1 CRÓNICAS 3

1Davidpa churinkunan Hebronpi paqarejkuna kaykuna karqanku: Kuraj kajqa Amnón karqa, Jezreelmanta Ahinoampa churin. Chaypa sullk'antaj Carmelmanta Abigailpa churin Daniel karqa. 2Kinsa kajqa Maacaj churin Absalón karqa. Maacataj Guesurmanta jatun kamachejpa Talmaipa ususin karqa. Tawa kaj churintaj Haguitpa churin Adonías karqa. 3Chaypa sullk'antaj Abitalpa churin Sefatías karqa. Sojta kajtaj Eglaj churin Itream karqa. Eglaqa Davidpa ujnin kaj warmin karqa. 4Davidpa sojta churinkunanqa Hebronpi paqarerqanku. Davidqa Hebrón llajtamantapacha qanchis wata sojta killayojta kamacherqa. Chaymantataj Jerusalenmantapacha kinsa chunka kinsayoj watata kamacherqa. 5Chaypitaj tawa churikunapiwan paqarerqanku: Simea, Sobab, Natán, Salomón ima. Tukuy paykuna Amielpa ususin Betsabé warmimpi karqanku. 6Chay jawa jisq'on churinkunan kallarqankutaj: Ibhar, Elisamá, Elifélet, 7Noga, Néfeg, Jafía, 8Elisamá, Eliadá, Elifélet ima. 9Tukuy chaykuna Davidpa churinkunan karqanku; chaypis tanta warminkunapi kaj churinkunanqa mana yupasqaschu kanku. Tamarqa paykunaj pananku karqa. 10Salomonpa churinkunan kaykuna karqanku: Roboam, Abías, Asá, Josafat, Joram, Ocozías, Joás, Amasías, Azarías, Jotam, Ajaz, Ezequías, Manasés, Amón, Josías ima. 15Josiaspa churinkunan karqanku: Kuraj kaj Johanán, sullk'antaj Joacim; kinsa kajtaj Sedequías, tawa kajtaj Salum karqa. 16Joacimpa churinkunantaj karqanku: Jeconías, Sedequías ima. 17Waj suyuman preso jina apasqa karqa, chay Jeconiaspa churinkunan karqanku: Salatiel, Malquiram, Pedaías, Senazar, Jecamías, Hosama, Nedabías ima. 19Pedaiaspa churinkunan karqanku: Zorobabel, Simei ima. Zorobabelpa churinkunantaj karqanku: Mesulam, Hananías ima. Paykunaj panankutaj Selomit karqa. 20Jinallataj phishqa churinkunan kallarqankutaj, sutinkutaj karqa: Hasuba, Ohel, Berequías, Hasadías, Jusab-hesed ima. 21Hananiaspa churinkunan karqanku: Pelatías, Jesaías ima. Jesaiaspa mirayninmanta kajkunataj karqanku: Refaías, Arnán, Abdías, Secanías ima. 22Secaniaspa churenqa Semaías karqa. Semaiaspa churinkunantaj karqanku: Hatús, Igal, Barías, Nearías, Safat ima. Tukuypi sojta karqanku. 23Neriaspa churinkunan kinsa karqanku: Elioenai, Ezequías, Azricam ima. 24Elioenaijpa churinankunanqa qanchis karqanku: Hodavías, Eliasib, Pelaías, Acub, Johanán, Dalaías, Ananí ima.

will be added

X\