WAEBRI 6

1Nkyo kitewe luleke isenda mbonyi tsa Kristo hando tsiasie, luhende itambahanya tsilya tseawutsia; lulakiwike-se kiwanja lya kawi kii kya mdumbuye fowuta-ho macha ipfo mawutonyi haende opfu, kii kya mwidikye foyalukya Ruwa. 2Kii kya wupatiso na kya ihekya mawoko, na kya iṟuka lya wapfu na kya mwanduye of mlungana. 3Na ikyo lochiwuta kokoya Ruwa aluikaya. 4Cha kipfa iwa waleimikyo limu wakasonja kisumbo kilya kiiruwehu wakawehawyo Mumuyo Mwele. 5Wakawesonja dedo lya Ruwa lilya icha na pfinya tsilya tsa mandi halya hechicha. 6Kokoya iwo wawuka kambenyi nyi kyalema iwalawuya mdumbuye lya kawi ili wai wandu wamewuya ikukapya Mana chu o Ruwa msalabenyi wakawemselya mnyeri. 7Kyamba teri iya yechionga mvuo yekeikapa kafoi ikadosa mboha yechihiṟa iwa ikeri idemyo kyawo nyiyo yaonyisho nyi Ruwa. 8Indi iya ingi yekeende msha na maduo iwode kiweṟepfo, ikeri afui iseso yechifurumia ikumbyo modo. 9Indi nyo wakunde, kyanu lokusirya kii kiwungi kii kicha kirianyi na okiio ma ili lodeda ludi. 10Kyamba Ruwa alai mlemeshi awechihadima wina lyanu na kunda lyanu muwewonye rina lyake ili indi muweipfuṟukanya waele walya, na iwapfuṟukanya mui. 11Na lulalakye mnu ke oryo mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi. 12Kundu mulahombye kya indi mukuwaakishane na walya waoṟa shiteṟio shilya kui mwidikye na mkutirisie. 13Kyamba Ruwa alewikya Abrahamu kyasa, nao ili alawewode ungi awechiidama ilya nyamu kui ilya lyake kahenda kulia nyamu koke amonyi. 14Kehamba, “Nyi lohi yonyisha njechikuonyisha, ipfumbutsa njechikupfumbutsa pfumbu.” 15Nao kakutirisia ado kashika ikoya kyasa kilya kyaawutsyo. 16Kyamba wandu wekelya nyamu kui ichu awang'anye, na nyamu nyi mṟasa fo oryo nganu ipfo kowo yechiwanza dedo. 17Na wudo Ruwa ili alekunda iloṟa weoṟa kyasa kilya wutumuhari wo kyama kyake kui wuitiki wung'anyi kasanzia-ho ilya nyamu. 18Kundu lukae wakarishe kui pfinya lukuwode na njowiko tsiwi tsihoṟoki tsilawewa iwiko nyi Ruwa tsa wongo lochiwingya ikuwada na owedo lulya lui wasumbe. 19Lo lulukerye kipfunga mrima kiwangi kitumuhaa kikeri ikuhendya ora lo kya mba ipfo kundu kiṟikishya kilya kiishingya-ho. 20Nyi hondo Yesu alekuidya-ho molusongoya-ho so kawa mkohanyi mnene kui kamba lya Melkisedeki.

will be added

X\