JOB 18

1Re' Bildad aj ar Súa je' wili ruchq'aweesjiik i Job xub'an: 2¿Kojaruuj inamay i q'orik? Wila' xayeew axikin chi rib'irjiik i naa qaq'orom, neerub'an chi neenqa a'n qak'utaaj awuuk'. 3¿Chib'ih reet noq inaq'or chi je' hoj chikop chi ma' xta qana'ojb'al? 4¿Mi ruum re' chi k'ahchi' akansam awiib' ruum aajosq'iil naa rukahniik chi ma' xta chik wilik wach ak'al? ¿Mi neen kijal kiye'aab' re' i nimaq taq ab'aj xa ruum aajosq'iil? 5Re' i yiib' wach runa'ojb'al naa rusahchiik wach i, naa rukahniik chi je' rukab' noq inchuhpik i saqum, ma' naa ta chik rusihq'iniik i rusaquumb'aal. 6Je' q'equm naa ruwihiik wii ma' naa ta chik ruwihiik i saqum parupaat. 7Re' naq i q'e' kow riib' naa ruk'uhliik i ransil, re' wo' hoq i ma' holohik taj i rub'an naa ruq'eb'wiik reh. 8Re' reh na naa rukojariik xirob' aha' naa rik'iik wii' ar naa ruq'ehb'iik. 9Naa rukojariik i xirob' parub'eeh, eh ar naa ruq'ehb'iik. 10Re' i je' xirob' naa rukojariik parub'eeh je' naa panke'lik naa ruwihiik chi ma' reht'al naa ruq'ehb'iik ar. 11Eh xa aha' narojiik i k'oq naa rub'aan ti' k'axik reh, eh naa ruq'orariik chi naa rub'aan reh. 12K'ahchi' ruk'uhliik i ransil ruum ma' rub'an ta chik ruwa' ruhaa', xama' rukuy ta chik ruum i ti' k'axik wilik wii'. 13Re' yab'ilaal wilik wii' pankimik k'ahchi' ruk'amariik ruum. K'ahchi' ruq'ehb'iik taqe i ruti'jolal ruum i raxq'aah chi riij. 14Re' reh parupaat naq ch'iklik ruk'ux, xa re' la' ma' xta wo' chik suq kiil k'uxliis ar, ruum ma' k'isiin taj i ruyo'jiik ruum xailook' chik imponik i ruq'ijil i rukimiik. 15Re' taqe i chib'ih reh, ruch'ihil i rupaat inkiyeew i asufre chinaah inqop ruq'aq'al chi sachb'al wach. 16Re' reh i ruk'ul reh je' rukab' i ruk'ul i chee' noq inchiqik i raa', inchiqik chu'nchel i q'ab'. 17Noq naa rusachariik wach chinaah i wach ak'al, ma' awach ta chik naa ruq'oriik rib'iral. 18Naa rehtesjiik reje pan saqum, naa rukutariik panq'equm, naa rehtesjiik reje chinaah i wach ak'al. 19Ma' jino'q chik i riih rumaam, ma' jino'q chik awach reh naa rukahniik chinaah i wach ak'al. 20Eh noq naa kinab'eem i ruk'axkiil i winaq re' re' i wilkeeb' reje pareelb'aal q'iij, je' wo' taqe i wilkeeb' reje parookb'aal q'iij, naa rusahchiik kik'ux. 21Je' aj re' noq naa rojiik kuxoq i ruk'achariik i yiib' wach runa'ojb'al, re' i ma' inimanik ta ree Dios, inki.

will be added

X\