SALMOS 122

1Re' hin ma' k'insiin ta nsuuqb'ik nuk'ux noq kinkik'am reje parupaat i QaJaaw Dios. 2Eh yu'naak i hoj wilkooj chik chi chii' i ookb'al reh i tinamit Jerusaleem. 3Re' Jerusaleem xkorb'eesjik reh chi ar naakimolom kiib' pan jinaj wach k'uxliis i tinamit chulooq'jiik i QaJaaw Dios. 4Eh ar naa kojiik jar ch'uq taqe i aj Israel chut'iosjiik i rotob'il i Dios, je' rukab' i xq'orarik keh pampeet. 5Ar wo' pan tinamit Jerusaleem wilik i kiye'aab' inki a'n wii' i q'ataj q'orik taqe i ruk'u'liil i reey David. 6Chapahqaaj taq chi wih-oq pansuqkiil k'uxliis i Jerusaleem. Eh nee ta naq kielik korik i kik'axwik taq aweh. 7Neeta naq inwihik i suq kiil k'uxliis chupaam taq aatinamiit. Eh ma' ta naq chih neen kik'ul pan kiye'aab' taqe awaj taaq'oom. 8Ruum chi nuk'ax i nutinamiit, taqe i wamigo, naa nupahqaam reh i QaJaaw Dios chi wih-oq i suq kiil k'uxliis Jerusaleem. 9Eh ruum chi q'e' nuk'ax i rupaat QaJaaw Dios naa nupahqaam ree reh chi naa rutoob'eem i nutinamiit.

will be added

X\