SALMOS 29

1Chaloq'ej taq i QaJaaw Dios i hat, hat taq ánjel wilkaat taq cho pan taxaaj. Chayeew taq runimaal wach ruloq'il. 2Chayeew taq ruloq'il i QaJaaw Dios, ruum xiik' naah loq'il i rub'ihnaal. Chaloq'ej taq i QaJaaw Dios, ruum xiik' naah holwochiil, eh xti wilik rusantohiil. 3Re' ruq'oral i QaJaaw Dios inib'irjik chinaah taqe ha'. Xa nteleninik chik i ransil i ruq'oral. Eh xa je' chik inq'orik kahoq chinaah i palaw. 4Je' re' noq, re' ruq'oral i QaJaaw Dios xiik' naah i ransil eh xti wilik rajaawriik. 5Re' i ruq'oral i QaJaaw Dios i ruxereb'eej taqe chee' chakaltee', Eh i ruxereb'eej taqe i nimaq taq chakaltee' wilkeeb' Líbano. 6Ruuk' i ruq'oral i ruk'uyu'saj taqe yuuq' ar Líbano, je' wo' wilkeeb' ar Sirión. Xa je' chik kipisk'anik kok' rak'uun wakax, xa je' chik kipisk'anik imas wakax. 7Re' ransil i ruq'oral i QaJaaw Dios i rukut wo' taqe xaq q'aaq'. 8Re' ransil i ruq'oral i QaJaaw Dios, i ruk'uyu'saj ye'aab' chiq yuuq'. Eh i ruk'uyu'saj ruuk' i ruq'oral taqe chiq yuuq' wilkeeb' chupaam i ye'aab', Cades. 9Re' i QaJaaw Dios ruuk' i ruq'oral i ruk'uyu'saj taqe i tz'inuj chee'. Eh i rukanaa' chi ma' xta ruche'el wach taqe yuuq', eh chupaam i rupaat, chu'nchel kiye'wik ruloq'il. 10Re' i QaJaaw Dios intaaq'anik reh i kowlaj jab' noq i rub'an i elal ha'. Re' reh i reey wilik rajaawriik chi taaq'anik chi juneliik. 11Re' QaJaaw Dios inye'wik kajaawriik i rutinamiit. Eh i ruyeew keh i rusuqkiil k'uxliis.

will be added

X\