JOB 16

1Re' Job je' wili ruchaq'weesjiik i Elifaz xub'an: 2Re' hin k'ih pech b'iram i taq inaq'or, noq inakapaaj taq i hat chi rusuqkiil nuk'ux taq i nayeew, xanaah re' hin ch'i'k i rub'an weh. 3┬┐Kojaruuj taq inakanaa' ruq'orariik i xama' xta ruk'am chaloq? ┬┐Mi re' hin xin ye'wik taq ak'aah re' ruum k'ahchi' taq kiin awech'um? 4Wita re' taq i hat k'ahchi' ak'ulwiik reh i ti' k'axik k'ahchi' nuk'ulum i hin yu'naak, re' hin nee wo' nanaq i nuq'or i k'ahchi' taq aq'orom i hat. Nee naq inuk'uyu'saj i nunaah nee naq taq tinukaqse'laaj. Eh nee naq taq tinuwech'uj ruuk' taqe i yiib' kiwach q'orik. 5Re' hin ma' nee ta naq i nub'an i je' re'. Nee la' naq i nuq'unej taq awach i nuyeew rukowiil taq ak'ux, reh chi nee naq ti hi'lik ruuk' taq ati'kiil. 6Re' hin atoob' ta neekinq'orik chi riij i nuti'kiil, atoob' ta ma' neekinq'orik chi riij xama' nee ta wo' inhi'lik wach. 7Re' QaJaaw k'ahchi' kiin rukanaam chi ma' xta chik wansil, eh xirukanaa' chi ma' jino'q chik wamigo. 8Je' naa xinkiyeew pantz'ilom chu'nchel kiq'orik reh chi wilik numahk inkiq'or chi xk'utiin chi nuwach ruum ximb'aaqriik. 9Re' QaJaaw Dios ruum i rujosq'iil xiruyeew panti' k'axik, xa ruqirich'eej chik naah i reeh chi nunaah. Eh ma' resaj taj i ti' k'axik chi nunaah, je' cho rixow nuwach. 10Eh re' keh inkimol kiib' chuq'orariik chi wilik numahk, kiyeew chi q'ab'iis i panaq' nuwach kinkib'aj xa re' inkaaj chi nkik'uhtaaj nuk'ixb'ilaal. 11Re' QaJaaw Dios xiruq'asaj pan kiq'ab' i i aj chukul q'orik xiruq'asaj pan kiq'ab' i yiib' wach kina'ojb'al. 12Eh noq suq naq wilkiin xuyeew chee ti' k'axik chi nunaah, je' naa xuchop chi walaq je' naa xiruxereb'eej, je' naa ruuk' flecha k'ahchi' kiin rutz'ehtaam chaloq. 13Je' naa k'ul kirukut cho ruuk' i ru flecha, je' naa risaj taqe panuti'jolal, je' k'ahchi' rutub'lujiik wach ak'al taqe i weq'saa'. 14Je' na xuhopib'eej i nuti'jolal xiik' naah ti'kiil k'ahchi' kiin rik'sam, je' rukab' i soldado inooj panq'aq'inik imb'aan ti' k'axik reh. 15Eh ruum ruti'kiil nuk'ux xnukoj i q'as wach itz'ihy chi wiij, eh xnupukej pooq wach nunaah. 16Re' naq'nuwach xisipjik chik ruum ma' kinhi'lik ta chi oq'ik, xtohq'ik chik rumooyriik paam. 17Re' hin xa re' ti' k'axik inuk'ul atoob' ta ma' jino'q i nub'anam ti' k'axik reh. Eh chu'nchel nuk'ux i nub'an nutiij chuwach i Dios. 18Ma' ta naq neenkahnik chi je' re' i ti' k'axik k'ahchi' nuk'ulum, nee ta naq inq'ajarik wach keh i kib'anik ti' k'axik weh. 19Wilik oon naq inche jino'q pan taxaaj i nee nq'orik chi wiij, nee naq i ruq'or chi ma' xta numahk. 20Re' i wamigo naq taqe xa re' chik i nub'ajariik inki a'n Eh re' hin naawoq'iim naa nupahqaam nutoob'jiik reh i QaJaaw Dios. 21Ma' xta naq reet chi wilik ta jino'q i nee nq'orik chi wiij ruuk' i Dios, je' rukab' noq i rupahqaaj i otob'il jino'q i winaq chi riij i ramigo. 22Re' hin xama' k'ih haab' ta chik k'achalkiin, naa nukimiik reje ma' naa ta chik rilariik nuwach chi jumpech, inki.

will be added

X\