SALMOS 6

1WaJaaw nuDios, makinanaq noq k'ahchi' aajosq'iil, makinayeew panti' k'axik ruum aajosq'iil. 2Chaketelaaj la' tii nuwach, ruum re' hin xama' xta chik rukowiil nuti'jolal, xa nb'arb'otik chik ruum yab'ilaal. Jaaw, kinak'achrisaj tii weh. 3Je' wo' hoq i wánima xiik' naah ti'kiil wilik. QaJaaw Dios, ¿Kojaruuj kinawesaj chupaam i wili? 4QaJaaw Dios chaketelaaj tii nuwach, chako'leej i wánima, eh chako'leej riij i nuk'achariik, 5ruum re' i kamnaq, ma' nee ta chik tik'ulik paruk'ux. Eh re' muqlik chik parujuul ma' nee ta chik i ruyeew aloq'il. 6Re' hin xinq'uhtik chi oq'ik ruum rajlaal aq'ab' k'ahchi' kiin chi ma' k'isa oq'ik. Eh intz'aqik i nuch'itnah ruum i riis naq'nuwach. 7Re' i ti' wilkiin wii' i ruq'equmrisaj paam i naq'nuwach. Re' i ti' k'ahchi' nuk'ulum, kuum taqe i ki-ixowanik nuwach. 8Re' taq i hat, i tib'anik taq reh i yiib' wach na'ojb'al, cha kanaa' taq nujot'ariik, ruum re' QaJaaw xrib'iraj chik weh i nupahqaaj reh ruuk' oq'ik. 9Re' QaJaaw Dios xrib'iraj chik i xnupahqaaj reh, xuk'ul chik weh i nutiij. 10Yu'naak taqe i ki-ixowanik nuwach yohb'aal wach i kiyo'jiik, xa se'lb'al naa kikahniik wii'. Eh ruum kik'ixiik naakimolom chi elik chi jumehq'iil.

will be added

X\