RA APOCALIPSI 8

1Nepʉ de bi xø'tsa nú'a̱ rá yoto ra seyo ra T'ʉca Dɛti, bi nja ra hmetho y 'besthó hinte bi nt'øde, ngu made ra ora himbi nt'øde ni 'nara noya nuni mahets'i. 2Nepʉ dá handa yoto ya ɛnxɛ mi 'bai ja rá thandi Ajua̱, ne bi t'umba 'ra 'nara trompeta. 3Nepʉ bi zøhø ma'na ra ɛnxɛ mi ha̱ 'nara njʉspi dega oro, ne bi 'mai ja ra ata. Nura ɛnxɛ'a̱ bi t'umba ndunthi ra t'uts'i pa bi umbabi Ajua̱ mahyɛgui co yá søcambeni ya gamfri ja ra ata dega oro mri nhyandui nú'a̱ ra hudi habʉ mi hudi Ajua̱. 4Y de ja rá 'yɛ ra ɛnxɛ bi bøxa ja rá thandi Ajua̱ nurá 'bifi ra t'uts'i mahyɛgui co yá søcambeni nuya gamfri. 5Y nura ɛnxɛ'a̱ bi gʉ ra njʉspi, ne bi hña̱ca ts'ʉ ra tsibi nú'a̱ mi zø ja ra ata pa bi ñu'tsa rá njʉspi, nepʉ bi føte pa ja ra ximhai. Y nu mi 'yøt'a njabʉ'a̱, bi nja ya ngani ne ya huɛi ne ra mbimhai asta mi ñʉni. 6Nepʉ nú'ʉ yoto ya ɛnxɛ mi ha̱ ya trompeta bi nhyoqui'ʉ pa da mist'i'ʉ. 7Y nu mi mist'a rá trompeta nú'a̱ ra mʉdi ɛnxɛ, bi dagui pa ja ra ximhai ya ndo co ra tsibi mi ntha̱nts'i co ra ji. Y nu mi njabʉ bi za̱t'a 'na de hñu parte ra hai, ne bi za̱t'a 'na de hñu parte ya za, ne gatho ya nda̱po nú'ʉ xmá nc'ami bi za̱t'i. 8Nu mi mist'a rá trompeta nurá ñoho ra ɛnxɛ, 'bestho bi zo ja ra ndehe 'na ngu ra da̱nga t'øhø mi zø, ne bi nji 'na de hñu parte ra ndehe. 9Ne bi du 'na de hñu parte ya zu'ue nú'ʉ mi 'bʉ mbo ra ndehe, ne bi yʉi 'na de hñu parte ya motsa. 10Nu mi mist'a rá trompeta nurá hñu ra ɛnxɛ, 'bestho bi dagui de mahets'i 'nara da̱nga tsø ja 'na de hñu parte ya da̱the ne ya pøthe. Nura tsø'a̱ mri yot'i ne mi zø, 11y mrá thuhu ra Ajenjo. Ne bi mpʉnga ajenjo 'na de hñu parte ya dehe, y co rá nju nura ajenjo'a̱ bi ju'tsa ya dehe, ne bi du ndunthi ya ja̱'i co rá nju nura dehe. 12Nu mi mist'a rá trompeta nurá ngoho ra ɛnxɛ, 'bestho bi 'mɛxuui 'na de hñu parte ra hyadi ne ra za̱na̱ ne ya tsø. 'Na de hñu parte ra pa bi 'ñotho ra ñot'i de ra hyadi, ne 'na de hñu parte ra xuui bi 'ñotho ra ñot'i de ra za̱na̱ nixi de ya tsø. 13Nepʉ dá handa 'nara nxʉni mri nhyats'i madetho de mahets'i, ne dá øde mi ña̱ nts'ɛdi ne mi ena: ―¡Huecate nú'ʉ to 'bʉi ja ra ximhai, ngue'a̱ ri 'bɛtho da mist'a yá trompeta má hñu ya ɛnxɛ!

will be added

X\