SALMOS 87

1Re' raa' ri'sil i rutinamiit i Dios ar wilik chinaah i rusantolaj yuuq'. 2Re' QaJaaw Dios ma' k'isiin ta ruk'ax i ye'aab' Sión chuwach i ye'aab' wilkeeb' wii' taqe i rak'uun rixq'uun i Jacob. 3Hat rutinamiit i Dios, yohb'aal wach holwochiil i ruq'or aweh i Dios chi je' wili: 4Re' taqe i tinamit kieht'alinik nuwach, wilik i naa nuq'orom i kib'ihnaal: Re' Egipto, Babilonia, Filistea, Tiro, Etiopía re' taqe re' awuuk' i hat xitz'uhkrik, je' hat kituut, inki. 5Eh re' taqe re' je' wili i naa kiq'orom: Re' hoj, ayu' Sión xoj tz'uhk'rik eh re' wo' Dios nim rajaawriik xsik'wik cho qawach, inkoq taqe. 6Eh re' QaJaaw Dios rutz'ihb'aam i kib'ihnaal i tinamit, re' taqe i ar xitz'uhkrik Sión re' i je' kituut noq wilik. 7Re' taqe aj tz'uuy, taqe i aj q'ooj, je' wili i naa kiq'orom: Re' wili xti manlik qatinamiit ruum ayu' xoj tz'uhk'rik, inko'q taqe.

will be added

X\