1 CRÓNICAS 27

1Kay jinata israelitasqa yupachikorqanku: Wasi aylluspi kamachejkuna, waranqa soldadosta kamachejkuna, pachaj soldadosta kamachejkuna, chay kurajkuna reypa kamachiynimpi kasharqanku, chaykunapiwan. Paykunaqa jatun t'aqa soldadosninkuwan khuska sirvej kanku sapa killa mit'asninkuman jina watantinta. Sapa t'aqaqa iskay chunka tawayoj waranqa soldados karqa. 2Ñawpaj kaj killapi qhawajkuna t'aqamanta soldadospata kamachejninkoqa Zabdielpa churin Jasobeam karqa. Chay t'aqapeqa iskay chunka tawayoj waranqa soldados karqanku. 3Jasobeamqa Farespa mirayninmanta karqa. Ñawpaj killapi yaykoj soldadospa kuraj kaj kamachejninku karqa. 4Iskay kaj killapi qhawajkuna t'aqamanta soldadospata kamachejninkoqa Dodai ahohita karqa. Chay t'aqapeqa iskay chunka tawayoj waranqa soldados karqanku. 5Kinsa kaj killapi qhawajkuna t'aqamanta soldadospata kamachejninkoqa kuraj sacerdote Joiadaj churin Benaía karqa. 6Benaiaqa chay kinsa chunka aswan wapu runasmanta ujninku kaj karqa, chantá chaykunaj kamachejninkupis. Churin Amisabad chay t'aqapi kallarqataj. Chay t'aqapeqa iskay chunka tawayoj waranqa soldados karqanku. 7Tawa kaj killapi qhawajkuna t'aqamanta soldadospata kamachejninkoqa Joabpa wawqen Asael karqa. Paypa qhepantataj churin Zebadías kamachej yaykorqa. Chay t'aqapeqa iskay chunka tawayoj waranqa soldados karqanku. 8Phishqa kaj killapi qhawajkuna t'aqamanta soldadospata kamachejninkoqa izraita Samhut karqa. Chay t'aqapeqa iskay chunka tawayoj waranqa soldados karqanku. 9Sojta kaj killapi qhawajkuna t'aqamanta soldadospata kamachejninkoqa Iquespa churin Ira karqa, Tecoa llajtamanta. Chay t'aqapeqa iskay chunka tawayoj waranqa soldados karqanku. 10Qanchis kaj killapi qhawajkuna t'aqamanta soldadospata kamachejninkoqa Efraín ayllumanta paltita Heles karqa. Chay t'aqapeqa iskay chunka tawayoj waranqa soldados karqanku. 11Pusaj kaj killapi qhawajkuna t'aqamanta soldadospata kamachejninkoqa Seraj mirayninmanta husatita Sibecai karqa. Chay t'aqapeqa iskay chunka tawayoj waranqa soldados karqanku. 12Jisq'on kaj killapi qhawajkuna t'aqamanta soldadospata kamachejninkoqa anatotita Abiezer karqa, Benjamín ayllumanta. Chay t'aqapeqa iskay chunka tawayoj waranqa soldados karqanku. 13Chunka kaj killapi qhawajkuna t'aqamanta soldadospata kamachejninkoqa Netofamanta Maharai karqa. Payqa Zeraj mirayninmanta karqa. Chay t'aqapeqa iskay chunka tawayoj waranqa soldados karqanku. 14Chunka ujniyoj kaj killapi qhawajkuna t'aqamanta soldadospata kamachejninkoqa Piratonmanta Benaía karqa; payqa Efraín ayllumanta karqa. Chay t'aqapeqa iskay chunka tawayoj waranqa soldados karqanku. 15Chunka iskayniyoj killapi qhawajkuna t'aqamanta soldadospata kamachejninkoqa Netofamanta Heldai karqa; payqa Otonielpa mirayninmanta karqa. Chay t'aqapeqa iskay chunka tawayoj waranqa soldados karqanku. 16Israel tukuynin ayllumanta kamachejkunaqa kaykuna karqanku: Rubén ayllumanta Zicrijpa churin Eliezer karqa, Simeón ayllumantataj Maacaj churin Sefatías karqa. 17Leví ayllumanta Kemuelpa churin Hasabías karqa, Aaronpa mirayninmantataj Sadoc karqa. 18Judá ayllumanta Davidpa wawqen Eliú karqa, Isacar ayllumantataj Micaelpa churin Omri karqa. 19Zabulón ayllumanta Abdiaspa churin Ismaías karqa, Neftalí ayllumantataj Azrielpa churin Jerimot karqa. 20Efraín ayllumanta Azaziaspa churin Oseas karqa, Manasés khuskan ayllumantataj Pedaiaspa churin Joel karqa. 21Galaadpi kasharqa, Manasés khuskan ayllumanta Zacariaspa churin Iddo karqa, Benjamín ayllumantataj Abnerpa churin Jaasiel karqa. 22Dan ayllumanta Jerohampa churin Azareel karqa. Chaykuna Israel tukuynin ayllusmanta kurajkuna karqanku. 23Davidqa mana yupacherqachu iskay chunka watayojmanta sullk'astaqa, imaraykuchus Tata Diosqa nisqa israelitastaqa mirachinanta cielopi ch'askas chhikata. 24Sarviaj churin Joabqa yupayta qallarerqa, manataj tukuycharqachu, chaynejta Israel aylluman Diospa castigon jamusqanrayku. Chayrayku mashkhachus kasqankoqa rey Davidpa lista librompi mana rikhurerqachu. 25Adielpa churin Azmavetqa reypa kamachinan wasipi poqoykunata jallch'aj karqa. Chay chajra poqojkunata jallch'ana wasista waqaychanamanta Uziaspa churin Jonatantaj churasqa karqa, pirwasta qhawanampaj campospi, llajtaspi, ranchospi, lindespi ima. 26Quelubpa churin Ezri chajra jallp'aspi llank'ajkunata kamachisharqa. 27Uvas huertapi trabajachinamantataj Ramatmanta Simei churasqa karqa. Vinota jallch'anamanta oqharinamantataj Sefanmanta Zabdi churasqa karqa. 28Geredamanta Baal-hanán churasqa karqa, chay pampa jallp'asnejpi kasharqanku, chay olivo sach'asmanta, k'ita higo sach'asmantawan. Aceiteta jallch'anamantataj Joás churasqa karqa. 29Wakasta michinamanta Saronpi kikin Saronmanta Sitrai churasqa karqa. Adlaipa churin Safat vallespi wakasta michinamanta churasqa karqa. 30Ismaelita Obil camellosta qhawanamanta churasqa karqa. Meronotmanta Jehediastaj burrosta qhawanamanta churasqa karqa. 31Agareno Jaziz ovejasta qhawanamanta churasqa karqa. Tukuy chaykunaqa rey Davidpa kapuyninmanta qhawajkuna karqanku. 32Davidpa tion Jonatanqa, yachayniyoj runa kasqanrayku, reypa yuyaychajnin karqa. Hacmonijpa churin Jahieltaj reypa churisninta qhawaj karqa. 33Ahitofelpis reypa yuyaychajnin karqa. Arquita Husaitaj reypa yanapajnin karqa. 34Ahitofelpa qhepantataj reyta yuyaychajkuna karqanku Benaiaj churin Joiada, Abiatar ima. Joabqa reypa tukuy soldadosninmanta kuraj kamachej karqa.

will be added

X\