1 KORINTH 13

1Chomko ng sebechek el melekoi a tekingir a re chad el mo lmuut er a tekingir a re anghel, e ngdi diak a bltikerreng er ngak, e ak di ua ia mekngit a ngerel el tumetum ma lechub e ng merreboch el kambalang. 2Ma chomko kmeduch el omlaoch, e medenge berrotel el tekingel a Dios ma rokui el tekoi el lodenge re chad, e oumerang me ng sebechek el ngmukl a rois, e ngdi diak a bltikerreng er ngak, e ng diak a ultutelek. 3Ma chomko kremous a kloklek, ma chomko kudersii a bedengek me ng mo medul, e ngdi diak a bltikerreng er ngak, e ng diak a bo le rellii er ngak. 4A bltikerreng a klou a rengul e bekokuii. Ng diak le mechechei, e diak le mead e le kedidai a rengul. 5Ng diak le debsochel, e diak le bechelechelingaol a rengul, e diak le bekongesengasech a rengul, e diak longemekl. 6A bltikerreng a diak loldeu er a rengul er a chebirukel el tekoi, e bai oldeu er a rengul er a mera el tekoi. 7Ng outekangel el diak le toched er a rokui el tekoi, e oumera rokui el tekoi, e melatk e mengiil el diak louedikel a rengul, e klou a rengul el diak le mesim er a rokui el tekoi. 8A bltikerreng a diak bo le ngemed, e ngdi duch er a re chad el omlaoch a mo nguemed, ma omelekingel a ngodech el bedengel omelekoi me ng mo tmurk, ma klaodenge er a tekoi me ng mo diak. 9Ele ikel dodengei a diak le cherrungel, ma duch er kid el omlaoch me ng diak le cherrungel; 10e sel le merma isel cherrungel, e a ikel diak le cherrungel a di mo diak a ultutelel. 11Ser a kngalek e a tekingek a mle ua tekingir a re ngalek, ma uldesuek me ng mle ua uldesuir a re ngalek, ma telbilel a renguk me ng mle ua telbilel a rengrir a re ngalek. E chelechal bla bo kklou el chad, e ak mla chemoit a ikel tekoilngalek. 12Ele ikel domes er chelechang a di ua ia osenged er a mekngit el dirk el diak le bleketakl, e ngdi uriul e kede mo bleketakl el omes er a medad. Ma ikel kudenge er chelechang a diak le cherrungel, e ngdi uriul e ak mo cherrungel el medengei, el di ua ia Dios el cherrungel el medengelkak. 13Me chelechang e ng edel tekoi a melemolem: kedoumerang, e melatk e mengiil, e oubltikerreng, e a kot el ngar uchei er a ikang a doubltikerreng.

will be added

X\