SAN MATEO 2

1Tí kokjíexín ch'ín Jesús tí chjasin Belén estado Judea la tí ya̱on a kjuák'e ijnko ch'ín rey it'in Herodes mé k'ue̱tue̱nhen ch'án tí nación a. A̱ ntá xrína̱hya iso chojni ntoa kjuix̱ iṉ ijnko chjasin nó tjiṯ ox̱ iṉ yao̱ n mé kjuíji sín chjasin Jerusalén. Jehe sín mé sín mago mé tónoexín sín tí konotsé. 2Ntá kjuanchankí sín kíxin: ―¿Nketí tjen tí xjan tsíkokjíhi ts'óna tí rey ts'e̱tue̱nhen tí sín judío? K'uíkonxínni tí konotsé kuènte ch'án nó tjiṯ ox̱ iṉ yao̱ n na ntá ó kjuini kíxin tsochjéheni ch'án kjuasáya ―ichro sín. 3Ntá kuínhin tí ch'ín rey Herodes tí xiḵ aha ichro sín ntá imá tóxakonhen ch'án la ko tóxakonhen kaín tí sín chjasin Jerusalén. 4Ntá tí ch'ín rey k'ue̱to̱an kíxin síxrakoa kaín tí sín ncha̱t'á t'e̱to̱an la kaín tí sín tjako tí ley la ntá kjuanchankíhi sín ch'án nketí chrókokjíexín tí nkexro Cristo. 5Ntá jehe sín kjuáte̱he sín kíxin: ―Tsokjíexín xjan chjasin Belén estado Judea mé xiḵ aha tsíkjin tí sín tsíchrónka itén Dios. Ntáchro xiḵ ihi: 6Jaha chjasin Belén nonte Judá, jaha la jehya ijnko chjasin imá ntsí; kíxin tí nonte ts'axrjexín tí nkexro a̱ntsí t'e̱to̱an, la jehe ch'án ts'ayakonhen tí chjasin kuènta̱na mé chjasin Israel. Mé xiḵ aha nixja itén Dios. 7Ntá imó k'uíye̱he̱ ch'in Herodes tí sín mago la kjuanchankíhi ch'án sín nkesá kjuankíxin k'uíkon sín tí konotsé. 8Ntá chrónka sín ntá tuénxín k'ue̱to̱an ch'án kíxin sátsji sín chjasin Belén la ntáchro ch'án kíxin: ―Sátjirá ntiha la tjéyárá tí xjan la tió ts'itjará xjan la tso̱chro̱nka̱rá kíxin ntá kja̱xian janhan sátsjia ntiha tso̱tja̱ha̱ xjan kjuasáya ―mé xiḵ aha k'ueṯ oa̱ n ch'ín Herodes. 9Ntá kuínhin tí sín mago tí nkehe k'ue̱to̱an tí ch'ín rey ntá sákjuí sín la xík'ikon sín tí konotsé ínaá la kjuítaón va ntia̱ la ntá chréhe̱ sín hasta kjuák'e va chrítaón tí nchia tjen tí xjan a. 10Ntá tió k'uíkon tí sín mago nketí kjuák'e tí konotsé la imá kóchéhe̱ sín. 11La k'uíxenhen sín tí nchia la k'uíkon sín tí xjan kjuák'eko tí tjan María ìné xjan. Ntá k'uéjóxin toch'in sín la chjéhe sín kjuasáya ntá kuakitjeẖ e ̱ sín tí nkehe kjuiḵ ao̱ sín la kjuanjon sín chica oro la ko ihnti tsochéxin chjiṉ co̱ la ko xroa̱ ̱n xraxé náxrjón. 12Ntá chr'éxiṉ kotáchrién sín chrónkaxín kíxin chrókjanhya sín tí tjen ch'ín Herodes. Méxra ̱ kja̱nxiṉ sín í jnko ntia̱ la sákjuí sín chjasén sín. 13Ntá tió kjuixin sákjuí tí sín mago la ntá kotáchrién ch'ín José chrónkaxín titàya̱ k'uíkon ch'án ijnko ángel kuènte Ìnchéni chrónka kíxin: ―T'àyá sátsjikoa xjan la ko ìné xjan la sátsjirá chjasin Egipto la ntahó ts'ejorá hasta tso̱xrja̱nkajia, kíxin tí ch'ín Herodes xritjeyá tí xjan chrók'óyán ch'án xjan ―mé xiḵ aha chrónka tí ángel. 14Ntá ch'ín José k'uàya la ntá sákjuíko ch'án xjan la ko ìné xjan la sákjuí sín chjasin Egipto tí tie a. 15Ntahó k'uéjó sín hasta ik'uén ch'ín Herodes. Mé xiḵ aha kónhen kíxin tsoxiteyá kaín tí nkehe chrónka Ìnchéni, k'uénixja tí sín tsíchrónka itén ch'án. Mé ntáchro sín kíxin: “Chjasin Egipto kjuák'e xja̱nna ntá k'uíya̱ha̱ ch'án”. 16A̱ ntá kónohe ch'ín rey Herodes kíxin tí sín mago mé kjuích'iyehe sín ch'án ntá imá kónínkaon ch'án la k'ue̱to̱an ch'án kíxin its'en kaín tí chánjan ntoa siín chjasin Belén ó chónta iyó nánó la ko tí xjan na̱xa̱ chóntahya iyó nánó. Mé xiḵ aha k'ueṯ oa̱ n ch'án kíxin ó xraxinkaon ch'án nkehe kuínhin ch'án chrónka tí sín mago. 17Mé xiḵ aha ó xiteyá tí nkehe tsíkjin tí ch'ín Jeremías ntáchro ch'án kíxin: 18Kuínhin sín itén chojni chjasin Ramá mé tsjánka sín. Tíha mé tí tjan Raquel la tsjánkàma̱ tjan xje̱en tjan. Kohya nkexro sinchechéhe̱ tjan kíxin ó kaín xjan tsík'en xjan. Mé xiḵ aha chrónka itén Dios. 19Ntá tió kjuixin k'uén ch'ín Herodes ntá ijnko ángel kuènte Ìnchéni mé k'uíkonxín ch'ín José kotáchrién ch'án tí kjuák'e ch'án chjasin Egipto mé ntáchro kíxin: 20―T'àyá sátsjikoa tí xjan la ko tí ìné xjan la tsokjan chjasin Israel kíxin ó kjuixin k'uén tí nkexro chrók'óyán tí xjan a ―mé xiḵ aha k'ueṯ oa̱ n tí ch'ín ángel. 21Ntá ch'ín José mé k'uàya ch'án la sákjuíko ch'án tí xjan la ko tí ìné xjan la sákjuí sín chjasin Israel. 22A̱ ntá kuínhin ch'ín José kíxin ch'ín Arquelao xje̱en ch'ín Herodes mé k'ue̱to̱an ch'án tí estado Judea la ntá chrakon ch'án la sáchrókjuihya ch'án ntiha. A̱ ntá kotáchrién ch'án chrónkaxín Dios kíxin sáchrókjui ch'án estado Galilea. 23Ntá tió kjuíji sín ntiha ntá sákjuí sín ijnko chjasin it'in Nazaret la ntaha k'uéjó sín. Mé xiḵ aha xiteyá tí nkehe tsíchrónka tí sín k'uénixja itén Dios senó. K'uéntáchro sín kíxin jehe ch'án mé tsiḵ iṯ exín sín nazareno.

will be added

X\