TITUS 1

1Ngak a Paulus, el mesiungel a Dios el apostol er a Jesus Kristus. Ak meltutk el mo olengeseu er a re ngellitel el chedal a Dios me te mo medengelii a klemerang el rolel a klengar er a re chedal a Dios, 2el ngii a meskid omeltked el mengiil er a diak a ulebengelel klengar, el le dillii a Dios el diak lomulak, er a ngar a mong; 3e ser a bo le belsechel e ng ulechotii er kid er a tekingel. A Dios el Osebeled a ulterekeklii tial osisechakl er ngak el kirek el ouchais er ngii. 4Ak meluches el ekor kau e Titus el ngelekek, el oumerang el ua ingak. A Dios el Chedam ma Kristus Jesus el Osebeled le beskau a krasia ma budech. 5A uchul mak milechikau er a Krete a kirem el mo rukui el sumechokl a ikel dirk teleu el ureor, e tutketerir a re mechuodel er a ikelesia er a bek el beluu el oltirakl a ikel kdilu er kau el kmo, 6a chad el oungerachel er a ikelesia a diak a telemellel, el di ta bechil, e a re ngelekel a oumerang e diak lultelechakl er a kmo te dengerenger ma lechub e ng diak lorrenges a tekoi. 7Ele chad el mengeteklel a ikelesia, a oungerachel a urerel a Dios, me ng kirel el diak a telemellel. Ng diak di loumerreder er ngii, e le bekongesengasech a rengul, ma ka le sekengim er a mesisiich el ilumel, ma lechub e le sekodechelakl ma lechub e le ngemokel a udoud. 8Ng bai kirel el ometechakl er a re merael el mor a blil, e soal el meruul a ungil tekoi, e ultebechel, e melemalt el chad, e klikiid, e ulserechakl a rengul. 9Ng kirel blak a rengul er a klemerang el bla le mosisechakl er ngii, me bo le sebechel el osisechakl a meral osisechakl, e oturk a tekingir tirkel omtok er ngii el osisechakl. 10Ele te betok a re di olab a rengrir el chad el diak le mechedereder, el di melekoi a diak a ultutelel el tekoi, e olisechakl el mengeuid er a re chad, e tirkel kmal sorir el ua isei tirkel oldubech otutel a botk er a re chad er a Judea. 11Ng kired el mutek a ngerir, ele te mla remuul a bebil er obliil el mo ouedikel el olisechakl a ikel diak le kirir el olisechakl el di kirel omengereker er tir. 12Ng chad er a Krete el tar a re profet er tir a dilu el kmo, “A re chad er a Krete a di bulak, e ua mekngit el tebelik el charm, e mesaik e ngemokel.” 13E tia meral tekoi. Me ng kirem el meringel el mellach er tir me bo lultebechel el oumerang, 14me lak longesang er tir er a cheldecheduch el chelid er a re chad er a Judea, ma lechub a di llecherir a re chad el omtok er a meral osisechakl. 15Tirkel melemalt a rengrir a di ungil a rokui el tekoi er tir, e tirkel chebirukel a rengrir e diak loumerang, a diak a tal tekoi el ungil er tir; ele uldesuir ma ulekltkel a rengrir a mekngit. 16A omelekingir a kmo te medengelii a Dios, e ngdi omerellir a kmo ng diak; te kmal chetil a Dios, e diak loltirakl a tekingel a Dios, e diak a tal ungil el omeruul el bo letab er ngii.

will be added

X\