SALMOS 4

1WaJaaw nuDios, waj ko'loom, kinachaq'weej tii chaloq noq neetinuq'o'reej, ruum xa re' wo' hat ti esanik weh chupaam i ruti'kiil nuk'ux. Je' re' noq, chaketelaaj nuwach, chab'iraj tii weh i nutiij. 2Raaj taq i hat, nimaq wach ana'ojb'al i na a'n taq awiib'. ¿Kojaruuj taq inakanaa' rub'ajariik i nuloq'il? Eh ¿Kojaruuj taq inakanaa' rusik'ariik i xama' xta nokik wii', re' i xama' korik ta wo' hoq? 3Eh re' taq i hat chanab'eej taq chi re' hin xusik' cho nuwach i Dios, ruum korik wach nuk'ux. Eh kirib'iraj wo' noq i nupahqaaj i rotob'il. 4Tiyo'joq taq cha kanaa' taq i mahk. Eh noq k'ahchi' taq kaat chi hi'lik wach ayokaab', cha kapaaj taq riij nik' taq wach noq wilkaat. 5Eh xti chaq'asaj taq awiib' chi korik laj mayiij reh i QaJaaw Dios, eh chayeew taq ak'ux ruuk'. 6Eh ma' k'isiin i kiq'orik reh chi je' wili: ¿Awach naa ruye'wiik qeh i suq kiil k'uxliis? waJaaw nuDios, suq tii qilariik cha a'n, inki taqe. 7Re' hin weht'al chi re' hat ti ye'wik runimaal suq kiil i wánima, ma' xata je' rukab' i rusuqkiil kik'ux i xa eliik wilik k'uxumb'al keh. 8WaJaaw nuDios, re' hin kinyohkik, eh kinwirik chi suq nuk'ux, ruum re' hat ti ye'wik rukowiil nuk'ux panuk'achariik.

will be added

X\