DEUTERONOMIO 13

1Wila' xponik jino'q taq chaxilak i jalal ruq'oral i Dios i rub'an riib', oon jino'q i wilik i rilow wach parusaq wiriik, xuq'or-oq taq aweh jino'q i ma' ilooj taj, oon sahchb'al k'uxliis. 2Eh xk'ularik-oq wo' hoq i xuq'or, eh xuq'or-oq taq aweh chi je' wili: Taq taq qaloq'ej taqe i tiyoox ma' aweht'al ta taq wach i hat qanimaj taq je' rukab' inqa'an i hoj, inko'q taq aweh. 3Maa nimaj taq reh i jot'ool re' re' ruum re' taq aaWaJaaw aaDios ruuk' i re' taq naa kaat rupajam mi korik taq chi k'ahchi' animam chu'nchel aw√°nima, chu'nchel taq awansil. 4Je' re' noq xa re' wo' i QaJaaw i qaDios naa taq animam, xa re' wo' reh taq naa aloq'em cha a'n taq chu'nchel i ruq'or i ruk'uhb'aal, eh xa re' wo' reh taq naa ab'iram i ruq'oral ti k'acharoq taq pan jinaj wach k'uxliis ruuk' i reh. 5Eh re' i jalal ruq'oral i Dios i rub'an riib' re' re', oon wilik i rilow parusaq wiriik i ruk'ul chi naa rukanteesjiik ruum xuq'or taq aweh chi naa taq akanaam runimjiik i QaJaaw i qaDios x-eesanik taq aweh pankowlaj kamanik ar Egipto. Eh ruum chi xuq'or taq aweh chi naa taq akanaam i rub'eeh taq aaDios re' i ruq'orom chi naa taq ak'amam. Ruum aj re' koruman chi naa taq asacham wach i yiib' wach wilik taq chaxilak. 6Atoob' ta re' awehk'een, oon awak'uun awixq'uun, oon jino'q taq aawas, oon jino'q taq i naah awamigo chi ma' eht'alimaj ta nee tirumin chupaam chi nee taq inaloq'ej taqe i tiyoox ma' aweht'al ta taq kiwach i hat. Eh ni xata re' taqe aamaam awati't xi eht'alinik cho kiwach. 7Nik' wach kika'yik taqe i tiyoox inkiloq'ej taqe i tinamit wilkeeb' taqe reje chi najt, chi ma' najt taq cha junsuut wilkeeb' sut i wach ak'al. 8Re' i neeminwik taq aweh chi kilooq'jiik taqe re' maab'iraj taq reh manimaj taq reh, maaketelaaj taq wach, eh maa keb'aa' wo' taq aha' wilik i rub'an. 9I ruk'ul la' chi naa taq akansam. Re' taq i hat naa ab'aniik reh chi peet, chi riij i re' naa wo' rub'aan reh kuum chu'nchel i tinamit. 10Naa kikutib'eem chi ab'aj korehtaal inkikansaj ruum xat raj naq taq kaat resam chi runimjiik i QaJaaw i qaDios x-esanik taq cha weh Egipto re' hat naq taq minooj wii' pankowlaj kamanik. 11Eh wila' kanteesjik awach i naa rub'aniik reh i na'ojb'al re' re', chu'nchel i tinamit Israel naa runab'iniik reh, chi je' re' neekiyo'jik, ma' awach ta chik naa rub'aniik i yiib' wach na'ojb'al re' re'. 12Eh noq wilkaat taq chik chupaam i ye'aab' naa ruye'em taq aweh i QaJaaw i qaDios, eh xab'iraj-oq taq rib'iral, 13chi wilkeeb' taqe i winaq ma' holohik taj i kina'ojb'al xkik'am-oq rub'eeh taq aatinamiit chi kiloq'oonjiik taqe i tiyoox re' i ma' aweht'al ta taq wach. 14Re' taq i hat inchol taq asik'im chi riij mi korik chi wilkeeb' ar. Eh wila' korik chi wilkeeb' ar, eh korik chi k'achi' kianam taqe i yiib' wach na'ojb'al re' re'. 15Re' taq i hat inchol taq akansam ruuk' i q'aslaj ch'ihch' taqe i patineel chupaam i tinamit re' re', je' wo' taqe i kichikoop, eh naa wo' taq rukuxiik asacham wach chu'nchel i wilkeeb' chupaam. 16Re' taqe i kib'ehomal naa taq amolom kiwach panyejaal i tinamit junk'ahtiik taq naa a'nam kuuk' i tinamit, je' wo' chu'nchel i wilkeeb' ar. Eh naa taq rukuxiik ak'atam chi je' k'atoj mayiij chuwach i QaJaaw Dios. Re' tinamit re' re' naa rusahchiik wach chi jumpech ma' jaruuj chik naa rukorjiik. 17Eh ma' naa ta taq amolom cha weh i ye'ooj taq aweh chi naa taq asacham kiwach, reh chi re' Dios ma' nee ta nchalik i rujosq'iil taq cha naah nee la' ruketelaaj taq chawach naa ruye'em q'ab' chi naa taq apatiniik chi runimaal tinamit, je' rukab' i ruq'orom cho ruuk' korik i QaJaaw Dios keh taq aamaam awati't. 18Je' re' neerub'an taq cha wuuk' wila' xanimaj taq i QaJaaw i qaDios, wila' xa a'n taq chu'nchel i ruq'or i ruk'uhb'aal, re' i k'ahchi' nuq'orom taq aweh i hin yu'naak. Eh re' taq i cha a'n imponik chuwach i reh.

will be added

X\