tukuypi qanchis karqanku. 14Abihailpa churinkunan kaykuna karqanku: Abihailqa Hurijta churin karqa. Huritaj Jaroajta churin karqa. Jaroataj Galaadpata, Galaadtaj Micaelpata, Micaeltaj Jesisaipata, Jesisaitaj Jahdojta, Jahdotaj Buzpata. 15Ahiqa Abdielpa churin karqa, Gunij allchhintaj. Payqa ayllunmanta kuraj kamachejninku karqa. 16Paykunaqa tukuyninku Galaadpi, Basanpi, muyuynimpi juch'uy llajtitakunapiwan tiyakorqanku. Jinataj Saronpi michina cheqakunapi, mojonninkama tiyakorqanku. 17Tukuyninku wasi ayllukuna, Judá suyuta jatun kamachej Jotam kamachishajtin, jinataj Israel suyuta jatun kamachej Jeroboam kamachishajtin qhelqasqa karqanku. 18Rubenpa ayllunmanta kajkuna, Gadpamanta, jinataj Manasés khuskan ayllumanta kajkunapis sumaj wapu soldadokuna karqanku, escudowan, espadawan, arcowan armasqa, maqanakunapaj jina sumaj wakichisqa. Tukuypi maqanakuman rinankupaj jina tawa chunka tawayoj waranqa, qanchis pachaj sojta chunkayoj karqanku. 19Paykunaqa agarenokunawan, Jeturpa contrampi, Nafispa contrampi chanta Nodabpa contrampi ima maqanakorqanku. 20Diostaj paykunata yanaparqa. Agarenokunata, jinataj paykunawan kajkunata atipaykorqanku, imaraykuchus maqanakushaspa Tata Dios yanapananta mañakorqanku. Diostaj paykunata uyarerqa, Paymanta jap'ikusqankurayku. 21Chantá enemigonkoj uywankuta apakaporqanku. Chaykuna tukuypi karqanku: Phishqa chunka waranqa camellokuna, ovejakunataj iskay pachaj phishqa chunkayoj waranqa, burrokunataj iskay waranqa. Chantapis, pachaj waranqa runakunatawan presota jap'iykorqanku. 22Enemigonkumanta ashkha wañorqanku, Dios paykunarayku maqanakusqanrayku. Jap'isqanku cheqakunapitaj, waj suyuman preso jina apasqa kanankukama tiyakorqanku. 23Manasespa aylluymanta khuskan Basán chay cheqamantapacha Baal-hermón, Senir, chantá Hermón Orqokama tiyakorqanku, imajtinchus ashkha karqanku. 24Wasi ayllumanta kamachejkuna kaykuna karqanku: Efer, Isi, Eliel, Azriel, Jeremías, Hodavías, Jahdiel ima. Paykunaqa sumaj wapu soldadokuna, manchay uyarisqa, ayllunku ukhupi kamachejkuna ima karqanku. 25Chaywampis, ñawpa tatankoj Diosnimpa contrampi oqharikorqanku, Payta qhesachaspataj, paykunaj ñawpaqenkumanta Dios wijch'usqa, chay runakunaj lantinkuta yupaycharqanku. 26Chayraykumá Israelitakunajpa Diosnenqa Asiria suyuta kamachej Tiglat-piliserta, paykunaj contrankuta kachaykorqa. Payqa Ruben aylluta, Gad aylluta, jinataj Manasés khuskan aylluta waj llajtaman wijch'orqa. Paykunata Halahman, Haborman, Haraman, Gozán mayumanwan churarqa. Chaypitaj kunankama kashanku.

will be added

X\