NUMEROS 30

1Re' i Moisés xuq'oreej taqe i ju'jun chi k'amal kib'eeh i ju'jun ch'uq chi aj Israel, je' wili i xuq'or keh: Re' QaJaaw Dios je' wili xuq'or: 2Wila' awach i xuq'or i xti korik reh i Dios chi wilik i naa rub'anam, chi wilik i naa ruye'em ma' naa ta rukahniik chi je' re' koruman chi naa rub'anam aha' wilik i xuq'or. 3Wila' re' jino'q i k'isa q'ahxoq ko patim nahq'ab' i tuut rajaaw xuq'or i xti korik reh i Dios chi wilik i naa rub'anam chi wilik i naa ruye'em. 4Koruman chi naa ruye'em aha' wilik i xuq'or chi naa ruye'em, eh chi naa rub'anam aha' wilik i xuq'or wila' reht'al i rajaaw, wila' ma' xq'ilarik chub'aan. 5Eh raaj wila' re' rajaaw xunab'eej chi wilik i naa rub'anam, chi wilik i naa ruye'em i rixq'uun, eh wila' xuq'il chub'aan, neenkuyarik ru mahk ruum i Dios chi ma' nee ta rub'an aha' wilik i xuq'or. 6Eh wila' re' q'ahxoq re' re' xub'an kaxáro noq ruq'orom chik i xti korik reh i Dios chi wilik i naa rub'anam, chi wilik i naa ruye'em, 7wila' xunab'eej i rub'ahiil, eh ma' xuq'il ta chi riij. Re' q'ahxoq re' re' koruman chi naa rub'anam aha' wilik i xuq'or chi naa rub'anam, chi naa ruye'em. 8Eh raaj wila' xq'ilarik ruum i rub'ahiil neerub'an chi ma' nee ta rub'an aha' wilik i xuq'or chi ma' nee ta ruyeew aha' wilik i xuq'or chi naa ruye'em, neenkuyarik ru mahk ruum i Dios. 9Eh raaj wila' ch'aq kaxáro ixoq, oon kamnaq i rub'ahiil xq'orik i xti korik chi wilik i naa rub'anam, koruman chi naa rub'anam. 10Eh wila' re' jino'q ixoq parupaat i rub'ahiil wilik noq xuq'or i xti korik reh i Dios chi wilik i naa rub'anam, chi wilik i naa ruye'em. 11Eh noq neerunab'eej i rub'ahiil, wila' ma' xq'ilarik chub'aan. Re' ixoq re' re' koruman chi naa rub'anam aha' wilik i xuq'or chi naa rub'anam, eh chi naa ruye'em. 12Eh raaj wila' q'ilarik ruum i rub'ahiil neerub'an chi ma' nee ta rub'an i xuq'or chi naa rub'anam, eh chi ma' nee ta ruyeew i xuq'or chi naa ruye'em, eh neenkuyarik ru mahk ruum i Dios. 13Je' re' noq re' ixoq re' rub'ahiil naa ruq'oriik mineerub'an, oon ma' nee ta rub'an aha' wilik xuq'or i xti korik chi naa rub'anam, oon chi naa ruye'em. 14Eh noq neerunab'eej i rub'ahiil, eh wila' xik'ik kiib' ixib'-oq q'iij chi ma' xta xuq'or reh. Ar naa ruk'utiniik chi k'ahchi' ruye'em q'ab' chi naa rub'anam ixoq aha' wilik xuq'or i xti korik chi naa rub'anam, eh chi naa ruye'em. 15Eh wila' wilik chik q'iij rib'iram noq xuq'il i rehk'een chi riij i naa rub'anam i naa ruye'em. Re' b'ahiilb'ees re' re' wach naah i reh naa ruk'ahniik i ru mahk i rehk'een, inki. 16Re' i taqe k'uhb'aal wili xuq'or i QaJaaw Dios reh i Moisés chi keh i b'ahiilb'ees chi keh i ehk'eenb'ees, chi keh ajaab'ees, chi keh kixq'uun ko wilik kuuk' pankipaat

will be added

X\