1 ᒦᑕᔥ ᐅᐅᐌ ᐁᔑᐲᐃᑳᑌᓂᒃ ᐋᓃᑎ ᒋᓴᔅ X Jesus Christ ᑳᐱᐅᒋᓂᑖᐎᑭᒡ, ᒦ ᐊᐌ ᑳᐅᑕᑳᓀᓯᒡ ᑌᐱᑎᕽ David, ᑫᐐᓐ ᐁᑮᐅᑕᑳᓀᓯᓂᒡ ᐁᐸᕒᐊᐋᒥᕽ Abraham᙮ 2 ᐁᐸᕒᐊᐋᒻ ᑮᐅᑯᓯᓯ ᐃᓂ ᐋᐃᓯᑰᓐ Isaac ᒦᓇᐙᔥ ᐊᐌ ᐋᐃᓯᒃ ᑮᐊᓂᐅᑯᓯᓯ ᐃᓂ ᒉᑲᐴᓐ Jacob, ᑲᔦ ᒉᑲᑉ ᑮᐊᓂᐅᑯᓯᓯ ᐃᓂ ᒎᑕᐗᓐ Judah, ᐐᒋᑭᐌᔨᓂ ᑲᔦ᙮ 3 ᔑᑾ ᒎᑕ ᑮᐅᑯᓯᓯ ᐃᓂᐌᓂᐗᐞ ᐲᕒᐃᓴᓐ Perez, ᓰᕒᐋᐗᓐ Zerah᙮ ᑌᒫᕒ Tamar ᑕᔥ ᑮᐃᔑᓂᑳᓱᐗᓐ ᐅᒫᒫᐙᓐ᙮ ᑲᔦ ᐲᕒᐃᔅ ᑮᐅᑯᓯᓯ ᐃᓂ ᐁᔅᕒᐊᓇᓐ Hezron ᑲᔦ ᐁᔅᕒᐊᓐ ᑮᐅᑯᓯᓯ ᐃᓂ ᐅᕒᐋᒪᓐ Ram, 4 ᑲᔦ ᐅᕒᐋᒻ ᑮᐊᓂᐅᑯᓯᓯ ᐃᓂ ᐊᒥᓇᑖᐸᓐ Amminadab, ᑲᔦ ᐊᒥᓇᑖᑉ ᑮᐊᓂᐅᑯᓯᓯ ᐃᓂ ᓈᔕᓇᓐ Nashon, ᒦᓇᐙᔥ ᓈᔕᓐ ᑮᐊᓂᐅᑯᓯᓯ ᐃᓂ ᓵᓬᒪᓇᓐ Salmon᙮ 5 ᑲᔦ ᓵᓬᒪᓐ ᑮᐊᓂᐅᑯᓯᓯ ᐃᓂ ᐴᐙᓴᓐ Boaz᙮ ᐅᕒᐁᐋᑉ Rahab ᑮᐃᔑᓂᑳᓱᐗᓐ ᐅᒫᒫᓐ᙮ ᑲᔦ ᐴᐙᔅ ᑮᐊᓂᐅᑯᓯᓯ ᐃᓂ ᐆᐱᑕᓐ Obed᙮ ᐅᕒᐆᑦ Ruth ᑮᐃᔑᓂᑳᓱᐗᓐ ᐅᒫᒫᓐ᙮ ᑲᔦ ᐆᐱᑦ ᑮᐊᓂᐅᑯᓯᓯ ᐃᓂ ᒉᓯᐗᓐ Jesse᙮ 6 ᒉᓯ ᑮᐅᑯᓯᓯ ᐃᓂ ᑌᐱᑕᓐ David ᑳᑮᑭᒋᐅᑭᒫᐎᓂᒡ᙮ ᑲᔦ ᑌᐱᑦ ᑮᐊᓂᐅᑯᓯᓯ ᐃᓂ ᔂᓬᐊᒪᓇᓐ Solomon᙮ ᔪᕒᐋᔭ Uriah ᐐᐗᓐ ᑮᐅᒫᒫ ᔂᓬᐊᒪᓐ᙮ 7 ᑲᔦ ᔂᓬᐊᒪᓐ ᑮᐊᓂᐅᑯᓯᓯ ᐃᓂ ᐅᕒᐄᔭᐴᐗᒨᓐ Rehoboam, ᒦᓇᐙᔥ ᐅᕒᐄᔭᐴᐗᒻ ᑮᐊᓂᐅᑯᓯᓯ ᐃᓂ ᐊᐹᐃᒐᐗᓐ Abijah, ᑲᔦ ᐊᐹᐃᒐ ᑮᐊᓂᐅᑯᓯᓯ ᐃᓂ ᐁᓴᐗᓐ Asa᙮ 8 ᑲᔦ ᐁᓴ ᑮᐊᓂᐅᑯᓯᓯ ᐃᓂ ᒉᐆᔕᐹᑕᓐ Jehoshaphat, ᑲᔦ ᒉᐆᔕᐹᑦ ᑮᐊᓂᐅᑯᓯᓯ ᐃᓂ ᒎᕒᐊᒨᓐ Joram, ᑲᔦ ᒎᕒᐊᒻ ᑮᐊᓂᐅᑯᓯᓯ ᐃᓂ ᐊᓵᔭᐗᓐ Uzziah᙮ 9 ᑲᔦ ᐊᓵᔭ ᑮᐊᓂᐅᑯᓯᓯ ᐃᓂ ᒎᑕᒨᓐ Jotham, ᑲᔦ ᒎᑕᒻ ᑮᐊᓂᐅᑯᓯᓯ ᐃᓂ ᐁᓯᑳᔭᐗᓐ Hezekiah, 10 ᑲᔦ ᐁᓯᑳᔭ ᑮᐊᓂᐅᑯᓯᓯ ᐃᓂ ᒪᓈᓴᐗᓐ Manasseh, ᑲᔦ ᒪᓈᓴ ᑮᐊᓂᐅᑯᓯᓯ ᐃᓂ ᐋᒪᓇᓐ Amon, ᑲᔦ ᐋᒪᓐ ᑮᐊᓂᐅᑯᓯᓯ ᐃᓂ ᒍᓵᔭᐗᓐ Josiah᙮ 11 ᑲᔦ ᒍᓵᔭ ᑮᐊᓂᐅᑯᓯᓯ ᐃᓂ ᒉᑲᓈᔭᐗᓐ Jeconiah, ᐐᒋᑭᐌᔭᐞ ᑲᔦ, ᐃᐃᐌ ᐊᐲ ᐃᔅᕒᐃᔭᓬᐃᓂᓂᐗᒃ Israel ᑳᑮᐃᔑᐎᒋᑲᓂᐎᐙᑯᐸᓀᓐ ᐌᑎ ᐹᐱᓬᐊᓄᕽ Babylon᙮ 12 ᐊᐲ ᑕᔥ ᑳᐃᔥᒀᐃᔑᐎᓂᑣ ᐃᐌᑎ ᐹᐱᓬᐊᓄᕽ, ᒉᑲᓈᔭ ᑮᐊᓂᐅᑯᓯᓯ ᐃᓂ ᔑᔮᓬᑏᔭᓬᐊᓐ Shealtiel᙮ ᒦᓇᐙᔥ ᔑᔮᓬᑏᔭᓬ ᑮᐊᓂᐅᑯᓯᓯ ᐃᓂ ᓯᕒᐊᐸᐸᓬᐊᓐ Zerubbabel᙮ 13 ᒦᓇᐙ ᑲᔦ ᓯᕒᐊᐸᐸᓬ ᑮᐊᓂᐅᑯᓯᓯ ᐃᓂ ᐊᐹᔪᑕᓐ Abiud, ᑲᔦ ᐊᐹᔪᑦ ᑮᐊᓂᐅᑯᓯᓯ ᐃᓂ ᐃᓬᐋᔭᑭᒪᓐ Eliakim᙮ ᑲᔦ ᐃᓬᐋᔭᑭᒻ ᑮᐊᓂᐅᑯᓯᓯ ᐃᓂ ᐁᓱᕒᐊᓐ Azor, 14 ᑲᔦ ᐁᓱᕒ ᑮᐊᓂᐅᑯᓯᓯ ᐃᓂ ᓭᑕᑾᓐ Zadok, ᑲᔦ ᓭᑕᒃ ᑮᐊᓂᐅᑯᓯᓯ ᐃᓂ ᐁᑭᒪᓐ Achim, ᑲᔦ ᐁᑭᒻ ᑮᐅᑯᓯᓯ ᐃᓂ ᐃᓬᐋᔪᑕᓐ Eliud᙮ 15 ᑲᔦ ᐃᓬᐋᔪᑦ ᑮᐊᓂᐅᑯᓯᓯ ᐃᓂ ᐁᓬᐃᐁᓴᕒᐆᓐ Eleazar, ᑲᔦ ᐁᓬᐃᐁᓴᕒ ᑮᐊᓂᐅᑯᓯᓯ ᐃᓂ ᒫᑕᓅᓐ Matthan, ᑲᔦ ᒫᑕᓐ ᑮᐊᓂᐅᑯᓯᓯ ᐃᓂ ᒉᑲᐴᓐ Jacob᙮ 16 ᒉᑲᑉ ᑲᔦ ᑮᐊᓂᐅᑯᓯᓯ ᐃᓂ ᒎᓴᐴᓐ Joseph᙮ ᐊᐊ ᑕᔥ ᒎᓴᑉ, ᒣᕒᐃ Mary ᑮᐃᔑᓂᑳᓱᐗᓐ ᐐᐗᓐ, ᒦᐗᓐ ᐃᑕᔥ ᐃᓂ ᒋᓴᔅ ᑳᑮᐅᒫᒫᒡ᙮ ᒋᓴᔅ ᑕᔥ ᑳᑮᐃᓂᓐᒡ ᑭᔐᒪᓂᑑᓐ ᑳᑮᐅᓀᓂᒥᑯᒡ ᒋᐱᒫᒋᐃᐌᒡ᙮ 17 ᒦᑕᔥ ᑳᑮᐱᒥᑖᔑᓃᐎᐙᒡ 14 ᐁᑮᐱᐊᔮᓂᑫ ᓂᑖᐎᑭᐙᒡ ᐁᐃᓇᐌᑎᐙᒡ ᐁᑮᐱᐅᒋᒫᒋᐊᔮᐙᒡ ᐁᐸᕒᐊᐋᒥᕽ ᐲᓂᔥ ᑌᐱᑎᕽ, ᑲᔦ ᐁᑮᐱᒥᑖᔑᓃᐎᐙᒡ 14 ᒦ ᐅᒫ ᐅᒋ ᑌᐱᑎᕽ ᐲᓂᔥ ᑮᐱᐃᔑᐎᓂᑣ ᐌᑎ ᐹᐱᓬᐊᓄᕽ, ᒦᓇᐙ ᐁᑮᐊᓂᒥᑖᔑᓃᐎᐙᒡ 14 ᑳᑮᐃᔑᐱᓂᑖᐎᑭᐙᒡ ᐹᐱᓬᐊᓄᕽ ᐲᓂᔥ ᑮᐱᐅᒋᒋᓭᒃ ᑳᑮᐃᔑᓂᑖᐎᑭᒡ ᐊᐊ ᑭᔐᒪᓂᑑᓐ ᑳᑮᐅᓀᓂᒥᑯᒡ ᒋᐱᒫᒋᐃᐌᒡ᙮ 18 ᒦᑕᔥ ᐅᐅ ᓇᑫ ᒋᓴᔅ ᑳᑮᐃᔑᓂᑖᐎᑭᒡ᙮ ᒣᕒᐃ Mary ᒋᓴᔅ ᐅᒫᒫᓐ ᐁᑮᐊᔓᑕᒫᑯᓂᒡ ᒋᐐᐐᑎᑫᒥᑯᓂᒡ ᐃᓂ ᒎᓴᐴᓐ Joseph, ᒋᑆ ᐐᑎᑫᑎᐙᒡ ᐃᑕᔥ ᐅᑮᑭᑫᑖᓐ ᐊᐊᐌ ᐃᑴ ᐊᐱᓅᒌᔕᓐ ᐁᐊᔮᐙᒡ, ᑭᔐᒪᓂᑑᓐ ᐅᑕᒑᑯᓂ ᐁᑮᒦᓂᑯᒡ ᐃᓂ ᐊᐱᓅᒌᔕᓐ᙮ 19 ᒎᓴᑉ ᐃᑕᔥ ᒣᕒᐄᓐ ᑳᐐᐐᑎᑫᒫᐸᓐ, ᐋᐱᒋ ᑾᔭᒃ ᑮᐃᔑᐱᒫᑎᓯ ᑲᔦ ᑳᐐᓐ ᐅᑮᐊᑕᐌᑕᓰᓐ ᒋᑎᐹᒋᒫᒡ ᐃᓂ ᒣᕒᐄᓐ ᐁᐐᐱᑾᑑᔐᓂᒡ᙮ ᑮᐃᓀᑕᒻ ᑕᔥ ᐁᐐᑮᒨᒋᐸᑭᑎᓈᒡ᙮ 20 ᒣᒀ ᑕᔥ ᐅᐅ ᐁᐃᔑᓈᓈᑲᑕᐌᑕᕽ, ᐅᑮᐙᐸᒫᓐ ᐃᓂ ᑭᔐᒪᓂᑑ ᐅᑌᒐᓬᐃᒪᓐ ᐃᐃᒫ ᐃᓈᐸᑕᒧᐎᓂᕽ ᐁᑮᐃᑯᒡ: ᒎᓴᑉ, ᑌᐱᑎᕽ David ᑳᐅᑕᑳᓀᓯᔭᓐ! ᑫᑯ ᐐᓐ ᓭᑭᓯᑫᓐ ᒋᐐᐎᔭᓐ ᒣᕒᐃ᙮ ᑭᔐᒪᓂᑑ ᐅᑕᒑᑾᓐ ᐅᔕ ᐅᑮᒦᓂᑰᓐ ᐃᓂ ᐊᐱᓅᒌᔕᓐ᙮ 21 ᑸᐎᓭᓴᓐ ᐅᔕ ᐅᑲᓂᑖᐎᑭᐋᓐ᙮ ᒋᓴᔅ Jesus ᑕᔥ ᑭᑲᐃᔑᓂᑳᓈᐙ, ᐋᓃᔥ ᐅᑲᐱᒫᒋᐋᐞ ᐅᐱᒫᑎᓰᒪᐞ ᐃᐃᒫ ᐅᒪᒋᑑᑕᒧᐎᓂᓃᕽ, ᐅᑮᐃᑰᓐ᙮ 22 ᒦᑕᔥ ᐅᐅ ᑳᑮᐅᒋᐃᔑᓭᒃ ᒪᔮ ᐱᑯ ᒋᐃᔑᓭᓂᒃ ᑭᔐᒪᓂᑑ ᑳᑮᐃᑭᑐᑯᐸᓀᓐ ᒣᐎᔕ ᐅᑎᐹᒋᒧᐎᓂᓃᒪᓐ ᑳᑮᑲᓅᑕᒫᑯᒡ ᐅᐅᐌ ᐁᑮᐃᑭᑐᓂᒡ: 23 ᑾᔭᒃ ᐯᑭᐅᔥᑭᓃᑭᑴ ᐅᑲᐊᔮᐙᓐ ᐊᐱᓅᒌᔕᓐ ᑲᔦ ᐅᑲᓂᑖᐎᑭᐋᓐ ᑫᐅᑯᓯᓯᒡ᙮ ᐃᒫᓂᔪᐁᓬ Immanuel ᑕᔥ ᑕᐃᔑᓂᑳᓱᐗᓐ᙮ ᒦᐃᐌ ᑳᐃᒋᑳᑌᒃ: ᑭᔐᒪᓂᑑ ᑭᐐᒌᐎᑯᓈᓐ᙮ 24 ᒎᓴᑉ ᑕᔥ ᔐᒫᒃ ᑮᐙᓂᔥᑳ ᐁᑮᐃᔑᒋᑫᒡ ᐋᓃᓐ ᑳᑮᐃᑯᒡ ᐃᓂ ᑳᑎᐯᒋᑫᓂᒡ ᐅᑌᒐᓬᐃᒥᓂ᙮ ᒣᕒᐄᓐ ᑕᔥ ᑮᐐᐎ᙮ 25 ᑳᐐᓐ ᑕᔥ ᐐᑳ ᐅᑮᐸᐹᒣᓂᒫᓰᓐ ᐃᓂ ᐐᐗᓐ ᒋᑆ ᓂᑖᐎᑭᓈᐗᓱᓂᒡ᙮ ᒋᓴᔅ ᑕᔥ ᐅᑮᐃᔑᓂᑳᓈᓐ ᒎᓴᑉ ᐃᓂ ᑸᐎᓭᓴᓐ᙮
