SALMOS 61

1WaJaaw, nuDios, chab'iraj tii i nuq'or aweh ruuk' oq'ik. Eh chayeew weh i nupahqaaj aweh panutiij. 2Re' hin tinuq'o'reej wuuk' chi junsuut i wach ak'al, ruum re' wánima q'e' ti' wilik. Je'-oq chinaah ab'aj najt naah kinayeew reh chi nee nuko'leej wiib'. 3Ruum xa re' wo' hat ti ko'linik weh, je' akab' i tz'aq najt naah ko'lb'al iib', reh chi nee kinako'leej pan kiq'ab' i ki-ixowanik nuwach. 4Re' hin naa nuk'achariik chi juneliik chupaam asantolaj paat, weht'al chi re' hat neetiko'linik weh, ri'si'-aaxiik' nee kinayeew. 5WaJaaw, nuDios, re' hat xab'iraj chik i xnuq'or aweh, ruum xayeew wo' wee hin i kooch je' rukab' i xayeew keh i kiye'wik aloq'il. 6Re' hin i reey i nupahqaaj aweh chi najt ta naq rooq i nuk'achariik nee nayeew, reh chi k'ih haab' nee kink'acharik. 7Eh noq wilkiin chi reyil ruuk' ta naq aawotob'il neenub'an i taaq'anik. Eh nee ta naq inaketelaaj nuwach, nee ta naq i nayeew rukorkiil wach nuk'ux. 8Chi je' re' juneliik neenuloq'ej ab'ihnaal, eh eqal eqal neenub'an i nuq'orom aweh chi naa nub'anam.

will be added

X\