RA TITO 2

1Pe nu'í, nu'a̱ gui ma̱, ma̱ ngu nú'a̱ udi ra hoga nt'utuate. 2Zofo nuya zi tio pa hinda nti, dya 'ñequ'ei, ne da 'ño co ndunthi ra mfa̱di, da 'mʉi xá hño ja ra jamfri, da mɛ'tsa ra hma̱te, ne da zɛta nú'a̱ da 'ñepi. 3Nehe ya zi tia da 'ño xá hño co ra t'equ'ei, hindya gʉxa nc'uamba, hindya tixfani, da 'ñudi nú'a̱ xá hño. 4Da 'ñutuabi ya ba̱s'bɛhña̱ gue da ma̱di yá da̱me ne yá ba̱tsi. 5Da 'ñutuabi gue da 'ño co ndunthi ra mfa̱di, da 'ño strá nt'axi yá mfeni, da ba̱di da su yá ngu, dya hoja̱'i, ne da 'yøte yá da̱me. Mahyoni da 'yøt'a njabʉ pa ni 'na hinto da ña̱ma'ñʉ de rá noya Ajua̱. 6Nehe zofo ya ba̱tsa'ñøhø gue da 'ño co ndunthi ra mfa̱di. 7Ne'i nza̱ntho gui 'yo xá hño pa njabʉ nu ma'ra da 'yøt'a nehe ngu guí øt'e. Ora guí utuate, 'ñudi nú'a̱ xi majua̱ni, ne 'ñudi ngu rí 'ñehe. 8Nehe gui ma̱nga ya hoga noya nú'ʉ hinda za to da c'a'ts'a'i. 'Bʉ gui njabʉ da 'bɛta yá tsa nú'ʉ to'o ri ʉtsaguihʉ, ne hinda za da ña̱ma'ñʉ de guecjʉ. 9Nehe zofo ya 'bɛgo gue da 'yøta yá hmu, ne nza̱ntho da mɛfi con gatho yá mʉi nú'a̱ dra 'bɛpi. Hindya da̱di. 10Hinda bepi rá hmu, da supa nú'a̱ te pɛ'tsa rá hmu, pa njabʉ ya 'bɛgo nza̱ntho da 'ñe'tsua rá nsu rá noya Ajua̱ ma Pøhøtehʉ. 11Ajua̱ ya xa 'ñudi rá hñoja̱'i pa gatho ra meximhai da za da mpøhø. 12Ne co rá hñoja̱'i'a̱ utcahʉ gue ga 'ueguehʉ de ya ts'oqui ne de yá ts'onc'at'i ra ximhai, ne utcahʉ ga 'bʉhʉ ngu rí 'ñehe de dí 'yohʉua nuya pabya, ne ga 'yohʉ co ndunthi ra mfa̱di, ne ga øthʉ nú'a̱ xá hño ja rá thandi'a̱. 13Nehe utcahʉ ga ndø'mhʉ co ra johya nú'a̱ ra pa da yopa 'ñehe ma zi Pøhøtehʉ ra Jesucristo co rá nsunda, ngu nú'a̱ xa ña̱tcaguihʉ. Y nú'á̱ go guesɛ'a̱ Ajua̱ ja rá da̱nga ts'ɛdi. 14Nu'á̱ go gue'a̱ bi unsɛhɛ rá te pa bi ña̱ngaguihʉ de gatho nú'a̱ xá nts'o. Bi du'a̱ pa bi xʉgaguihʉ de gatho ma ts'oquihʉ pa dyá mɛtiguihʉ'a̱, nehe pa ga ja ga øthʉ nú'a̱ xá hño. 15Nuna guehna gui ma̱, ne gui nzote y gui ntsʉte. Ne gui ma̱ con gatho ra ts'ɛdi nú'a̱ xa 'ra'a Ajua̱ pa hinto da 'ñena gue hinte ri muui nú'a̱ guí ma̱.

will be added

X\