SALMOS 143

1QaJaaw Dios, chab'iraj tii i nutiij, chayeew weh i nupahqaaj aweh. Ruum re' hat q'e' hat atoob', eh korik wach ak'ux. 2Ma' q'at i q'orik chi nunaah i hin, hin awaj kamanoom, ruum chawach i hat ma' awach ta i nee ruq'or chi ma' xta ru mahk. 3Re' taqe i ki-ixowanik nuwach inki a'n ti' k'axik weh, xinkiyeq' panak'al. Eh je' panq'equm wilkiin kuum, je' nukab' taqe i kamnaq. 4Re' hin ma' suq ta k'isinoq i nub'an kuum, xantolik i wánima ruum i ruti'kiil nuk'ux. 5Re' hin ink'ulik panuk'ux i q'iij ik'inaq taqe chaloq i nukapaaj riij taqe i a'nam chaloq. Je' wo' chu'nchel ayejaam taqe cho ruuk' aq'ab'. 6Re' hin awuuk' hat i nujosaj i nuq'ab' ruum re' wánima chiqiij chii' reh asik'ariik, je' rukab' i chiq ak'al xaraaj chik ruhaa'. 7QaJaaw Dios, chayeew tii weh chi jumehq'iil i nupahqaaj aweh, ruum re' hin xama' kow ta chik nuk'ux inwik'raaj. Eh wila' ma' xinatob'eej nee kinkahnik chi je' kikab' i kamnaq. 8QaJaaw Dios, rajlaal ta naq wahq'eq neenuk'ul aawotob'il, ruum awuuk' i hat nuye'em nuk'ux. Eh cha k'uhtaaj weh i naa nub'anam, ruum awuuk' hat i nupahqaaj nuna'ojb'al. 9Jaaw, kinako'leej tii pan kiq'ab' i ki-ixowanik nuwach, ruum awuuk' i hat inusik' ko'lemb'al wiib'. 10Eh cha k'uhtaaj weh rub'anariik inawaaj, ruum re' hat i nuDios. Re' ta naq aawuxlaab'al q'e' atoob' neenk'amwik weh chupaam i korik laj b'eeh. 11QaJaaw Dios, chako'leej riij i nuk'achariik reh chi nee nuloq'ej aab'ihnaal. Ruum chi korik wach ak'ux naa kiin awesam chupaam i ti' k'axik. 12Eh ruum chi naaketelaaj nuwach chasach kiwach i ki-ixowanik nuwach. Chasach kiwach chu'nchel i kiye'wik ruti'kiil nuk'ux ruum re' hin, hin awaj kamanoom.

will be added

X\