1 THESALONIKA 1

1Ngak el Paulus ma Silas ma Timothy a meluches el ekor a re chad er a ikelesia el ngar a Thesalonika, el chedal a Dios el Chedam ma Rubak el Jesus Kristus el kmo: A krasia ma budech lekor kemiu. 2Aki di blechoel el mereng a sulel a Dios el kiriu el rokui e melatk er kemiu el ngar a nglungucham. 3Ele ki ngar medal a Dios el Demad e melatk a ikel tekoi el murruul el olechotel a tekoi el moumerang me sel bltikerreng el meruul er kemiu me kom meringel el oureor ma dirrek a mesisiich el omeltkiu el mengiil er a Rubak er kid el Jesus Kristus. 4Kemiu el odam er kemam, aki medengei el kmo ng betik a rengul a Dios er kemiu me ng mla ngiltemiu el mo chedal. 5Ele ki ulemerk er a Ungil Chais el ekor kemiu, e dimlak di kim ullab a tekoi er a ngeram e le merekong, aki dirrek el mle ultuil er a klisichel a tekoi el urerel a Chedaol Reng ma olechotel a kmo aki kmal oumerang el kmo tial Ungil Chais a merang. Kom medengei a blekerdelam er a kim obengkemiu, el di mle kirel a klungioliu. 6Kom milsuub el mo ua ikemam e mo ua Rubak, me ng ilekor kemiu a betok el ringel, e kemiu a di ullab a tekingel a Dios e di mle ungil a rengmiu el ultuil er a klisichel a Chedaol Reng. 7Misei e tirkel oumera el ngar a Masedonia ma Akaia a mla mo mesuub er kemiu. 8Ele ng dimlak di mulemerk er tial osisechakl el mo er a Masedonia ma Akaia e le merekong, ng dirrek el mla oberk a chisiu a cho moumera er a Dios er a bek el beluu. Me ng meral dikea ngeral kim dung el kirel tiang. 9Ele tir el chad a di ouchais a chisiu er ser a kim eko moldingel er kemiu, e msal mlo ungil el ngoikemam ma chisiu er a cho mchoit a bleob el chelid e mobult el mo mesiou er a meral di ngar el Dios 10e mengiil er a Jesus el Ngelekel, el ngar a eanged el mei. A Dios a ulekisii er a kodall e ngii el Jesus a olsobel er kid er a meringel el blals el ngar a Dios el mei.

will be added

X\