EZEQUIEL 15

1Re' i QaJaaw Dios je' wili i xuq'or weh: 2Hat rak'uun winaq ¿Mi chihooj re' i ruche'el i uuva chuwach i chee' wilkeeb' pantaq ch'ahn? 3¿Mi neerub'an re' chi neensik'arik i q'ab' uuva reh chi neen korjik i chib'ih jariik chi reh? oon ¿Chi t'uyaab' jino'q xa chib'ih jariik? 4Xa sii' la' chik neenkahnik wii' noq k'ahtinaq chik taqe i ju', je' wo' taqe i panyejaal. ¿Mi ko wilik neen kamanik wii' re'? 5Wila' ma' chih xkamanik wii' noq komanlik wach ruche'el, kora'j naa chik wilik neen kamanik wii' re' noq k'ahtinaq chik. 6Ruum aj re', re' hin i Dios i nuq'or chi je' wili: Nik' wach noq ink'atarik pan q'aaq' i ruche'el i uuva. Je' wo' re' noq naa nukutum taqe pan q'aaq' i aj Jerusaleem i hin chi k'atb'al keh. 7Re' hin naa nuye'em nujosq'iil chikinaah. Atoob' ta neenkiko'leej kiib' chuwach i q'aaq' pampeet, xa q'aaq' wo' i naa ruk'atwiik keh. Eh re' taq i hat naa taq anab'eem chi re' hin i k'achlik Dios. 8Re' hin naa nukanaam i Jerusaleem chi xan tz'irik chik paam ruum xa re' i yiib' wach na'ojb'al inki a'n inki i QaJaaw Dios.

will be added

X\