1 CRONICAS 4

1Re' Judá je' wili kib'ihnaal i rak'uun: Fares, Hezrón, Carmi, Hur Sobal, 2Re' Reaía i rak'uun i Sobal re' re' rajaaw i Jahat. Re' Jahat rajaaw i Ahumai, ruch'ihil i Lahad re' taqe re' kimaam kati't i aj Zoratitas. 3Re' Etam je' wili kib'ihnaal i rak'uun: Jezreel Isma, Ibdas, eh jinaj i kanaab' Naze-lelponi rub'ihnaal. 4Re' Penuel rajaaw i Gedor, re' Ezer rajaaw i Husa, re' taqe re' rak'uun i Hur, peet rak'uun i Efrata. Eh re' Hur kimaam kati't i aj Belén. 5Re' Asur i rajaaw Tecoa, kiib' iruxoqil xwihik, je' wili kib'ihnaal: Hela, Naara. 6Eh re' Asur re' re' kijib' i rak'uun xwihik ruuk' i Naara, je' wili kib'ihnaal: Ahuzam, Hefer, Temeni, Ahastari. 7Eh re' taqe rak'uun ruuk' i Ela je' wili kib'ihnaal: Zeret, Jezoar, Etnán. 8Re' Cos rajaaw i Anub rajaaw wo' hoq i Zobeba. Re' taqe re' rumaam rati't Aharhel, re' rak'uun i Harum. 9Re' Jabes jinaj winaq wilik rib'iral chi kow riib' chikiwach taqe i ras, eh ruchaaq. Re' rutuut Jabes i rub'ihnaal xukoj ruum q'e' xik'ik chi ti' noq x-aasjik i rak'uun re' re'. 10Eh re' Jabes xub'an rutiij chuwach i qaDios i hoj, hoj aj Israel je' wili xuq'or: QaJaaw Dios kinakuxisaj tii chayeew weh i nimlaj ye'aab'. Neeta tii ti wihik wuuk' reh chi ma' xta neekiruchej i ti' k'axik neenchalik chi nunaah, inki. Eh xye'arik wo' reh ruum i Dios i xupahqaaj. 11Re' Quelub i ras i Súa rajaaw i Mehir. Eh re' Mehir rajaaw i Estón. 12Re' Estón rajaaw i Bet-rafa, rajaaw wo' i Paseah, je' wo' hoq i Tehina. Re' i Tehina, re' i xtooq'anik reh i tinamit Nahas. Re' taqe wili i wilkeeb' ar Reca. 13Re' Cenaz je' wili i kib'ihnaal i rak'uun, Otoniel. Seraías. Re' i Otoniel je' wili i kib'ihnaal i rak'uun: 14Hatat, Meonotai. Re' Meonotai rajaaw i Ofra. Eh re' Seraías rajaaw i Joab. Re' Joab kimaam kati't taqe i patim wach k'ixkaab' Carisim, ruum re' keh kichol kamanik chi korik. 15Re' taqe rak'uun i Caleb i rak'uun i Jefone, je' wili kib'ihnaal: Iru, Ela, eh Naam. Eh re' i Ela rajaaw i Cenaz. 16Re' Jehalelel, je' wili kib'ihnaal i rak'uun: Zif, Zifa, Tirías, Asarel. 17Re' Esdras je' wili kib'ihnaal i rak'uun: Jeter, Mered, Efer, Jalón. Re' Mered xub'an kaxáro ruuk' i rixq'uun i kireey i aj Egipto xwihik rak'uun ruuk' je' wili kib'ihnaal: Jeter Mered, Eter Jalón, eh re' María Samai, Isba. Re' Isba rajaaw i Estemoa. 18Re' Mered xwihik jinaj rehk'een aj Judá xwihik rak'uun ruuk', Jered i rub'ihnaal, rajaaw i Gedor, re' i jinaj Heber, rajaaw i Soco, eh re' jinaj chik Jecutiel i rub'ihnaal, rajaaw i Zanoa. Re' taqe wili i rak'uun Bitia rixq'uun i kireey i aj Egipto re' xub'an kaxáro ruuk' i Mered. 19Re' rehk'een i Hodías ranaab' i Naham, jinaj keh i rak'uun ruuk' ixoq re' re' rajaaw i Keila, aj garmita, eh jinaj chik i rak'uun rajaaw i Estemoa aj Maacateo. 20Re' i Simón je' wili i kib'ihnaal i rak'uun: Amnón, Rina, Ben-hanán, Tilón. Re' Isi, je' wili kib'ihnaal i rak'uun: Zohet, Benzohet. 21Re' Sela i rak'uun i Judá je' wili i kib'ihnaal i rak'uun: Re' Er i rajaaw i Leca, re' Laada, i rajaaw i Maresá, re' taqe i kikamanik ruuk' itz'ihy lino ar Bet-asbea. 22Re' Jocim re' taqe i winaq xi patinik chupaam i tinamit Cozeba, re' Joás, re' Saraf, re' i k'amal kib'eeh i aj Moab, xooj kian kaxáro kuuk' ixoq aj Lehem je' rukab' i kitz'ihb'aam kahnoq i aj najtir q'iij. 23Re' taqe re' i aj yej-an xa chib'ih jariij ruuk' saq ak'al chupaam i tinamit Netaim, eh Gedera. Eh ruuk' i reey kikamanik. 24Re' Simeón je' wili kib'ihnaal i rak'uun: Nemuel, Jamín, Jarib, Zera, Saúl. 25Re' Saúl rajaaw i Salum. Re' Salum rajaaw i Mibsam. Re' Mibsam rajaaw i Mismá. 26Re' Mismá, Hamuel rub'ihnaal i rak'uun. Re' Zacur Simei rub'ihnaal i rak'uun. 27Re' Simei waqlaj i rak'uun xwihik, eh waqiib' i rixq'uun re' taqe i ras i ruchaaq i Simei, xa re' la' ma' k'ih ta taqe i kak'uun kixq'uun i xwihik. Ruum aj re' ma' q'e' ta xi k'ihaaxb'ik i riih rumaam i Simeón. Ma' xponik ta chi je' k'ihaal i riih rumaam i Judá. 28Re' taqe i rak'uun rixq'uun i Simeón ar xi patinik Beerseba Molada, eh Hazar-sual. 29Eh chupaam taqe i tinamit Bilha i Ezem Tolad. 30Betuel, Horma, Siclag. 31Bet-marcabot Hazar-susim, Bet-birai, Saaraim. Re' taqe re' i kitinamiit korehtaal xokik chi reyil i David. 32Eh ho'oob' wo' chik i kitinamiit chi riij taqe re', je' wili kib'ihnaal: Etam, Aín, Rimón, Toquén, Asán. 33Eh chupaam chu'nchel i kok' ye'aab' wilkeeb' wii' chi kijunsuut i tinamit re' re' korehtaal xponik Baal. Eh chupaam taqe ye'aab' re' re' xi patinik taqe i kiih kimaam. 34Je' wili kib'ihnaal: Mesobab, Jamlec, Josías rak'uun Amasías. 35Joel, Jehú, rak'uun i Josibías. Re' i Josibías rak'uun i Seraías. Re' Seraías rak'uun i Asiel. 36Elioenai, Jaacoba, Jesohaía, Asaías, Adiel, Jesimiel, Benaía. 37Ziza, re' Ziza rak'uun i Sifi. Re' Sifi rak'uun Alón. Re' Alón rak'uun chee Jedaías. Re' Jedaías rak'uun i Simri. Re' Simri rak'uun i Semaías. 38Re' taqe xq'orarik kib'ihnaal wili, re' taqe re' xi kahnik chi k'amal kib'eeh taqe i ju'jun ch'uq chi xak'uuk' kiib'. Eh ma' k'isiin ta xi k'ihaaxb'ik i awach keh. 39Ruum aj re' xiooj k'oloq chi korkiil ireelb'aali q'iij kopanookb'al reh i Gerar, xkisik' i ye'aab' aha' xkireq wii' ruwa' i kitentzuun. 40Eh xponik kireq i runimaal ye'aab' q'e' holohik, eh q'e' wo' holohik i ch'ahn chupaam ruwa' i kichikoop. Eh ar suq xi wihik ma' awach ta xtz'a'inik keh ruum re' taqe i riih rumaam i Cam xi wihik cho ar pampeet. 41Eh re' taqe i tz'ihb'amaj kib'ihnaal re' re' xi ponik chupaam i ye'aab' re' re' noq wilik chi reyil ar Judá i Ezequías. Noq xi ponik xkisach wach i patim taqe ar, xkiyojib'eej i kipaat. Re' chik i keh xi okik chi patinik ar chi kijilow. Eh ar xi kahnik chi patinik chi jumpech, ruum ar xkireq ruwa' i kichikoop. 42Eh hoob' siento taqe i re' ruuk' i riih rumaam i Simeón xiooj chinaah i yuuq' Seir. Re' taqe i xk'amwik reje kib'eeh je' wili i kib'ihnaal: Pelatías, Nearías, Repaías, Uziel rak'uun Isi. 43Noq xi ponik ar xkuxik xkisacham wach taqe i kiqox i aj Amalec. Eh ar xi kahnik chi k'acharik chi jumpech.

will be added

X\