1 Re' Adán rajaaw i Set, re' Set rajaaw i Enós. 2 Re' Enós rajaaw i Cainán, re' i Cainán rajaaw i Mahalaleel rajaaw Jared. 3 Re' Jared rajaaw i Enoc, re' Enoc rajaaw i Matusalén, re' Matusalén rajaaw i Lamec, re' Lamec rajaaw i Noé. 4 Re' Noé je' wili i kib'ihnaal i rak'uun: Sem, Cam, Jafet. 5 Re' Jafet je' wili i kib'ihnaal i rak'uun: Gomer, Magog, Madai, Javán, Tubal, Mesec, Tiras. 6 Re' Gomer je' wili i kib'ihnaal i rak'uun: Askenaz, Rifat, Togarma. 7 Re' Javán je' wili kib'ihnaal i rak'uun: Elisa, Tarsis, Quitim, Dodanim. 8 Re' Cam je' wili i kib'ihnaal i rak'uun: Cus, Mizraim, Fut, Canaán. 9 Re' Cus je' wili i kib'ihnaal i rak'uun: Seba, Havila, Sabta, Raama, Sabteca. Re' i Raama je' wili kib'ihnaal i rak'uun: Seba, Dedán. 10 Re' Cus rajaaw i Nimrod re' i peet xwihik rajaawriik chupaam i ye'aab' re' re'. 11 Re' i Mizraim, rumaam rati't taqe aj Ludim, taqe i aj Anamim, taqe aj Lehabim, taqe i aj Naftuhim. 12 Je' wo' taqe i aj Patrusim, taqe i aj Casluhim. Re' i Patrusim, i Casluhim re' taqe re' i kimaam kati't aj filisteo, je' wo' taqe i aj Caftoreos. 13 Re' i Canaán re' i rajaaw i Sidón i peet rak'uun, eh re' i Het. 14 Re' i Canaán rumaam rati't taqe i aj jebuseo, taqe i aj amorreo, taqe i aj gergeseo. 15 Je' wo' taqe i aj heveo, taqe i aj araceo, 16 taqe i aj arvadeo, taqe i aj zemareo, taqe i aj hamateo. 17 Re' taqe i rak'uun i Sem, je' wili kib'ihnaal: Elam, Asur, Arfaxad, Lud, Aram. Re' taqe rak'uun i Aram je' wili i kib'ihnaal: Uz, Hul, Geter, Masec. 18 Re' Arfaxad rajaaw i Sela. Re' i Sela rajaaw i Heber. 19 Re' Heber kiib' i rak'uun xwihik, re' peet rak'uun Peleg i rub'ihnaal ruum chupaam i ruq'ijil i reh xkich'aqib'eej kiib' i k'achareel wach ak'al. Re' rak'uun jinaj chik i Joctán. 20 Re' Joctán rajaaw i Almodad, i Selef, i Hazar-mavet i Jera, 21 i Adoram, i Uzal, i Dicla, 22 i Ebal, i Abimael, i Seba, 23 i Ofir, i Havila, i Jobab, chu'nchel i re' rak'uun i Joctán. 24 Re' Sem rajaaw i Arfaxad, re' Arfaxad rajaaw i Sela. 25 Eh re' Sela rajaaw i Heber, re' i Heber rajaaw i Peleg, re' i rajaaw i Reu. 26 Re' Reu rajaaw i Serug, re' Serug rajaaw i Nacor, re' i rajaaw i Taré. 27 Re' Taré rajaaw i Abram, eh Abraham wo' inkiq'or reh. 28 Re' Abraham, Isaac, Ismael kib'ihnaal i rak'uun. 29 Re' Abraham je' wili kib'ihnaal i riih rumaam: Nebaiot i peet rak'uun, Ismael, re' Cedar Adbeel, Mibsam. 30 Mismá, Duma, Maasa, Hadad, Tema. 31 Re' Jetur, Nofis, i Cedema chu'nchel i re' rak'uun taqe i Ismael. 32 Re' i Cetura rukab'ruxoqil i Abraham, je' wili kib'ihnaal i rak'uun: Zimram, Jocsán, Medán, Madián, Isbac, Súa. Re' i Jocsán Seba, Dedán kib'ihnaal i rak'uun. 33 Re' Madián je' wili i kib'ihnaal i rak'uun, Efa, Efer, Hanoc, Abida, Elda. Chu'nchel i re' riih rumaam i Cetura. 34 Re' Abraham rajaaw Isaac. Re' Isaac kajaaw Esaú, i Israel, Jacob wo' inkiq'or reh. 35 Re' Esaú je' wili kib'ihnaal i rak'uun: Elifaz, Reuel, Jeús, Jaalam, Coré. 36 Re' i Elifaz je' wili i kib'ihnaal i rak'uun: Temán, Omar, Zefo, Gatam, Cenaz, eh re' i Amalec re' i xwihik ruuk' i Timna rukab'ruxoqil. 37 Re' Reuel je' wili i kib'ihnaal i rak'uun: Nahat, Zera, Sama, Mizá. 38 Re' Seir je' wili kib'ihnaal i rak'uun: Lotán, Sobal, Zibeón, Aná, Disón, Ezer, Disán. 39 Re' Lotán je' wili kib'ihnaal i rak'uun: Hori, Homam. Re' i Timna ranaab' i Lotán. 40 Re' Sobal je' wili kib'ihnaal i rak'uun: Alván, Manahat, Ebal, Sefo, Onam. Re' taqe rak'uun i Zibeón, re' Aja, re' Aná. 41 Re' Aná rajaaw i Disón. Re' Disón je' wili kib'ihnaal i rak'uun: Amram, Esbán, Itrán, Querán. 42 Re' Ezer je' wili kib'ihnaal i rak'uun: Bilhán, Zaaván, Jaacán. Re' taqe rak'uun i Disán, re' Uz, re' i Arán. 43 Re' i reey xi wihik chi taaq'anik Edom noq komajaa' chih kireey i aj Israel, je' wili kib'ihnaal: Re' peet re' Bela rak'uun i Beor aj pan tinamit Dinaba. 44 Noq xkimik reje i Bela re' chik i Jobab rak'uun i Zera xkahnik chi reyil chi jilow, aj pan tinamit Bosra. 45 Noq xkimik reje i Jobab, re' chik i Husam xkahnik chi reyil chi jilow, aj panruyuq'ul i Temán. 46 Noq xkimik reje i Husam re' chik i Hadad rak'uun i Bedad xkahnik chi reyil chi jilow. Re' Hadad re' i xb'anik keh i aj Madián chupaam i ye'aab' Moab aj pan tinamit Avit. 47 Noq xkimik reje i Hadad re' chik i Samla xkahnik chi reyil chi jilow aj pan tinamit Masreca. 48 Noq xkimik reje i Samla re' chik i Saúl xkahnik chi reyil chi jilow aj pan tinamit Rehobot wilik chi chii' i nim ha' Éufrates. 49 Noq xkimik reje i Saúl, re' chik i Baal-hanán i rak'uun i Acbor xkahnik chi reyil chi jilow. 50 Noq xkimik reje i Baal-hanán re' chik i Hadad xkahnik chi reyil chi jilow, aj pan tinamit Poi. Re' i rehk'een i Hadad Mehetabel i rub'ihnaal rixq'uun i Matred, eh riih i Mezaab. 51 Noq xkimik reje i Hadad re' taqe i k'amal kib'eeh i aj Edom je' wili i kib'ihnaal: Timna, Alva, Jetet. 52 Re' Aholibama, Ela, Pinón, 53 Cenaz, Temán, Mibzar, 54 Magdiel, Iram. Chu'nchel i re' xi wihik chi k'amal kib'eeh i aj Edom.
