Oroomanak 9

1ᓂᑌᐺ ᑕᔥ ᐅᐅ ᑳᐃᑭᑐᔮᓐ, Xᐃᕽ ᐋᓃᔥ ᓂᑑᒋᑎᐯᑖᑯᔅ, ᑳᐐᓐ ᑕᔥ ᓂᑮᐗᓂᒧᓰ᙮ ᓂᑎᔑᑲᔥᑭᒥᑯᓐ ᑲᔦ ᑳᐅᒋᓈᓈᑲᑕᐌᑕᒫᓐ, ᑭᔐᒪᓂᑑ ᐅᑕᒑᑾᓐ ᐁᐐᒋᐃᒥᒡ ᒋᐃᓀᑕᒫᓐ᙮ 2ᐋᐱᒋ ᑕᔥ ᐐᑫ ᓂᑑᒋᒫᓀᑕᒻ, ᒨᔕᒃ ᑲᔦ ᐐᓴᑫᑕᒧᐎᓐ ᐁᐊᔮᒃ ᐃᐃᒫ ᓂᑌᐃᕽ᙮ 3ᒦᑕᔥ ᐐᓇᐙ ᐅᒋ ᑫᔑᒥᓴᐌᑕᒫᐹᓐ ᓇᐗᒡ ᓃᓐ ᑭᔐᒪᓂᑑ ᒋᐃᔑᐸᓐ ᒋᓂᔑᐗᓈᑎᓯᔮᓐ, ᒋᑮᐸᑫᓭᔮᐹᓐ ᑲᔦ ᑳᔑᐐᒌᐎᓐᒡ X, ᐅᒋ ᐃᑭ ᓃᒋᑭᐌᔭᒃ ᑳᐃᓇᐌᒪᒀ ᑳᐐᒋᐅᑕᑳᓀᓰᒪᒀ᙮ 4ᐋᓃᔥ ᑭᔐᒪᓂᑑᓐ ᐅᑮᐅᓀᓂᒥᑯᐙᓐ ᐃᔅᕒᐃᔭᓬᐊᒃ Israel, ᐅᑮᐃᓀᓂᒥᑯᐙᓐ ᑲᔦ ᐁᐐᐅᑯᓯᓯᒥᑯᐙᒡ, ᐅᑮᐃᔑᐃᑯᐙᓐ ᑲᔦ ᒋᐐᑑᑳᓱᐙᒡ ᐁᔑᑭᒋ​ᐃᓀᑖᑯᓯᓂᒡ᙮ ᑳᐐᓐ ᐐᓐ ᐋᐱᑎᕽ ᐁᑕ ᐅᑮᐊᔓᑕᒫᑯᓰᐙᓐ ᐁᐐᐐᒌᐎᑯᐙᒡ᙮ ᑮᒦᓈᐗᒃ ᑲᔦ ᒨᓯᓲᓐ Moses ᐅᑑᓇᔓᐌᐎᓂᓂ, ᑌᐺ ᑲᔦ ᑫᐃᔑᐊᓇᒥᐋᐙᒡ ᑭᒋᐊᓇᒥᐁᐎᑲᒥᑯᕽ᙮ ᑮᐃᓀᑖᑯᓯᐗᒃ ᑲᔦ ᒋᑌᐱᓇᒧᐙᒡ ᑭᔐᒪᓂᑑᓐ ᑳᑮᐃᔑᐊᔓᑕᒫᑫᓂᒡ᙮ 5ᒦᐗᒃ ᐃᑕᔥ ᐃᑭ ᐃᔅᕒᐃᔭᓬᐊᒃ ᑳᑕᔑᒥᑣ, ᒦ ᐃᒫ ᑳᑮᐱᐅᒌᐙᒡ ᑳᑮᓃᑳᓀᑖᑯᓯᓂᒡ ᑭᑫᑌᔭᐋᒥᓈᓂᐞ᙮ ᐃᐃᒫ ᑕᔥ ᐐᓐ X ᑮᐅᑕᑳᓀᓯ ᐃᔅᕒᐃᔭᓬᐃᑳᕽ, ᐃᓂᓃᕽ ᐃᑯ ᑮᐃᓀᑖᑯᓯᒡ᙮ ᑕᑲ ᑕᔥ ᑭᔐᒪᓂᑑ ᑲᑭᓇ ᑫᑰᓂᓂ ᑳᑎᐯᑕᕽ ᒨᔕᒃ ᐃᑯ ᑕᒦᑴᒋᐌᓂᒫ᙮ ᐁᒣᓐ᙮ 6ᑳᐐᓐ ᐐᓐ ᓂᑎᑭᑐᓰ ᑭᔐᒪᓂᑑ ᐁᑮᑆᓇᐎᒋᑫᒪᑲᓂᓂᒃ ᐅᑕᔓᑕᒫᑫᐎᓐ᙮ ᐋᓃᔥ ᐃᑭ ᐯᒫᑎᓯᐙᒡ ᐃᔅᕒᐃᔭᓬᐃᑳᕽ ᑳᐅᑕᑳᓀᓯᐙᒡ, ᑳᐐᓐ ᐄᑐᒃ ᐋᓂᑕ ᑌᐺ ᐃᔅᕒᐃᔭᓬᐃᐎᓰᐗᒃ ᒋᑎᓄᐎᐙᐸᓐ ᑳᑳᑮᑭᓂᑯᐙᒡ ᑭᔐᒪᓂᑑᓐ᙮ 7ᑳᐐᓐ ᑲᔦ ᑲᑭᓇ ᐁᐸᕒᐊᐋᒥᕽ Abraham ᑳᐅᑕᑳᓀᓯᐙᒡ, ᐅᑑᓃᒑᓂᓯᒥᑯᓰᐙᓐ ᑭᔐᒪᓂᑑᓐ᙮ ᐋᓃᔥ ᑭᔐᒪᓂᑑ ᐅᑮᐃᓈᓐ ᐁᐸᕒᐊᐋᒪᓐ: ᐃᐃᒫ ᓴ ᐋᐃᓯᑯᕽ Isaac ᑫᓂᐅᒌᐙᒡ, ᒦᐗᒃ ᐃᓴ ᐃᑭ ᒪᔮ ᑭᐲᐌᓰᒪᒃ ᑫᐃᓂᑣ᙮ 8ᐃᑭ ᑕᔥ ᐅᓃᒑᓂᓯᒫᒃ ᐁᐸᕒᐊᐋᒥᕽ ᑳᓂᐅᒋ​ᓂᑖᐎᑭᐙᒡ ᑳᐐᓐ ᑲᑭᓇ ᐃᓇᑭᒫᓰᐗᒃ ᑭᔐᒪᓂᑑᓐ ᐁᐅᓃᒑᓂᓯᒥᑯᐙᒡ᙮ ᐃᑭ ᑕᔥ ᐐᓐ ᐅᓃᒑᓂᓯᒫᒃ ᑳᐅᒋ​ᓂᑖᐎᑭᐙᒡ ᐃᐃᒫ ᑭᔐᒪᓂᑑᓐ ᑳᑮᐃᔑᐊᔓᑕᒪᐙᓂᒡ ᐁᐸᕒᐊᐋᒪᓐ, ᒦ ᓴ ᐃᑭ ᒪᔮ ᐅᓃᒑᓂᓯᒫᒃ᙮ 9ᒦᑕᔥ ᐅᐅ ᑭᔐᒪᓂᑑ ᐅᑕᔓᑕᒫᑫᐎᓐ ᑳᐃᑭᑑᒪᑲᓂᓂᒃ: ᐅᐅ ᑕᔥ ᐊᐲ ᒦᓇᐙ ᐅᒋᒋᓭᒃ, ᓂᑲᐱᑮᐌ, ᓭᕒᐊ Sarah ᑕᔥ ᐅᑲᐊᔮᐙᓐ ᑸᐎᓭᓴᓐ᙮ 10ᐃᓇᔥᑫ ᑕᔥ ᐐᓐ ᐅᕒᐃᐯᑲ Rebekah ᑳᑮᓃᔑᓂᒡ 2 ᐅᑯᓯᓴᐞ, ᐅᑮᐯᔑᑯᐋᓂ ᐅᑌᑌᓂ, ᒦᓴ ᐃᓂ ᐋᐃᓯᑰᓐ, ᓃᓇᐎᓐᑦ ᑕᔥ ᐐᓐ ᑳᒎᐎᐎᔮᕽ ᑳᐅᑫᑌᔭᐋᒥᔮᕽ᙮ 11- 12ᑭᔐᒪᓂᑑ ᑕᔥ ᒪᔮ ᐱᑯ ᒋᐊᓄᑮᒪᑲᓂᓂᒃ ᐃᐃ ᐅᑎᓀᑕᒧᐎᓐ ᐃᐃᒫ ᐯᔑᒃ ᐅᑯᓯᓯᒫᕽ, ᒦᑕᔥ ᐅᐅ ᑭᔐᒪᓂᑑ ᑳᑮᐅᒋ​ᐃᓈᒡ ᐃᓂ ᐃᑴᐗᓐ: ᐊᐊ ᓴ ᑫᓴᓰᑭᓯᒡ ᑭᑯᓯᔅ, ᐅᑲᐸᒦᑕᐙᓐ ᐃᓂ ᑫᐅᔒᒣᔑᒫᐎᓂᒡ᙮ ᒦᑕᔥ ᐅᐅ ᑳᑮᐃᑭᑐᒡ ᒋᑆ ᓂᑖᐎᑭᓂᒡ ᐃᐃ ᑸᐎᓭᓴᐞ, ᒋᑆ ᑲᔦ ᓅᒋᑯ ᐃᔑᒋᑫᓂᒡ, ᒋᑆ ᑲᔦ ᑾᔭᒃ ᐃᔑᒋᑫᓂᒡ᙮ ᒦᑕᔥ ᐅᐅᒫ ᐁᔑᓈᑾᓂᓂᒃ ᑭᔐᒪᓂᑑ ᐁᑮᐃᔑᒋᑫᒡ ᐋᓃᓐ ᓃᔮᒃ ᑳᑮᐃᓀᑕᒧᑯᐸᓀᓐ ᐁᐐᑲᓅᓈᒡ ᐯᔑᒃ ᐅᑯᓯᓯᒫᓐ, ᑳᐐᓐ ᐐᓐ ᑮᐅᒋ​ᐃᓀᑕᓰ ᐅᑎᔑᒋᑫᐎᓂᓃᕽ ᐃᐃ ᑸᐎᓭᓴᐞ᙮ 13ᒦᑕᔥ ᐅᐅ ᑭᒋᒪᓯᓇᐃᑲᓐ ᐁᔑᐲᐃᑳᑌᒃ, ᒉᑲᑉ Jacob ᓴ ᓂᑮᐅᓀᓂᒫ, ᐄᔂ Esau ᑕᔥ ᐐᓐ ᓂᑮᐋᓇᐌᓂᒫ᙮ 14ᒦ ᓇ ᑕᔥ ᑫᐃᑭᑐᔭᕽ ᑭᔐᒪᓂᑑ ᑾᔭᒃ ᐁᐃᔑᒋᑫᓯᒃ? ᑫᑯ ᐃᓇᑫ ᐃᓀᓂᒫᑫᒃ ᑭᔐᒪᓂᑑ᙮ 15ᒦᑕᔥ ᐅᐅ ᑭᔐᒪᓂᑑ ᑳᐃᓈᒡ ᒨᓯᓲᓐ: ᓂᑲᔕᐌᓂᒫ ᓴ ᐊᐌᓀᓐ ᐃᑯ ᑳᒥᓴᐌᓂᒪᒃ ᐁᐐᔕᐌᓂᒪᒃ, ᓂᑲᑰᐹᑌᓂᒫ ᑲᔦ ᐊᐌᓀᓐ ᐃᑯ ᑫᒥᓴᐌᓂᒪᒃ᙮ 16ᒦᑕᔥ ᐃᐃᒫ ᐁᔑᐙᐸᑕᒪᕽ, ᑭᔐᒪᓂᑑ ᐅᑑᓀᒋᑫᐎᓐ ᐁᐃᔑᐊᓄᑮᒪᑲᓂᓂᒃ ᐃᐃᒫ ᐅᔕᐌᒋᑫᐎᓂᕽ, ᑳᐐᓐ ᐐᓐ ᐃᓂᓂᐗᓐ ᐁᔑᒥᓴᐌᒋᑫᓂᒡ, ᑳᐐᓐ ᑲᔦ ᐃᓂᓂᐗᓐ ᐅᑎᔑᒋᑫᐎᓂᓃᕽ ᐃᔑᐊᓄᑮᒪᑲᓯᓂᓂ᙮ 17ᐋᓃᔥ ᑭᒋᒪᓯᓇᐃᑲᓐ ᐃᑭᑑᒪᑲᓐ ᑭᔐᒪᓂᑑ ᐁᑮᐃᓈᒡ ᐃᓂ ᑳᑮᑭᒋᐅᑭᒫᐎᓂᒡ ᐄᒋᐸᑮᕽ Egypt: ᓃᓐ ᐄᑐᒃ ᑭᑮᑭᒋᐅᑭᒫᐎᐃᓐ ᐁᐐᐅᒋᐙᐸᑕᐃᐌᔮᓐ ᐃᐃ ᓂᒪᔥᑲᐎᓰᐎᓐ, ᒥᓯᐌ ᑲᔦ ᒋᑭᑫᒋᑳᑌᒃ ᓂᑎᔑᓂᑳᓱᐎᓐ ᐅᐅ ᑳᐃᓂᑯᒀᒃ ᐊᑭ᙮ 18ᒦᑕᔥ ᐅᐅᒫ ᐁᔑᐙᐸᑕᒧᐗᕽ ᑭᔐᒪᓂᑑ ᐁᔕᐌᓂᒫᒡ ᐊᐌᓀᓇᓐ ᐃᑯ ᑳᐐᔕᐌᓂᒫᒡ, ᐅᑎᔑᐋᓐ ᑲᔦ ᐊᐌᓀᓇᓐ ᐃᑯ ᒋᔕᔒᐱᑕᒥᓂᒡ᙮ 19ᑮᓇᐙ ᑕᔥ ᐅᒋᑕ ᐱᑯ ᐊᐎᔭ ᐯᔑᒃ ᓂᑲᑲᑴᒋᒥᒃ ᐅᐅ ᒋᐃᑭᑐᒡ: ᑮᔥᐱᓐ ᑕᔥ ᐃᐃ ᐃᔑᓭᒃ ᑳᐃᑭᑐᔭᓐ, ᐌᑯᓀᓂᓂ ᑕᔥ ᑭᔐᒪᓂᑑ ᑫᔮᐱ ᐌᒋᐋᓍᐸᒫᒡ ᐊᐎᔭᓐ ᐋᓃᓐ ᐊᐎᔭᓐ ᐁᔑᒋᑫᓂᒡ? ᐊᐌᓀᓐ ᑕᔥ ᑲᔦ ᑫᑲᔥᑭᑑᐸᓐ ᒋᓇᑳᓇᑭᐸᓐ ᑭᔐᒪᓂᑑᓐ ᐅᑎᓀᑕᒧᐎᓂᓂ? 20ᓃᒌ, ᐊᐌᓀᓐ ᑕᔥ ᑮᓐ ᐁᑎᓄᐎᔭᓐ ᒋᓇᓈᑴᑕᐗᑎᐸᓐ ᑭᔐᒪᓂᑑ? ᐃᓇᔥᑫ ᐊᐊ ᐊᑭᒃ ᐙᐱᑲᓂᕽ ᑳᑮᐅᒋᐅᔑᒋᑲᓂᐎᒡ ᑳᐐᓐ ᐅᑎᓈᓰᓐ ᐃᓂ ᑳᑮᐅᔑᐃᑯᒡ: ᐌᑯᓀᓐ ᐅᐅ ᑳᐅᒋ​ᐃᔑᐃᔭᓐ ᑳᐃᔑᓈᑯᓯᔮᓐ? 21ᐋᓃᔥ ᐊᐊ ᐃᓂᓂ ᑳᐅᔑᐋᒡ ᐊᑭᑾᐞ ᐁᔑᒥᓴᐌᑕᕽ ᐃᑯ ᐅᑎᓈᐸᒋᐋᓐ ᐃᓂ ᐙᐱᑲᓇᓐ᙮ ᐐᓐ ᐃᑯ ᑲᔦ ᐅᑑᓀᑖᓐ ᑮᔥᐱᓐ ᓃᔑᓐ 2 ᐊᑭᑾᐞ ᐐᐅᒋᐅᔑᐋᒡ ᐃᐃᒫ ᐯᔑᑾᓐ ᐙᐱᑲᓂᕽ, ᑯᒫ ᑲᔦ ᐯᔑᒃ ᐐᐅᔑᐋᒡ ᒋᑭᒋ​ᐃᓀᑖᑯᓯᓂᒡ, ᑯᑕᒃ ᑕᔥ ᒋᒥᒋᐊᔮᐸᑎᓯᓂᒡ᙮ 22ᒦᑕᔥ ᐯᔑᑾᓐ ᐁᔑᓈᑾᓂᓂᒃ ᑫᐐᓐ ᑭᔐᒪᓂᑑ ᑳᑮᐃᔑᒋᑫᒡ᙮ ᐅᑮᐊᑕᐌᑖᓐ ᐅᓂᔥᑳᑎᓯᐎᓐ ᒋᓈᑾᓂᓂᒃ, ᐅᒪᔥᑲᐎᓰᐎᓐ ᑲᔦ, ᐋᐱᒋ ᑕᔥ ᐅᑮᔕᔒᐯᓂᒫᐞ ᐃᐃ ᑳᑮᓂᔥᑭᐃᑯᒡ ᑳᐐᑎᐹᑯᓈᒡ᙮ 23ᐅᑮᐊᑕᐌᑖᓐ ᑕᔥ ᑲᔦ ᒋᓈᑾᓂᓂᒃ ᑳᐌᓅᑕᓂᓂᒃ ᐅᑭᒋ​ᐃᓀᑖᑯᓯᐎᓐ, ᐃᐃ ᑳᑮᒦᓂᓇᕽ᙮ ᐋᓃᔥ ᑭᔕᐌᓂᒥᑯᓈᓐ, ᑭᑮᑾᔮᒋᐃᑯᓈᓐ ᑲᔦ ᒋᑌᐱᓇᒧᐗᕽ ᐃᐃ ᐅᑭᒋ​ᐃᓀᑖᑯᓯᐎᓐ᙮ 24ᑮᓇᐎᓐᑦ ᐋᓃᔥ ᑳᐱᒫᑎᓯᔭᕽ ᑭᑮᑲᓅᓂᑯᓈᓐ᙮ ᑳᐐᓐ ᐁᑕ ᒎᐗᐞ ᐅᑮᑲᓅᓈᓰᐞ, ᐃᐃ ᓴ ᑲᔦ ᑳᑎᓄᐎᓯᓂᒃ ᐅᑮᑲᓅᓈᐞ᙮ 25ᒦᑕᔥ ᐅᐅᐌᓂ ᑭᔐᒪᓂᑑ ᑳᑮᐃᑭᑐᒡ ᐃᐃᒫ ᒪᓯᓇᐃᑲᓂᕽ ᐆᓭᔭᐗᓐ Hosea ᑳᑮᐅᔑᐲᐊᒥᓂᒡ: ᐃᑭ ᓴ ᐯᒫᑎᓯᐙᒡ ᑳᑮᑎᐯᓂᒫᓯᐗᒀ ᒦᐗᑭᑭ ᑫᐃᔑᓂᑳᓇᒀ, ᓂᐱᒫᑎᓰᒪᒃ᙮ ᐃᑭ ᑲᔦ ᑯᑕᒃ ᐯᒫᑎᓯᐙᒡ ᑳᑮᔕᐌᓂᒫᓯᐗᒀ, ᓂᑲᐃᔑᓂᑳᓈᒃ, ᐐᑫ ᑳᔕᐌᓂᒪᒀ᙮ 26ᐃᐃᒫ ᑕᔥ ᒪᔮ ᑳᔑᐊᔮᐙᒡ ᐃᑭ ᑳᐃᓇᒀ, ᑳᐐᓐ ᑮᓇᐙ ᑭᑎᐯᓂᒥᓯᓅᓂᓂᒻ, ᒦᓴ ᐃᐃᒫ ᑫᔑ​ᐃᔑᓂᑳᒋᑲᓂᐎᐙᒡ ᑭᔐᒪᓂᑑ ᑳᐱᒫᑎᓯᒡ ᓴ ᐃᐃ ᐅᑯᓯᓴᐞ᙮ 27ᐅᐅ ᑕᔥ ᐋᐃᓭᔭ Isaiah ᑮᐃᑭᑐ ᐁᑮᑕᔑᒫᒡ ᐃᔅᕒᐃᔭᓬᐊᐞ Israel: ᐋᓇᐐᓐ ᐯᒫᑎᓯᐙᒡ ᐃᔅᕒᐃᔭᓬ ᐁᐊᐲᒋᐹᑏᓄᐙᒡ ᑖᐱᔥᑰ ᑳᐊᐲᒋᐹᑏᓇᑎᕽ ᓀᐗᕽ ᑳᔑᓈᓈᓀᐙᒧᒃ ᑭᒋᑲᒦᕽ, ᐋᐱᒋ ᑕᔥ ᑕᐊᑳᓰᓄᐗᒃ ᑫᐃᔥᑯᓭᐙᒡ ᑫᐱᒫᒋᐃᑣ᙮ 28ᑳᑎᐯᒋᑫᒡ ᑳᐐᓐ ᑕᑆᑕᐐᓰ ᒋᐱᓇᓇᐊᓵᒡ ᐋᓃᓐ ᐁᔑᒋᑫᓂᒡ ᐯᒫᑎᓯᓂᒡ ᐅᐅᒫ ᐊᑮᕽ᙮ 29ᒦᑕᔥ ᐅᐅᐌ ᐋᔕ ᐋᐃᓭᔭ ᑳᑮᐃᔑᓃᑳᓈᒋᒧᑯᐸᓀᓐ: ᑮᔥᐱᓐ ᑕᔥ ᑳᑎᐯᒋᑫᒡ ᑳᑭᒋᒪᔥᑲᐌᑖᑯᓯᒡ ᐃᔥᑯᓈᓯᑭᐸᓐ ᐊᐎᔭᐞ ᑳᐐᒋᐅᑕᑳᓀᓰᒥᒪᕽ, ᐋᔕ ᑳᑮᐃᔑᓭᑭᓐ ᐃᓂ ᐆᑌᓇᐗᓐ ᔂᑕᒻ Sodom ᑯᒸᕒᐊ Gomorrah ᑲᔦ, ᑫᑮᓇᐎᓐᑦ ᐄᑐᒃ ᐋᔕ ᐃᐃᐌ ᑭᑖᑮᐃᔑᓂᔑᐗᓈᒋᐃᑰᒥᓐ᙮ 30ᒦᑕᔥ ᐅᐅ ᑫᐃᑭᑐᔭᕽ, ᐃᑭ ᓴ ᑳᒎᐎᐎᓯᒀ ᑳᐐᓐ ᐅᑮᑲᑴᒋᑑᓰᓈᐙ ᒋᒥᓄᐐᒌᐎᑯᐙᒡ ᑭᔐᒪᓂᑑᓐ, ᑭᔐᒪᓂᑑ ᑕᔥ ᐐᓐ ᐅᑮᐃᓇᓵᐞ ᑾᔭᒃ ᒋᒥᓄᐐᒌᐎᑯᒡ ᐋᓃᔥ ᐅᑮᑌᐺᔦᓂᒥᑰᐞ᙮ 31ᐃᑭ ᑕᔥ ᐐᓐ ᑭᔐᒪᓂᑑᓐ ᑳᑮᑎᐯᓂᒥᑯᐙᒡ ᐯᒫᑎᓯᐙᒡ ᐃᔅᕒᐃᔭᓬᐊᒃ Israel ᐅᑮᑲᑴᒥᑳᓈᐙᓐ ᐅᓇᔓᐌᐎᓇᓐ ᐋᓃᓐ ᑫᑮᐃᔑᒥᓄᐐᒌᐎᑯᐙᐸᓐ ᑭᔐᒪᓂᑑᓐ, ᑳᐐᓐ ᑕᔥ ᐅᑮᒥᑲᓰᓈᐙ᙮ 32ᐌᑯᓀᓂᓂ ᑕᔥ ᑳᐅᒋᒥᑲᓯᒀ? ᐋᓃᔥ ᐅᑕᓄᑮᐎᓂᐙᓐ ᐊᐗᔑᒣ ᐅᑮᐊᐯᓂᒧᓄᑖᓈᐙᓐ, ᑳᐐᓐ ᐐᓐ ᐅᑌᐺᑕᒧᐎᓂᐙᓐ᙮ ᒦᑕᔥ ᐃᐃ ᑳᑮᐅᒋᐱᓱᑫᔥᑳᑯᐙᒡ ᐃᓂ ᐊᓯᓃᓐ ᑳᐱᓱᑫᔑᒥᐌᓂᒡ᙮ 33ᐋᓃᔥ ᑭᒋᒪᓯᓇᐃᑲᓐ ᐃᔑᐲᐃᑳᑌ: ᐃᓇᔥᑫ ᓂᑕᓯᒫᓐ ᐃᓂ ᐊᓯᓃᓐ ᐃᐃᒫ ᓵᔭᓂᕽ Zion ᑫᐱᓱᑫᔥᑳᑯᐙᒡ ᐯᒫᑎᓯᐙᒡ, ᐊᓯᓃᓐ ᑫᑲᐎᐌᐱᔥᑳᑯᐙᒡ᙮ ᐊᐊ ᑕᔥ ᐐᓐ ᑫᑌᐺᑕᐙᒡ ᑳᐐᓐ ᑕᒥᒋᓇᐌᓯᓰ᙮

will be added

X\