2 PETRUS 3

1Kemiu el betik er a renguk, tia mong me ng ongerul babier el klechesii el ekor kemiu. E ngiil erul babier a kuluusbech el melasem el meledaes a rengmiu e omeklatk er kemiu er a ikal tekoi. 2Ng soak cho molatk a ikel tekoi el meldung er a ngar a mong el lullekoi a re mechedaol profet, ma ikel tekoi el lulengelechel a Rubak e Osobel el le bilskemiu a re apostol el ileko er kemiu. 3A kot e ng kiriu el mo medengei el kmo sel le mei a ikel uriul sils, e a re bebil er a re chad a me duum el di blekall er a ngelbesir. Te mo mededenguul er kemiu Te mo mededenguul er kemiu 4e oker el kmo, “Ng kor a dilu el kmo ng lmuut el mei? Me ng ngar ker? A re demmam a mla mad, e ngdi bek el tekoi a dirk osisiu er ser a lobeob a beluulchad el mer chelechang!” 5Te tilib er a rengrir el diak lomekerreu el kmo a Dios a di millekoi e a eanged ma chutem a obeob. A beluulchad a ulebeob er a ralm el tilobed er a ralm, 6e dirrek el uleak a ralm, e elebii a dimla beluulchad er a irechar me ng metemall. 7Ngdi eanged ma chutem el ngar ngii er chelechang a kldmokl el oeak a osisiu el tekingel a Dios, e medechel el kirel el mo metemall er a ngau. Ng kldmokl el mengiil er sel sils el bo le mukerrekeriil er ngii e lobals el nguemed tirkel chad el diak lomekerreu er a Dios. 8Ngdi lak mobes er a tal tekoi, kemiu el betik er a renguk! Ng diak a klekakerous er medal a Rubak er a tal sils ma tal telael el rak; a ikal erul tekoi a di osisiu er ngii. 9A Rubak a diak le meoud el mo meruul a ikel tekoi el le tilib el mo meruul, el ua ikel lomdasu a re bebil er a re chad. Ng bai oba kllourreng el kiriu, ele ng diak el soal a ngii di le chad a leriid, e bai soal a rokui el chad a lobult el mo imikr a kngterir. 10Ngdi Sils er a Rubak a mei el ua merechorech. Isel Sils e ng mo klou el orreek a eanged e di mo dibus; ma buil ma btuch ma ikel ngar a eanged a di medul el metemall el mo diak; ma beluulchad ma ikel rokui el ngar a chelsel me ng di mo nguemed. 11Ma le ua isei el mo nguemed a rokui el tekoi, e ng kol kirel el mo ua ngera blekerdeliu el chad? Ng kiriu el mo klikiid e omekerreu er a Dios er a klengar er kemiu, 12cho mongiil e morreched er sel Sils er a Dios el mei, el bo le medul er ngii el mo diak a eanged ma ikel ngar ngii er a eanged di lobulech er a kleald el mo diak. 13Ngdi kid a mengiil a ikel telbilel a Dios: el beches el eanged ma beches el beluulchad, el rokui el tekoi er ngii a di llemalt. 14Ma le ua isei, e kemiu el betik er a renguk, chelechal mongiil er sel Sils, e lesal mo blak a rengmiu el mengikiid er kemiu e lak a telemelliu er medal a Dios e le chelellakl a rengmiu. 15Momes er a kllourreng er a Rubak el kmo ng omeskemiu a techall el mo suobel, el di ua betik er a rengud el Paulus er a loluches el ekor kemiu, el ousbech er a llomeserreng el le bilsa Dios. 16Tiaikid a lolekoi er ngii er a ikel rokui el babier el loluches el kirel itial tekoi. Ng ngar ngii a diak le bleketakl a belkul el tekoi el ngar a babilengel el lolasem el mesaod el chouid a re diak lodenge tekoi e diak lultebechel el chad, el di ua omesodir er a bebil er a tekoi er a Chedaol Llechukl. Me ng di tir el ochoud a mo uchul e te di mo nguemed. 17Ngdi, kemiu el betik er a renguk, a cho modengei el ua isei, e bo le blak a rengmiu el mengkar er kemiu, me lak kom motuchakl er a cheleuid el osisecheklir a re diak le llechuul chad e moriid a tebechelel a rengmiu. 18Bai molemolem el mukeroul er a krasia ma klemedengei er kemiu er a Rubak er kid e Osobel el Jesus Kristus. Le bor ingii a klebkall, er chelechal mo cherechar! Amen.

will be added

X\