CANTARES 6

1Hat ixoq i xiik' naah aholwochiil chikiwach taqe ixoq, ¿Aha' xuk'am i winaq q'e' nak'ax inaq'or? Chak'uhtaaj qeh reh chi nee qohooj chawiij chusik'ariik 2Re' i nub'ahiil xooj qohoq i rutikim wii' i chib'ih reh re' wilik wii' xiik' naah k'ohonkiil xooj naa chub'ehteesjiik taqe i rutentzuun, xooj chusik'ariik ruhtz'uub'. 3Re' winaq q'e' nuk'ax, re' inehchanik weh, eh re' wo' hin kinehchanik ree reh. Eh rub'esaj taqe i rutentzuun pan uhtz'ub'. 4Re' hat ixoq q'e' ti nuk'ax, xiik' naah aholwochiil je' aholwochiil i tinamit Tirsa, i tinamit Jerusaleem, eh je' aholwochiil i ch'umiil wilkeeb' pan taxaaj 5Chakanaa' nutz'ehtjiik ruum xama' nukuy ta chik rilariik aholwochiil. Re' i rismaal anaah xa q'eq b'utz'ik chik xa je' chik rukab' i kiij i kaprax noq kiqajik cho wach yuuq' Galaad. 6Re' taqe aweeh xasaq chik, xa je' chik saqiil kiij i tentzun kore' xi elik cho chi itinik panha' kiyejaam chik kiib' chi naa ruyok'ariik i rismaal kiij. 7Eh re' pantaq awach xa je' chik kaq'iil paam granado ink'utinik i koq chupaam i b'urb'al wach anaah. 8Re' taqe ixoq reey xnub'an wii' kaxáro oxk'ahl taqe, re' taqe i xa wixoqil pan b'eeh, re' taqe i kok' q'ahxoq kajwinaq taqe. 9Xa re' la' xa jinaj wo' hoq ixoq q'e' nuk'ax xtiruk'uliil i wánima je' holwochiil paloma, xa jinaj wo' chuwach i rutuut looq reh. Eh noq inilarik wach kuum i q'ahxoq inkiyeew rusuqkiil ruk'ux, re' taqe i wixoqil reey, je' wo' taqe i xa wixooq pan b'eeh xkiyeew wo' ruloq'il. 10¿Awach ixoq xk'uloq inaq'or xasaqum chik i rub'an xa je' chik rukab' i rusaqumaal i q'iij noq inokik cho rusaq'iik, eh je' holwochiil i poh xa je' chik ruk'ihaal soldado? 11Re' hin xinqajik qohoq tikooj taqe wii' i chee' okaal, eh xwilow uhtz'ub' wataq k'ixkaab'. Eh xwilow chi elik chik inki a'n chaloq i uuva, eh ixmak'inik chik i rub'an i granado. 12Eh noq majaa' nukohlaaj rilariik taqe re', xa chi ma' weht'al xink'amarik reje, ko wilkiin chik pan kareta wuch'ihil i k'amal nub'eeh noq xwil. 13Tisutinoq, ti sutinoq chaloq i hat ixoq aj Sulamita inqaaj qilom awach. ¿Chihreet noq inawaaj taq awilom nuwach? Re' hoj inqaaj qilom chi soon i na a'n, je' rukab' i soon inki a'n i soldado.

will be added

X\