1 Jesucristuqami Judea lugarpi uk pwiblitu Bele'n shutiqpi nasiran. Chay tyimpupiqami Herodes gubyirnuqa karan Israel pwiblukunapiqa. Chaymantami kusala yach'aq runakuna ch'aranllapa Jerusalenmanqa rupay iqamunanlawmanta. Paykunami qullarkunata rikar riqsiq runakuna kaqllapa. 2 Chaymi kaynu nir tapukuranllapa: “??Maypitaq chay Israel runakunapa gubyirnun nasisha chayqa? Chaqa chay rupay iqamunanlawpimi rikasha kanillapa uk qullar paypaq intrachimaqllapata. Chaymi shamusha kanillapa payta aduraq”. 3 Chaynu nitinllapa uyaparmi chay gubyirnu Herodes chaynulla tukuyla Jerusale'n pwiblupi taqkunapis kusalata manchakur yarpupakuranllapa. 4 Chaymi chay gubyirnuqa niran tantakamunanllapapaq tukuy chay kurakunapa mantakuqninkuna, Moise's mantakushanta yach'ar yach'achikuqkuna ima. Chaymantaqa tapuran: —??May lugarpitaq Dyuspa Akrashan Cristunqa nasiyanqa? nir. 5 Chaymi paykunaqa niranllapa: —Judea lugarpa pwiblun Belenpi. Chaqa Dyuspa rimaqninmi kaynu niq Bele'n pwiblupaqqa: 6 ‘Bele'n pwiblu, qammi chay Judea lugarpiqa, Chaqa qammantami uk mantakuq rikarinqa. 7 Chaynu nitinllapaqa, Herodesqa mana mayqanpis yach'atinchu, qayamuran chay uklawmanta kusa yach'aq runakunata. Chaymi paykunarayku yach'aranna ima tyimpupimi chay qullar rikariran nirmapis. 8 Chaymantami chay runakunataqa kach'aran Bele'n pwibluman kaynu nir: —Wakman rir puytishaykillapata tapukuyllapa chay wamritupaqqa. Chaymanta tarir-shuypaqa willamankillapa, nuqapis rir aduranaypaq nir. 9 Chaynu gubyirnu willatinllapami, chay kusa yach'aq runakunaqa riranllapa. Piru chay qullar rupay iqamunanlawpi rikashanllapaqa, naypanllapata riq ch'urakaran. Chaynu rirmi chay maypich'i wamritu karan chaylapi qasillaran. 10 Chaynu qullar qasillaqta rikarmi, kusalata aligriyaranllapa. 11 Chaymantami chay wasiman yaykur, rikaranllapa chay wamrituta chaynulla maman Mariata ima. Chaynami paykunaqa qunqurikur aduraranllapa. Chaynulla talqitanllapata kich'ar, uruta, insinsyuta, mutkiypaqla mirrata ima quranllapa. 12 Chaymanta punutinllapami Dyusqa musquyninllapapi willaran Herodes kayashanman ama tikrakananllapapaqchu nir. Chaymi paykunaqa Dyus nishanta kasur pwiblunllapamanqa riran uklaw nantana. 13 Chaynu chay kusa yach'aq runakuna rishana katinqa, Josipa musquyninpi Dyuspa uk angelnin rikarir kaynu niran: “Sharir, wamrituta mamantinta apar utqar riy Egipto pwibluman. Chaypi kidankillapa nuqa willashunayllapakaman. Chaqa Herodesmi wamrata maskanqa wanuchinanpaq” nir. 14 Chaymi chaynu nitinqa Josiqa sharir, wamrituta mamantinta apar, chay tutalla riq ch'urakaranllapa Egiptuman nan riqta. 15 Chaymi chaypiqa taranllapa Herodes wanunankaman. Chaynuqami pasaran Dyuspa rimaqnin unay nishan kumplikananpaq. Chaqa nishami kayaq: “Egipto pwiblumantami qayamuray wamrayta” nir. 16 Chaymantami Herodesqa chay kusa yach'aq runakunaqa ingan~amasha nir kwintata qukarqa, kusalata pin~akuran. Chaymi mantakuran tukuyla ullqu wamritukuna ishkay an~uyjun, chaynulla manaraq ishkay an~uyjun kaqkunata ima wanuchinanllapapaq tukuyla Bele'n pwiblumanta kaqkunataqa. Chaynuqami kach'akuran chay kusa yach'aq runakuna ima tyimpupimi Dyuspa qullarnin rikarisha karan nir willashanmanta yach'ar. 17 Chaynuqami pasaran Dyuspa rimaqnin Jeremi'as iskribishannu kumplikananpaq. Chaqa niqmi: 18 “Rama' pwiblumantami kusala llakiyta, Chaynuqami waqayaran Raquel, wamrankunapaq. 19 Piru Herodesqami wanuranna. Chaymi ashwan Dyuspa uk angelnin, Jose' Egiptullapi katin, musquyninpi payman rikarir kaynu niran: 20 “Sharir, wamrituta mamantinta apar, qashan riyllapa Israel pwibluman. Chaqa chay wamrituta wanuchinaqkunaqami wanushallapana” nir. 21 Chaymi Josiqa sharir wamrata mamantinta apar riran Israel pwibluman. 22 Piru Josiqami yach'aran chay Judea lugarpiqa Herodespa lugarninqa wamran Arquelao mantakuyan nir. Chaymi kusalata manchakuran chay Judea lugarllaman tikrakaytaqa. Piru Tayta Dyusmi musquyninpi Jositaqa intrachiran Judea lugarman ama rirchu, ashwan Galilea lugarmanna rinanpaq nir. 23 Chaymi chayman rir ch'arqa, riran taq Nazaret pwiblumanna. Tukuy kayqami pasaran Dyuspa unay rimaqninkuna kaynu nishan kumplikananpaq. Chaqa Jesuspaqmi nisha kayaq: “Payqami nazareno shutinqa” nir.
