LEVITICO 6

1Re' i QaJaaw Dios je' wili xuq'or reh i Moisés: 2Wila' awach i xmahkunik chuwach i QaJaaw Dios, eh nerujot' i ras ruchaaq', eh ma' neeta-oq chik i ruq'asaj i xa chib'ih jariik kanamaj ruuk' xrelq'aaj-oq i chib'ih jariik reh i ras ruchaaq'. 3Eh xureq-oq i q'ehb'inaq naq, eh mo'-oq xuq'or chi xureq, xuq'or tii chik i xti korik chi riij xub'an riib' wila' xub'an jino'q i na'ojb'al re' re' iraaj ruq'orom chi xmahkunik. 4Re' reh chinaah naa rukahniik i mahk re' re', naa ruq'asam i xrelq'aaj i xureq chi ma' xuk'axkilej taj, je' wo' hoq i chib'ih jariik xa kanamaj ruuk'. Eh naa wo' ruq'asam i q'ehb'inaq naq, eh xureq wo' chik. 5Eh naa ruq'asam chu'nchel i xuq'or tii chik i korik chi riij xub'an riib' naa wo' chik ruq'asam chi manlik wach, eh ko k'isiin chik i ruman naa ruye'em noq naa ruq'asam i rumayiij chi riij i ru mahk. 6Eh chi riij i ru mahk i re' re' jinaj i rak'uun tentzun manlik wach inchol ruq'asam chuwach i QaJaaw Dios. Naa ruq'asam reh i k'amal kib'eeh aj tiij, re' chik i reh naa ruq'asaniik reh chi riij i mahk. 7Ruuk' i re', re' k'amal b'eeh aj tiij naa rupahqaam kuyb'al ru mahk chuwach i QaJaaw Dios awach i xb'anik reh i mahk re' re'. Wila' xub'an wo' mahk nee wo' kuyarik i ru mahk. 8Re' i QaJaaw Dios je' wo' chik wili i xuq'or reh i Moisés: 9Re' hat naa aq'orom reh i k'uhb'aal wili i Aarón k'amal kib'eeh aj tiij, je' wo' keh taqe i rak'uun, chi riij i k'atoj mayiij. Re' i chikop jinaj aq'ab' naa rukahniik chinaah i wach q'aaq' wilik chinaah i artaal. 10Eh re' i k'amal b'eeh aj tiij naa rukojom i ruch'utwex, eh naa wo' rukojom i runim rooq so' lino. Eh kora'j naa ruk'atam re' i chikop, noq k'ahtinaq chik naa resam chinaah i artaal i ruchajil, chucheel i artaal naa rutzub'am i koq. 11Eh naa wo' chik resam chi riij i ruso', tokoom chik i ruso' naa rukojom. Eh naa ruk'amam reje i ruchajil i chikop chupaam jinaj i ye'aab' saq wach, chi riij i itz'ihy naah paat. 12Re' i q'aaq' chinaah i artaal naa ruqopiik chi junelik. Eh re' i k'amal kib'eeh i aj tiij rajlaal wahq'eq naa rukojom ruman i sii', eh naa ruye'em i chikop chinaah re' naa ruk'atam chi mayiij. Naa wo' ruk'atam chinaah i ruq'ina'iil i mayiij ink'amwik panotob'il ruuk' i Dios. 13Re' i q'aaq' chinaah i artaal naa ruqopiik chi juneliik, ma' jaruuj naa ruchuhpiik. 14Re' i wili i k'uhb'aal chi riij i mayiij naa ruye'ariik chi naq'wach. Eh re' taqe i rak'uun i Aarón naakiq'asaniik reh chinaah i artaal chuwach i QaJaaw Dios. 15Eh jinaj keh k'amal kib'eeh aj tiij naruchopom chaloq jumohq'-oq i holohik arina ye'ooj chi mayiij, ruch'ihil i aseite, ruch'ihil chu'nchel i insensia wilik chinaah i mayiij. Eh naa ruk'atam chinaah i artaal, rehtalil ink'ohnik laj mayiij ink'atarik. 16Re' i naa ruqohxaniik naa ruk'uxum i Aarón i k'amal kib'eeh aj tiij ruch'ihil taqe i rak'uun chi ma' naa ta rukojariik ch'amb'esb'al reh. Ar naa kik'uxum chupaam jinaj i ye'aab' wilik ruloq'il chi chii' reje i santo laj itz'ihy naah paat molb'al iib'. 17Ma' naa ta rukojariik ch'amb'esb'al reh noq naa ruchaq'iik ruum re' naa aye'em keh re' ruuk' i k'atoj mayiij, re' wili kuxisamaj je' rukab' i kiib' chi mayiij ink'atarik chi riij i pahqb'al kuyb'al mahk. 18Chu'nchel i k'amal kib'eeh aj tiij naa kik'uxum keh i mayiij re' re', i naa ruye'ariik keh. Re' ruuk' i mayiij naa ruk'atariik chuwach i QaJaaw. Eh wila' xq'ehb'ik jino'q i xa chib'ih jariik chinaah i mayiij re' re' naa rukahniik chi kuxisamaj, inki. 19Re' i QaJaaw Dios je' wili i xuq'or reh i Moisés: 20Re' i wili i rumayiij naa ruye'em i Aarón, je' wo' taqe i rak'uun noq naakipa'ab'jiik chi k'amal kib'eeh aj tiij kiib' libra ruuk' yejaal i libra i holohik arina naa kiq'asam chuwach i QaJaaw Dios yejaal i naa kiq'asam wahq'eq, eh yejaal i naa kiq'asam xq'eq. 21Eh re' i kaxlanwi'k naa rukorjiik ruuk' i re' kojooj aseite ruuk', naakich'aq'sam pan xartiin. Chi ch'uhyaal naa ruq'asam i kajaaw i k'amal kib'eeh aj tiij chi nk'ohnik laj mayiij chuwach i QaJaaw Dios. 22Re' taqe i rak'uun i Aarón i naakipa'ab'jiik chi k'amal kib'eeh aj tiij chi jilow i reh, je' wo' re' i kimayiij naa kiq'asam. Ruum i ruq'or i ruk'uhb'aal i QaJaaw chi koruman chi je' re' i naa kianam, chi juneliik. Re' i mayiij re' re' naa ruk'ahtiik chi jumpech. 23Eh chu'nchel i kimayiij naa kiq'asam chi naq'wach taqe i k'amal kib'eeh aj tiij naa ruk'ahtiik chi jumpech, eh ma' naa ta ruk'uxariik, inki. 24Re' i QaJaaw Dios je' wili i xuq'or reh i Moisés: 25Re' hat cha q'or reh i Aarón, eh keh i rak'uun chi re' wili k'uhb'aal chi riij i mayiij naa ruye'ariik chi riij i mahk. Re' chikop naa ruq'ahtesjiik chi mayiij ar naa ruyok'ariik i ralaq chuwach i QaJaaw aha' naa rukanteesjiik wii' i chikop naa ruq'ahteesjiik chi k'atoj mayiij, eh re' re' Santohimaj. 26Re' i k'amal kib'eeh aj tiij naa ruq'asaniik reh i mayiij chi riij i mahk naa ruk'uxum chupaam i ye'aab' wilik ruSantohiil wilik reje chi chii' i santo laj itz'ihy naah paat molb'al iib'. 27Eh xa chib'ih pa' jariik i nee rutz'a'j wach i rutib'kaal i chikop re' re' naa rukahniik chi wilik ruSantohiil. Eh wila' t'axlojik chuwach i rukik'eel i kiso' koruman chi chupaam jino'q i santo laj ye'aab' naakitz'ajam. 28Wila' panak'al xun chaq' i tiib' naa kiq'asam chi mayiij, koruman chi naakipaxem. Eh wila' chupaam jino'q i ch'ihch' xun xkichaq'saj i tiib' koruman chi naakijuk'um chi naa kitz'ajam paam chi korik. 29Eh xa re' wo' taqe i k'amal kib'eeh aj tiij naakik'uxwiik reh i mayiij re' re', ruum wilik ruSantohiil. 30Xa re' la' ma' naa ta kik'uxum i rutib'kaal i chikop naa ruq'ahteesjiik chi mayiij chi riij i mahk re' i naa ruk'amariik reje i rukik'eel chupaam i santo laj itz'ihy naah paat molb'al iib'. Reh chi re' chikop re' re' naa ruq'ahteesjiik chi mayiij chupaam i santo laj ye'aab', eh naa ruk'atam chinaah i artaal.

will be added

X\