1 CRÓNICAS 4

1Judajpa churinkunsn karqanku: Fares, Hesrón, Carmí, Hur, Sobal ima. 2Sobalpa churin Reaía karqa. Paytaj Jahatpa tatan karqa. Jahatqa Ahumaipatawan, Lahadpatawan tatanku karqa. Chaykunaqa zoratitakunajpa ayllunku karqanku. 3Etampa churinkunan karqanku: Jezreel, Ismá, Idbás, Penuel ima. Paykunaj panankutaj Haze-lelponi sutiyoj karqa. Penueltaj Gedorpatawan Ezerpatawan tatanku karqa. Ezertaj Husaj tatan karqa. Hurqa Efrataj kuraj kaj churin karqa, chantá Belenpa ñawpa tatantaj karqa. 5Tecoaj tatan Ashurqa iskay warmiyoj karqa, Helawan, Naarawan. 6Naarataj Ahuzampa maman karqa, Héferpata, Temenijta, Ahastarijtawan. Chaykuna Naaraj churinkunan karqanku. 7Hela sutiyoj warmimpitaj churinkunan karqa: Zeret, Jezoar, Etnán ima. 8Cosqa Anubpatawan, Zobebajtawan tatanku karqa. Chantá Harumpa churin Aharhelpa miraynimpata ñawpa tatan karqa. 9Jabesqa wawqenkunamanta aswan sumaj runa karqa, mamantaj Jabes sutiwan payta suticharqa: Kay wawata ancha nanaywan paqarichikuni, nispa. 10Jabestaj Israel suyoj Diosninmanta kay jinata mañakorqa: Saminchanawaykita, chanta jatun jallp'atawan qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa. 11Suhá sutiyoj runaj wawqen Quelubqa Mehirpa tatan karqa. Mehirtaj Estonpa tatan karqa. 12Estontaj Bet-rafajta, Paseahjta, Tehinajtawan tatanku karqa. Payqa Nahas llajtata sayaricherqa. Chaykunaqa Reca llajtapi tiyakorqanku. 13Quenazpa churinkunan iskay karqanku: Otoniel, Seraías ima. Otonielpa churinkunanaj karqanku: Hatat, Meonotai ima. 14Payqa Ofraj tatan karqa. Seraiastaj Joabpa tatan karqa; payqa Carisim Vallepi tiyakojkunaj ñawpa tatanku karqa. Paykunaqa tukuy imata ruwayta yachajkuna karqanku. 15Jefonej churin Calebpa churinkunan karqanku: Iru, Elá, Naám ima. Elaj churintaj Quenaz karqa. 16Jahaleelpa churinkunan karqanku: Zif, Zifá, Tirías, Asarel ima. 17Esdraspa churinkunan karqanku: Jéter, Méred, Éfer, Jalón ima. Meredqa Faraonpa ususin Bitiawan casarakorqa, wawankunantaj karqanku: María, Samai, Estemoaj tatan Isba ima. 18Meredpata Judá ayllumanta uj warmin kapullarqataj. Payqa: Gedorpa tatan Jeredpata, chantá Socojpa tatan Heberpata, jinataj Zanoajpa tatan Jecutielpatawan mamanku karqa. 19Hodiasqa Náhampa pananwan casarakorqa, paypitaj iskay churinkunan karqa: Keilaj tatan garmita nisqa, chantá Estemoa, maacateo ima. 20Simonpa churinkunan karqanku: Amnón, Rina, Ben-hanán, Tilón ima. Isijpa churinkunantaj karqanku: Zohet, Benzohet ima. 21Judajpa churin Selaj mirayninmanta kajkuna karqanku: Lecaj tatan Er, Maresaj tatan Ladá, jinataj Bet-asbea llajtapi linomanta awaspa kawsajkunaj tatanku karqa. 22Jinallataj Selajpa churinkunan karqanku: Joaquim, Cozebapi tiyakojkuna, Joás, Saraf ima. Paykunaqa Moab llajtayoj warmikunawan casarakorqanku chantá Belenman kutimporqanku. Ajinata ñawpa qhelqasqapi nin. 23Chaykunaqa manka llut'ajkuna karqanku. Tiyakorqankutaj Netaimpi, Gederapiwan. Chantá paykunaqa jatun kamachejpa serviciompi karqanku. 24Simeonpa churinkunan karqanku: Nemuel, Jamín, Jarib, Zérah, Saúl ima. 25Saúlpa churin Salum karqa. Paypa churintaj Mibsam karqa, paypa churintaj Mismá sutiyoj karqa. 26Mismaj churintaj Hamuel karqa. Paypatataj churin Zacur karqa. Paypatataj churin Simí karqa. 27Simipata churinkunan chunka sojtayoj karqanku, ususinkunantaj sojta karqanku. Wawqenkunantaj mana ashkha wawayojchu karqanku. Chayrayku ayllunkoqa mana Judajpa ayllun jinapunichu mirarqanku. 28Paykunaqa tiyakorqanku: Beersebapi, Moladapi, Hazar-sualpi, 29Bilhapi, Ezempi, Toladpi, 30Betuelpi, Hormapi, Siclagpi, 31Bet-marcabotpi, Hazar-susimpi, Bet-biraipi, Saaraimpi ima. Kay llajtakuna David kamachiyta qallarinankama paykunajta karqa. 32Chay jawa phishqa llajtayoj kallarqankutaj: Etam, Aín, Rimón, Toquén, Asán ima. 33Jinataj Baalatkama, chay llajtakunaj muyuynimpi kaj llajtitakunapipis tiyakorqanku. Chaykuna ayllunkumanta qhelqasqa lista karqa. 34Ayllukunamanta kurajkuna karqanku: Mesobab, Jamlec, Amasiaspa churin Josías, 35Joel, Josibiaspa churin Jehú. Josibiastaj Seraiaspata churin karqa. Seraiastaj Asielpata churin karqa. 36Asielpa waj churinkunan kallarqankutaj: Elioenai, Jaacoba, Jesohaía, Asaías, Adiel, Jesimiel, Benaía, Zizá ima. 37Paytaj Sifijpa churin karqa. Sifitaj Alonpa churin karqa. Alontaj Jedaiaspa churin karqa, Jedaiastaj Simrijpa churin karqa. Simritaj Semaiaspata churin karqa. 38Chaykuna, pikunachus sutinkumanta oqharisqasña kajkunaqa ayllukunamanta kurajkuna karqanku. Ayllunkutaj maytapuni mirarqanku. 39Uywankupaj mikhunata mask'aspa, Guerar wallemanta inti llojsimuynejkama chayarqanku. 40Chaynejpitaj sumaj q'omerta, ashkhata tarerqanku, jinallataj jatun jallp'ata, mana piwampis ch'ajwanapaj jina, sumaj cheqata tarerqanku. Ñawpata chay cheqanejpi Cam aylloj mirayninmanta kajkuna tiyakusqanku. 41Judá suyuta jatun kamachej Ezequiaspa tiempompi, pikunajtachus sutinku qhelqasqa karqa, chaykuna jamuspa, Cam ayllumanta kajkunaj toldonkuta wijch'orqanku. Chaypitaj paykunaj cuentankumanta tiyakorqanku, uywankupaj ashkha mikhuna kasqanrayku. 42Jinallataj, paykunamanta phishqa pachaj runakuna Simeonpa mirayninmanta kajkunaqa Seir Orqoman riporqanku. Paykunaqa Pelatiaswan, Neariaswan, Refaiaswan, Uzielwan ima pusachikorqanku. Paykunaqa Isijpa churinkunan karqanku. 43Paykunaqa puchoj amalecitakunata tukucherqanku. Chaymantapachataj kunankama chaypi tiyakushanku.

will be added

X\