2 KORINTH 9

1Ng diak a ultutelel er chelechang a kuluches el ekor kemiu el kirel a tenget el ngiuul el kirir a re chedal a Dios el ngar a Judea. 2Ak medengelkemiu el somiu el olengeseu, mak uluuchais er a re chad er a Masedonia el kmo, ‘A re ngar a Akaia a mla mo tal rak er a le kldmokl el mo olengeseu.” Ma klemeriar er a rengmiu el mo olengeseu a kmal ulekar a rengrir a ruumesingd er tir. 3Me chelecha e a re bebil er kid a ngar kemam el eko olengeseu er kemiu, me ng mo uchul e ng diak leiit a ikel bla kim du el kiriu. Ng di mo ua ia ikel kdilu el kmo kom di mo kldmokl er a ulengesumiu. 4E ngdi lsekum a re bebil er a re chad er a Masedonia a obengkek el ekong, e metik er kemiu el diak kom kldmokl, e aki kmal mo merur el mla tmeu a ngeram el kiriu, me kemiu me kom dirrek el mo merur. 5Tia ia uchul mak dilu er tirkal bebil er kid me di ba lokiu uche er ngak el ekong, me di ba le kedmokl a ikel di bla mtib el ulengesumiu. Misel kichikang, e ng kldmokl a ulengesumiu el ochotii el kmo ng mlar ngii er a rengmiu, el dimlak morimel. 6A kulekoi er ngii a kmo ngikel chad el di kesai a lolalem, a di kesai el rodech a bo loridm; e ngikel betok a lolalem, a mo betok a loridm. 7Ma ta ma tal chad lolengeseu el oltirakl er a telbilel a rengul, e lak lomai er a rengul el ua ia le mlorimel; ele Dios a soal ngikel ungil a rengul e olengeseu. 8A Dios a sebechel el kmal mdois a klengeltengat el mer kemiu, me ng di blechoel el ngar ngii er kemiu a ikel rokui el mousbech, el medeel el dirrek el kirel a bek el ungil tekoi el moruul. 9Ng di ua ikel lolekoi a Chedaol Llechukl el kmo, “A ungil chad a kmal bekerurau el mor a re mechebuul; ma omerellel el ungil er a rengul a Dios a di melemolem el mo cherechar.” 10Ma Dios, el omsa delomel a chad er omelalem e omsa kall el longang, a mo meskemiu a ikel rokui el delomel el mousbech e mekeroul el mo bekerredechel el oltirakl er a blekerurau er kemiu. 11Ng mo rullemiu el mo ungilbesmiu, me ng mo sebechiu el di blechoel el bekerurau, me te betok el chad a mo mereng a sulel a Dios el kirel a ulengesumiu el ngar kemam el mor tir. 12Ele tial moruul er ngii a diak di le ngesuterir a re chedal a Dios er a chelebulir e le merekong; ng dirrek el mo rulleterir a re betok el chad el mo mereng a sulel a Dios. 13Me tial olechotel a blekeruraurreng er kemiu a mo uchul e te betok a mo oldanges er a Dios el kirel a blekerdeliu el kmal oltirakl er a Ebangkelio er a Kristus, e kmal bekerurau el olengeseu er tir ma re bek el chad. 14Me ng kmal mo klou a bltkil a rengrir er kemiu e meluluuch el kiriu, ele Dios el chemolt a kmal klou el krasia er ngii el ekor kemiu. 15Doreng a sulel a Dios er a kmal diak a mekesiur el sengk er ngii el mer kid.

will be added

X\