Matthew 1

1Ka Te Pabeꞌe Jesus-witu oosoo ka David-maꞌyoona suaketu, tamme Jew numu oꞌnosoo ekow pooha natuukwepu menoꞌo oo-toogoo manekena. Soo Jesus togesapa Jew numu, oosoo tuwazoo Abraham-maꞌyoona suaketu, noꞌoko tamme Jew numu-waꞌne. 2Soo Abraham tooa Isaac mee naneꞌa. Soo Isaac tooa Jacob mee naneꞌa. Soo Jacob tooa Judah mee naneꞌa. Soo Judah ewow wangaꞌamu gaꞌyoo. 3Judah waahoo nanaꞌatse doodooamu-gaꞌyoo Perez-no Zerah mee nananeadu. Mu pea uga Judah kunoopea Tamar mee naneadu. Soo Perez tooa Ram mee naneꞌa. 4Soo Ram tooa Amminadab mee naneꞌa. Soo Amminadab tooa Nahshon mee naneꞌa. Soo Nahshon tooa Salmon mee naneꞌa. 5Mu Salmon noko Rahab tooa Boaz mee naneꞌa. Soo Boaz yise wawaꞌa nodukwadoo, Ruth mee naneadu, mu tooa Obed mee naneꞌa. Soo Obed tooa Jesse mee naneꞌa. 6Soo Jesse tooa David mee naneadu, ka mu Jew numu-kooba katudu. Soo David kummaꞌakoosoo nana Uriah mee naneadu nodukwa makoo Solomon mee naneadu tooa-gaꞌyoo. 7Soo Solomon tooa Rehoboam mee naneꞌa. Soo Rehoboam tooa Abijah mee naneꞌa. Soo Abijah tooa Asa mee naneꞌa. 8Soo Asa tooa Jehoshaphat mee naneꞌa. Soo Jehoshaphat tooa Joram mee naneꞌa. Soo Joram tooa Uzziah mee naneꞌa. 9Soo Uzziah tooa Jotham mee naneꞌa. Soo Jotham tooa Ahaz mee naneꞌa. Soo Ahaz tooa Hezekiah mee naneꞌa. 10Soo Hezekiah tooa Manasseh mee naneꞌa. Soo Manasseh tooa Amon mee naneꞌa. Soo Amon tooa Josiah mee naneꞌa. 11Soo Josiah tooa Jechoniah mee naneꞌa. Oꞌno mu Jew numu wohomu Babylon numu mee nananeadu, ka mu Jew numu pummesoo tubewa-witoo mahuka, mu nedyaawekwuse. 12Soo Jechoniah tooa Shealtiel mee naneꞌa. Soo Shealtiel tooa Zerubbabel mee naneꞌa. 13Soo Zerubbabel tooa Abiud mee naneꞌa. Soo Abiud tooa Eliakim mee naneꞌa. Soo Eliakim tooa Azor mee naneꞌa. 14Soo Azor tooa Zadok mee naneꞌa. Soo Zadok tooa Achim mee naneꞌa. Soo Achim tooa Eliud mee naneꞌa. 15Soo Eliud tooa Eleazar mee naneꞌa. Soo Eleazar tooa Matthan mee naneꞌa. Soo Matthan tooa Jacob mee naneꞌa. 16Soo Jacob tooa Joseph mee naneꞌa, oo nodukwa Mary. Soo Mary yise ka Te Pabeꞌe Jesus dooaꞌadoo. 17Tamme oo sopedakwatoo soo Jesus, Te Pabeꞌe David-maꞌyoo suaketu. Ooonneꞌyoona tamme oo sopedakwatoo soo Jesus Te Pabeꞌe. 18Ka Te Pabeꞌe yaaꞌa teepu-koobatoo oo nadooaꞌadoopu-witu nu mu tuukwekwu. Soo Mary ka Joseph koomadookwuse yise Te Naa Besa Pooha-toohakwi koheahoo. Pana soo Joseph gi oo nakasopedakwatoo ka Mary Te Naa Pooha-toohakwi oo kooheana gi oo nodukwadookwu mee soonamme. Soo Joseph besa sootumatuguna gi numu tuukweꞌe ka Mary kohea-kwitu, gi oo soomanasookwikuna. 20Oetu ewa soohanena, soo Joseph yise mee nose. Soo Te Naa tummatziwabe toha kasa-gaꞌyoo meeoo oo tuukwe, 21Ka Mary saaꞌa tooa-doose, u sakwa yise Jesus mee oo nea, Numu Magwetzoidu, mee naꞌunnedu. Oosoo Jesus pumme nanumu, pumme nakaꞌoedyukudu magwetzoikwudu, ka suda mu tumatuguna mu nemawunikukwu.” 22Oꞌnosoo soo Te Naa yadooawabe ka Te Pabeꞌe-witu waha. Menoꞌo yise toge oo-toogoosoo manepetu. Soo Te Naa yadooawabe mee unnepu, 23“Soo tsuadumu gisoo nana-no suda manedu saaꞌa kohease, naatse dooaꞌadoodooa. Oosoo naatse Emmanuel mee naneadooa, Soo Te Naa tamme-no,ꞌ mee naꞌunnedu.” 24Soo Joseph yise saaꞌa ka Mary nodukwadoo, ka Te Naa tummatzidu toha kasa-gakoo pumme netamma-kwaꞌne. 25Pana soo Joseph gi ka Mary matzama, saaꞌa oo tooaꞌadoose ka oongaꞌa Jesus mee oo nea.

will be added

X\