ISAIAS 47

1Re' Dios je' wili i xuq'or: Re' i hat tinamit Babilonia je' naq akab' i k'isa q'ahxoq, naa atzunaam awiib' pan pooq, naa rehtesjiik awajaawriik. Je' wo' hat Caldeo, naa atzunaam awiib' wach ak'al, ruum ma' jaruuj chik naa kiq'orom aweh chi q'e' hat looq'. 2Naa achopom aakaa' naa aye'ariik chi ke'inik arina, naa awesam itz'ihy b'urb'al awach. Eh naa atolom aso' naa at'usam atuuq, naa awik'iik pan rooq ha'. 3Naa ak'uhtaam ati'jolal chi t'uslik, naa ak'uhtaam ak'ixb'ilaal. Re' hin naa nuq'ajam wach aweh i ma' holohik taj i na a'n, ma' jino'q i naa ruko'leem riib' panuq'ab', inki. 4Re' i qaj ko'loom i Santolaj Dios i qaDios i hoj, hoj aj Israel, nim rajaawriik i rub'ihnaal je' wili i xuq'or: 5Re' hat Caldeo, naa atzunaam awiib' panq'equm chi ma' xta i naa aq'orom. Ruum ma' jaruuj chik naa kiq'orom chi wilik awajaawriik chi taaq'anik, chinaah i tinamit. 6Re' hin xchalik nujosq'iil chinaah i nutinamiit, xa re' la' ma' q'e' ta naq kow i ti' k'axik xnuyeew chikinaah, noq xnuyeew taq panaq'ab', ma' xaketelaaj ta kiwach. Xayeew la' taq ahl laj ihq chikinaah i rijib' taq winaq. 7Eh je' wili i xaq'or: Re' hin naa nuwihiik chi taaq'anik chi juneliik, tiki. Eh ma' xakapaaj taj chib'ih i naa ak'ulum, eh chib'ih naa wojiik kuxoq wii'. 8Yu'naak chab'iraj i nuq'or aweh i hat je' wili inaq'or: Xa re' wo' hin wilik wajaawriik ma' awach ta chik nee rureq chi je' rukab' i hin. Ma' jaruuj naa nukahniik chi je' rukab' ixoq inkimik reje i rub'ahiil eh kikimik reje i rak'uun rixq'uun, tiki. 9Xanaah re' xa chupaam i jinaj chi q'iij naa ruchaliik cha naah i ki'ib' chi ti' k'axik re' re', naa ak'ulum aweh je' rukab' i ruk'ul ixoq inkimik reje i rub'ahiil, inkimik taqe reje i rak'uun rixq'uun. Atoob' ta ma' k'isiin wo' naq i warinik, i q'ijinik i na a'n. 10Eh xakapaaj chi ma' xta i naa ak'ulum chub'aan ayiib' wach na'ojb'al, ma' awach ta inilwik weh, tiki. Re' akapeb'aal, re' ana'ojb'al xjot'wik aweh, je' wili i xaq'or pan aw√°nima: Xa re' wo' hin wilik wajaawriik, ma' awach ta chik i je' rukab' i hin, tiki. 11Xa re' la' jinaj i runimaal ti' k'axik naa ruchaliik cha naah, ma' xta chik naa ako'leem wii' awiib' chuwach. Jinaj i runimaal ti' naa ruchaliik cha naah ma' naa tarik'iik chawiij, chi ma' aweht'al naa rusachariik wach. 12Ko cha a'n pee i warinik, i q'ijinik, re' atijem pan awak'uniil. Nee inawil ko wilik oon neen kamanik wii' aweh, nee oon inchalik kiyo'jiik i tinamit awuum. 13Re' i hat ma' k'isiin taqe i kojol ana'ojb'al. Yu'naak kichaloq aj re' inki a'n i q'ijinik ruuk' ch'umiil re' taqe i kiq'orik reh rajlaal i poh chib'ih i naa ruchaliik cha naah mi nee pa' inki a'n ako'ljiik chuwach i ti' k'axik chalik reh cha naah. 14Re' taqe re' naakik'ahtiik je' rukab' noq ink'ahtik i k'im, ma' jaruuj naa kiko'leem kiib' chuwach. Ruum re' re' ma' xata je' rukab' i nah wach q'aaq' inkamanik chi reh q'axnik. Ma' naa ta kikuyum chi naa kitzunaam i koq kiib' ruuk'. 15Je' re' naa kojiik kuxoq wii' awaj q'iij atoob' ta kuuk' wo' naq i keh xasik' atoob'jiik chupaam aak'achariik. Re' keh xama' jaruuj wo' naa kianam ako'ljiik, naa la' kimolom chi elik ruum kiyo'jiik.

will be added

X\