SALMOS 98

1Chatz'uyej taq i ak' laj tz'uuy chi loq'oomb'al reh i QaJaaw Dios. Ruum ma' k'isiin taqe i ma' ilooj taj xub'an, eh ruuk' i santo laj rajaawriik xub'an keh i aj ixowaal. 2Re' QaJaaw xuq'or rib'iral chi xelik korik, eh xuk'uhtaaj i rukorkiil wach ruk'ux chikiwach chu'nchel i tinamit. 3Re' QaJaaw Dios wilik cho paruk'ux i ruketeljiik kiwach, i kitoob'jiik i aj Israel. Eh chu'nchel i tinamit wach ak'al xi-ilwik reh chi xuq'at kiwach i aj ixowaal i QaJaaw Dios. 4Chawunchelaal taq i hat aj wach ak'al cha tz'uyej taq wach i QaJaaw Dios chi suq taq ak'ux. Chapoq'poteej taq paam aq'ab' chutz'uuyjiik wach i Dios. 5Chatz'uyej taq wach i QaJaaw ruuk' arpa, ruuk' taqe xa chib'ih chik q'ojil k'ahaam kiwach. 6Chatz'uyej taq wach i QaJaaw Dios ruuk' i ruxuljiik i tuun, ruuk' i ch'ihch' kow inq'orik ruum re' reh xti manlik Reey. 7Naa ruk'uyu'jiik i palaw, je' wo' i wilkeeb' chupaam. Naa ruk'uyu'jiik i wach ak'al, je' wo' k'achareel chupaam. 8Naakiq'ojom kiib' kib'ohl i nim ha'. Eh naa rusuuqb'iik kik'ux i yuuq'. 9Chu'nchel i re' naa rusuqb'iik kik'ux ruum re' QaJaaw naa ruchaliik chi taaq'anik chinaah wach ak'al. Eh parub'ehel naa ruq'atam q'orik chikinaah i tinamit.

will be added

X\