Oroomanak 16

1ᑭᓇᑕᐌᓂᒥᓂᓂᒻ ᐃᑕᔥ ᒋᑭᑫᓂᒣᒃ ᐊᐊ ᐃᑴ ᑳᐅᑕᐌᒫᔭᕽ ᐲᐱ Phoebe ᑳᐃᔑᓂᑳᓱᒡ᙮ ᐃᐃᐌᑎ ᓴ ᓭᑯᕒᐄᔮᑳᕽ Cenchreae ᐃᔑᐸᒦᑖᑫ ᐅᑕᓇᒥᐋᐞ ᑳᐃᔑᓂᑖ ᒫᐗᒋᐃᑎᓂᒡ᙮ 2ᐌᐌᓂ ᐲᑎᑲᓂᒃ, ᑳᑎᐯᒋᑫᓂᒡ ᐄᑐᒃ ᑫᐐᓐ ᐅᑎᐯᓂᒥᑰᓐ᙮ ᐋᓃᔥ ᒦ ᐃ ᑫᐃᔑᒋᑫᐙᐸᓐ ᐯᒫᑎᓯᐙᒡ ᑳᑎᐯᓂᒥᑯᐙᒡ ᑭᔐᒪᓂᑑᓐ᙮ ᐐᒋᐃᒃ ᑲᔦ ᐋᓃᓐ ᐃᑯ ᐁᔑᓅᑌᓭᒡ, ᐋᐱᒋ ᐅᔕ ᓃᐱᐗᐞ ᐅᑮᐐᒋᐋᐞ ᐯᒫᑎᓯᓂᒡ, ᑫᓃᓐ ᓴ ᐱᑯ ᓂᑮᐐᒋᐃᒃ᙮ 3ᓂᐴᔔᐋ ᓴ ᐸᕒᐃᓯᓬᐊ Priscilla, ᐊᑶᓬᐊ Aquila ᑲᔦ, ᐊᒦᐗᒃ ᐃᓴ ᐃᑭ ᑳᐐᑕᓄᑮᒪᒀ ᐁᐊᓄᑮᑕᐗᑭᒡ X ᒋᓴᔅ᙮ 4ᐅᑮᓇᓃᓵᓂᑑᓈᐙᓐ ᐃᓴ ᐅᐱᒫᑎᓯᐎᓂᐙᓐ ᒣᒀ ᐁᑮᐐᒋᐃᐙᒡ᙮ ᑳᐐᓐ ᓃᓐ ᐁᑕ ᒦᑴᒡ ᓂᑎᓈᓰᒃ, ᐁᑳ ᑳᒎᐎᐎᓯᒀ ᐅᑌᐺᑕᒨᒃ ᐯᐸᑳᓐ ᑳᐃᔑᒫᒫᐗᒋᐃᑎᐙᒡ ᑫᐐᓇᐙ ᐅᒦᑴᒋᐌᓂᒫᐙᐞ᙮ 5ᓂᐴᔔᐋᒃ ᐃᑕᔥ ᑲᔦ ᐅᑕᓇᒥᐋᒃ ᐅᐙᑳᐃᑲᓂᓃᕽ ᑳᐃᔑᐲᑎᑫᐙᒡ᙮ ᐃᐴᔔᐋ ᑲᔦ ᐊᐊ ᐃᓂᓂ ᑳᓵᑭᐐᒌᐗᒃ ᐁᐲᓇᑕᔅ Epaenetus ᑳᐃᔑᓂᑳᓱᒡ᙮ ᐐᓐ ᐋᓃᔥ ᓂᑕᒻ ᐅᑮᑌᐺᑕᐙᓐ Xᑕᓐ ᐌᑎ ᐊᑮᕽ ᐁᔕ Asia ᑳᐃᒋᑳᑌᒃ᙮ 6ᓂᐴᔔᐋ ᑲᔦ ᒣᕒᐃ Mary ᑳᑭᒋᐊᓄᑮᒡ ᒨᔕᒃ ᑮᓇᐙ ᐅᒋ᙮ 7ᓂᐴᔔᐋ ᑕᔥ ᐁᑕᕒᐅᓈᐃᑲᔅ Andronicus, ᒎᓂᔭᔅ Junias ᑲᔦ᙮ ᒦᐗᒃ ᓴ ᐃᑭ ᑳᐐᒋᑎᓄᐐᒪᒀ ᐁᒎᐎᐎᔮᕽ, ᓂᑮᐐᒋᑕᑯᓂᑰᒥᑰᒃ ᐃᑕᔥ ᑲᔦ᙮ ᐅᑯᐌᓂᐗᒃ ᐃᑕᔥ ᐗᐐᑫ ᑭᑫᒋᑲᓂᐎᐗᒃ, ᐃᔑᓂᔕᐙᑲᓂᕽ ᐁᐃᔑᑕᑾᑭᒥᑣ᙮ ᐐᓇᐙ ᑕᔥ ᑲᔦ ᓂᑕᒻ ᐅᑮᑌᐺᔦᓂᒫᐙᓐ Xᑕᓐ ᒋᑆ ᑌᐺᔦᓂᒥᒪᒃ᙮ 8ᓂᐴᔔᐋ ᑲᔦ ᐁᐸᓬᐃᔦᑕᔅ Ampliatus, ᐋᓃᔥ ᓂᓵᑭᐐᒌᐙ, ᐅᐐᒌᐙᓐ ᑲᔦ ᑳᑎᐯᒋᑫᓂᒡ᙮ 9ᓂᐴᔔᐋ ᑲᔦ ᐅᕒᐯᓇᔅ Urbanus ᓂᐐᑕᓄᑮᒫᑲᓂᓈᓐ ᐁᐊᓄᑮᑕᐗᑭᒡ X᙮ ᐊᐊ ᑲᔦ ᐃᔅᑌᑭᔅ Stachys ᑳᓵᑭᐊᒃ᙮ 10ᓂᐴᔔᐋ ᑲᔦ ᐊᐯᓬᐄᔅ Apelles, ᑳᐅᒋᒥᓍᐸᒋᑲᓂᐎᒡ ᐁᐱᒥᓂᔕᐙᒡ Xᑕᓐ᙮ ᓂᐴᔔᐋᒃ ᑲᔦ ᑲᑭᓇ ᐁᕒᐃᔅᑖᐱᔭᓬᐊᔅ Aristobulus ᐅᑖᐎᓂᕽ ᑳᐊᔮᓂᒡ᙮ 11ᓂᐴᔔᐋ ᑲᔦ ᐃᕒᐆᑎᔭᓐ Herodion, ᑳᐐᒋᒎᐎᒪᒃ᙮ ᓂᐴᔔᐋᒃ ᑲᔦ ᐃᑭ ᐅᑕᓇᒥᐋᒃ ᑳᐐᒌᐙᐙᒡ ᑳᑎᐯᒋᑫᓂᒡ, ᓈᕒᓯᓴᔅ Narcissus ᐅᑖᐎᓂᕽ ᑳᐅᒌᓂᒡ᙮ 12ᓂᐴᔔᐋ ᑲᔦ ᒐᕒᐋᐃᐲᓇ Tryphena, ᒐᕒᐋᐃᐴᓴ Tryphosa ᑲᔦ, ᑳᑮᑭᒋᐊᓄᑮᑕᐙᐙᒡ ᑳᑎᐯᒋᑫᓂᒡ᙮ ᓂᐴᔔᐋ ᑲᔦ ᐊᐊ ᐃᑴ ᐸᕒᓯᔅ Persis ᑳᐃᔑᓂᑳᓱᒡ, ᑳᓵᑭᐊᒃ, ᑳᑮᑭᒋᐊᓄᑮᑕᐙᒡ ᑳᑎᐯᒋᑫᓂᒡ᙮ 13ᓂᐴᔔᐋ ᑲᔦ ᐅᕒᐆᐸᔅ Rufus, ᒦ ᐊᐌ ᐄᑐᒃ ᑳᑭᒋ​ᐃᓇᑭᒥᓐᒡ ᐁᐱᒥᓂᔕᐙᒡ ᑳᑎᐯᒋᑫᓂᒡ᙮ ᐅᒫᒫᓐ ᑕᔥ ᑲᔦ ᓂᐴᔔᐃᒫᓐ, ᐋᓃᔥ ᑖᐱᔥᑰ ᐁᐅᑯᓯᓯᒥᒥᒡ ᓂᑮᐱᑑᑕᐎᒥᒃ᙮ 14ᓂᐴᔔᐋᒃ ᑲᔦ ᐊᓯᑲᕒᐃᑕᔅ Asyncritus, ᐸᓬᐁᑲᓐ Phlegon ᑲᔦ, ᐊᕒᒦᔅ Hermes ᑲᔦ, ᐹᒐᕒᐅᐸᔅ Patrobas ᑲᔦ, ᐊᕒᒪᔅ Hermas ᑲᔦ, ᐃᓂ ᑲᔦ ᑲᑭᓇ ᐅᑌᐺᑕᒨᒃ ᑳᐐᒌᐙᐙᒡ᙮ 15ᓂᐴᔔᐋ ᑲᔦ ᐱᓬᐋᓬᐊᑲᔅ Philologus, ᐊᐊ ᑲᔦ ᐃᑴ ᒎᓬᐃᔭ Julia, ᓃᕒᐃᔭᔅ Nereus ᑲᔦ, ᐅᑕᐌᒫᓐ ᑲᔦ ᓂᐴᔔᐃᒫᓐ᙮ ᓂᐴᔔᐋ ᑲᔦ ᐅᓬᐄᐸᔅ Olympas, ᐃᓂ ᑲᔦ ᑲᑭᓇ ᐌᑎ ᑳᐐᒌᐙᐙᒡ ᐯᒫᑎᓯᓂᒡ ᑭᔐᒪᓂᑑᓐ ᑳᑎᐯᓂᒥᑯᓂᒡ᙮ 16ᐅᑌᐺᑕᒨᒃ ᐊᓇᒥᐁᐅᒌᒥᑾᒃ ᑮᐴᔔᐁᒀ, ᒦᐃ ᓇᑫ ᐃᔑᐴᔔᐃᑎᒃ᙮ ᑲᑭᓇ ᑕᔥ X ᑳᑎᐯᓂᒫᒡ ᐯᐸᑳᓐ ᑳᐃᔑᒫᒫᐗᒋᐃᑎᓂᒡ ᐅᑌᐺᑕᒨᐞ ᑭᐴᔔᐃᑯᐙᒃ ᑲᑭᓇ ᑳᑕᔑᔦᒃ᙮ 17ᑭᑲᑳᓱᒥᓂᓂᒻ ᐃᑕᔥ, ᓃᑕᓇᒥᐋᒃ, ᐊᔓᐎᓄᑕᐎᑾᒃ ᐃᑭ ᐊᐎᔭᒃ ᑳᑲᔥᑭᐋᐙᒡ ᐊᐎᔭᐞ ᒋᐸᑫᐎᓂᑎᓂᒡ, ᑳᐗᓂᔥᑴᒥᓀᒀ ᑲᔦ, ᐁᐃᔑᑭᑭᓄᐃᑫᐙᒡ ᑭᒋᐸᑳᓐ ᐃᐃ ᑳᑮᐃᔑᓅᑕᒣᒃ᙮ ᑫᑯ ᓈᓯᑲᐙᑫᒀᓂᒃ ᐃᑭ ᑎᓄ ᐊᐎᔭᒃ᙮ 18ᐃᑭ ᑕᔥ ᐅᐅ ᑳᐃᔑᒋᑫᐙᒡ ᑳᐐᓐ ᐅᑕᓄᑮᑕᐙᓯᐙᐙᓐ Xᑕᓐ ᑳᑎᐯᓂᒥᒥᓇᕽ, ᒦ ᓴ ᐁᑕ ᐅᐐᔭᐎᐙᓐ ᐁᔑᒥᓴᐌᑕᒨᒪᑲᓂᓂᑭᓐ ᐁᔑᒋᑫᐙᒡ᙮ ᐋᐱᒋ ᑕᔥ ᒪᒥᓄᑮᔗᐗᒃ, ᐁᒥᓄᐃᓈᐙᒡ ᑲᔦ ᐊᐎᔭᐞ, ᐊᓂᔖ ᑕᔥ ᐁᐃᓈᐙᒡ ᐁᐐᐅᒋᐗᔦᔑᒫᐙᒡ, ᒦᑕᔥ ᑳᐅᒋᐗᓂᐎᓈᐙᒡ ᐯᒫᑎᓯᓂᒡ ᑳᑭᑫᑕᓯᓂᒃ ᐋᓃᓐ ᑫᐃᔑᒋᑫᓂᒡ᙮ 19ᑲᑭᓇ ᓴ ᐊᐎᔭᒃ ᐋᔕ ᓅᑕᒨᒃ ᐋᓃᓐ ᐁᐲᒋᓇᐃᑕᒧᐌᒃ ᐃᐃ ᒥᓍᒋᒧᐎᓐ᙮ ᐐᑫ ᑕᔥ ᓂᑑᒋᑭᒋ​ᒌᑫᑕᒻ ᐃᐃ ᐁᐃᔑᒋᑫᔦᒃ᙮ ᑭᓇᑕᐌᓂᒥᓂᓂᒻ ᐃᑕᔥ ᑲᔦ ᒋᑲᑮᑖᐎᑭᑫᑕᒣᒃ ᐃᐃ ᑳᐅᓂᔑᔑᕽ, ᒋᓵᐱᑭᑫᑕᓯᐌᒃ ᐃᑕᔥ ᐃᐃ ᑳᒫᓈᑕᒃ᙮ 20ᑭᔐᒪᓂᑑ ᓴ ᑳᒦᓂᓀᒃ ᐱᓵᓂᓯᐎᓐ ᑭᑲᔑᑯᔥᑲᒫᑯᐙ ᓭᑕᓇᓐ ᑮᓇᐙ ᒋᑕᑯᑳᓂᒣᒃ᙮ ᑕᑲ ᑕᔥ ᐅᑭᔐᐙᑎᓯᐎᓐ ᑳᑎᐯᒋᑫᒡ ᒋᓴᔅ X ᑭᑲᐐᒌᐎᑯᐙᒻ᙮ 21ᑎᒪᑎ Timothy ᑕᔥ ᑳᐐᑕᓄᑮᒪᒃ, ᑲᔦ ᐐᓐ ᑭᐴᔔᐃᑯᐙ᙮ ᐅᑯᐌᓂᐗᒃ ᑲᔦ ᑭᐴᔔᐃᑯᐙᒃ ᓬᐆᔑᔭᔅ Lucius, ᒉᓴᓐ Jason, ᓱᓰᐸᑕᕒ Sosipater᙮ ᒦᐗᒃ ᐃᓴ ᐅᑯ ᓃᒋᒎᐗᒃ᙮ 22ᑫᓃᓐ ᑕᔥ ᑕᕒᔑᔭᔅ Tertius ᑳᐅᔑᐲᐃᑫᑕᒪᐗᒃ ᑆᓬ Paul ᑭᑕᑯᐴᔔᐃᓂᓂᒻ, ᑫᓃᓐ ᐄᑐᒃ ᑳᐐᒋᐅᑌᐺᑕᒨᒥᓇᑰᒃ᙮ 23ᐊᐊ ᑕᔥ ᑲᔦ ᑫᔭᔅ Gaius ᑳᐲᑎᑲᔑᒡ ᐅᐙᑳᐃᑲᓂᕽ, ᑭᐴᔔᐃᑯᐙ᙮ ᒦ ᓴ ᐗᐊ ᐅᐙᑳᐃᑲᓂᕽ ᑳᐃᔑᓂᑖᐲᑎᑫᓂᒡ ᑲᑭᓇ ᐅᑌᐺᑕᒨᐞ᙮ ᐃᕒᐋᔅᑕᔅ Erastus ᑳᓈᑲᒋᐋᒡ ᔔᓂᔮᓐ ᐃᐃᒫ ᐆᑌᓈᕽ, ᐊᔭᐋ ᑲᔦ ᒀᕒᑕᔅ Quartus ᑮᑕᓇᒥᐋᓈᓐ, ᑫᐐᓇᐙ ᓴ ᐴᔔ ᑭᑎᑯᐙᒃ᙮ 25ᑕᑲ ᑕᔥ ᑭᒋ​ᐃᓀᓂᒫᑖ ᑭᔐᒪᓂᑑ᙮ ᐐᓐ ᐅᔕ ᑳᑲᔥᑭᑑᒡ ᒋᒪᔥᑲᐎᑌᐺᑕᒧᐃᓀᒃ, ᒦ ᐄᑐᒃ ᐃᐃᐌ ᒥᓍᒋᒧᐎᓐ ᑳᐱᑕᔑᑕᒧᐗᒃ, ᒦ ᓴ ᐃᒫ ᑳᔑᑕᔑᒋᑲᓂᐎᒡ ᒋᓴᔅ X᙮ ᒦᑕᔥ ᑲᔦ ᐁᑭᑑᒪᑲᒃ ᐃᐃ ᑌᐺᐎᓐ ᑳᑮᓈᑯᒋᑳᑌᒃ, ᑳᑮᑭᑫᒋᑳᑌᓯᓄᒃ ᒣᐎᔕ ᐅᑖᓈᕽ ᑳᑮᐱᒥᐊᑮᐗᕽ᙮ 26ᓅᑯᒻ ᐃᑕᔥ ᐃᐃ ᑌᐺᐎᓐ ᑮᐅᒋᓈᑯᒋᑳᑌ ᑳᑮᐃᔑᐲᐃᑫᓂᒡ ᑭᔐᒪᓂᑑ ᐅᑎᐹᒋᒧᐎᓂᓃᒪᐞ᙮ ᐁᑮᐃᓈᑯᓂᑫᒡ ᐃᑕᔥ ᑭᔐᒪᓂᑑ ᑳᓀᐱᒋᐊᔮᒡ, ᑲᑭᓇ ᐊᐎᔭᒃ ᐅᒋᑭᑫᑕᒧᐋᐗᒃ ᑳᐯᐸᑳᓉᐙᓇᑭᓯᐙᒡ ᐯᒫᑎᓯᐙᒡ, ᑲᑭᓇ ᓴ ᑯ ᒋᐅᒋᑌᐺᑕᒧᐙᒡ, ᒋᓇᐃᑕᒧᐙᒡ ᑲᔦ᙮ 27ᐐᓐ ᐃᑕᔥ ᐁᑕ ᐁᑭᔐᒪᓂᑑᐎᒡ, ᐐᓐ ᐁᑕ ᑲᔦ ᑳᒫᐗᒋᑲᑮᑖᐌᑕᕽ, ᑕᑲ ᑕᐃᓇᑭᒫ ᐁᑭᒋ​ᐃᓀᑖᑯᓯᒡ ᐅᒋ ᒋᓴᔅ Xᑕᓐ ᐅᑎᔑᒋᑫᐎᓂᓃᕽ, ᒨᔕᒃ ᐃᑯ ᐊᐸᓀ! ᐁᒣᓐ᙮

will be added

X\