Ishihcikewinan Ishihcikewinan 28

1ᐊᐲ ᑕᔥ ᑲᑭᓇ ᑳᐊᒀᓰᔮᕽ ᒦ ᐃ ᑳᑮᐐᑕᒫᑰᔮᕽ ᐃᐃ ᒥᓂᔅ ᒫᓬᑕ Malta ᐃᓇᑾᓇ ᐁᐃᔑᓂᑳᑌᒃ᙮ 2ᑳᑮᑕᔒᑫᐙᒡ ᑕᔥ ᐃᐃᒫ ᐐᑫ ᓂᑮᒥᓄᑑᑖᑯᓈᓂᒃ᙮ ᑮᐴᑕᐌᐗᒃ ᒋᐊᐗᓱᔮᕽ ᐋᓃᔥ ᑮᑭᒥᐗᓐ, ᑮᑭᓯᓈ ᑲᔦ᙮ ᑮᐃᑭᑐᐗᒃ ᑲᔦ ᐁᒥᓉᑕᒧᐙᒡ ᑲᑭᓇ ᐁᐙᐸᒥᔭᒥᑣ᙮ 3ᑆᓬ Paul ᑕᔥ ᐅᑮᒫᒨᔕᑭᓈᓇᓐ ᒥᑎᑰᓴᓐ᙮ ᐁᐸᑭᑎᓂᓭᒡ ᑭᓀᐱᑰᓐ ᑮᓵᑳᐲᑭᐸᓂᐅᐗᓐ ᐁᐊᓂ​ᑭᔑᑌᓂᒃ ᐃᐃ ᐴᑕᐙᓐ, ᐅᑮᒫᑾᒥᑰᓐ ᑕᔥ ᑭᓀᐱᑰᓐ ᐅᓂᒌᕽ ᐁᑮ​ᑭᒋᐗᒥᑯᒡ᙮ 4ᐊᐲ ᑕᔥ ᐃᐃᒫ ᑳᑮᑕᔒᑫᓂᒡ ᐁᐙᐸᒥᑯᒡ ᑭᓀᐱᑰᓐ ᐁᐊᑰᒋᓂᓂᒡ ᐅᓂᒌᕽ ᑮᐃᑭᑐᐗᐞ: ᐗᐊ ᐃᓂᓂ ᑌᐺ ᑮᓂᔑᐌᑐᒃ! ᐋᓇᐐᓐ ᐁᑮ​ᔖᐾᒡ ᑭᒋᑲᒦᕽ ᐅᒋ, ᔖᑰᒡ ᑕᔥ ᐅᑮᐌ​ᓈᓯᑳᑯᓐ ᐅᑎᔑᒋᑫᐎᓐ, ᐁᓇᓇᐊᓯᑯᒡ᙮ ᑳᐐᓐ ᑕᔥ ᐃᓀᑖᑯᓯᓰ ᒋᑮ​ᐱᒫᑎᓯᐸᓐ, ᑮᐃᑭᑐᐗᐞ᙮ 5ᐃᔥᑯᑌᕽ ᑕᔥ ᐅᑮᐃᔑ​ᐌᐱᓈᓐ ᐃᓂ ᑭᓀᐱᑰᓐ, ᑳᐐᓐ ᑕᔥ ᑫᑰᓐ ᑮᐃᔑ​ᐊᔮᓰ᙮ 6ᐅᑮᐊᑲᐙᐃᑰᐞ ᑕᔥ ᒋᐹᑭᓭᒡ, ᑯᒫ ᑲᔦ ᑴᑕᑐ ᒋᑲᐎᓭᒡ ᒋᓂᐳᒡ᙮ ᐊᐲ ᑕᔥ ᑭᓉᔥ ᑳᐲᐃᑯᒡ, ᐁᐙᐸᒥᑯᒡ ᑕᔥ ᑫᑰᓐ ᐁᐃᔑ​ᐊᔮᓯᒃ, ᐸᑳᓐ ᑮᐃᓀᑕᒨᐞ ᐁᐃᑭᑐᓂᒡ: ᒪᓂᑑᐎ ᐄᓴᓐ ᐗᐊ, ᑮᐃᑭᑐᐗᐞ᙮ 7ᐯᔓ ᑕᔥ ᐃᐃᒫ ᑮᐊᔮᓂ ᐊᑮᓂ ᐁᑎᐯᑕᕽ ᑳᐅᑭᒫᑳᓂᐎᒡ ᐃᐃᒫ ᒥᓂᓯᕽ ᐸᐱᓬᐃᔭᔅ Publius ᐁᐃᔑᓂᑳᓱᒡ᙮ ᓂᑮ​ᐲᑎᑲᓂᑯᓈᓐ ᐅᑖᐎᓂᕽ, ᓂᓱᑮᔑᒃ 3 ᐐᑫ ᓂᑮᒥᓄ​ᐸᒥᐃᑯᓈᓐ᙮ 8ᑮᐊᓂ​ᐊᔨᔑᓭ ᑕᔥ ᐸᐱᓬᐃᔭᔅ ᐅᑌᑌᓐ ᐁᑮ​ᐱᒥᔑᓂᓂᒡ ᐁᑭᔑᓱᐙᐱᓀᓂᒡ ᑲᔦ ᑕᔥ ᑮᒥᔅᑸᐗᓂᓂ ᐅᑭᔑᐗᔥᑲᑌᔮᐱᓀᐎᓂᓂ᙮ ᒦᐗᓐ ᐃᓂᐌᓂᐗᓐ ᑆᓬ ᑳᑮᐲᑎᑲᐙᒡ ᐁᑮᐊᓇᒥᐋᒡ᙮ ᐁᓵᒥᓈᒡ ᑕᔥ ᑮᒥᓄᐊᔮᐗᓐ᙮ 9ᐊᐲ ᑕᔥ ᐅᐅ ᑳᐃᔑᓭᒃ ᑯᑕᒃ ᐊᐎᔭᒃ ᐋᑯᓯᐎᓇᓐ ᑳᐊᔮᐙᒡ ᐃᐃᒫ ᒥᓂᓯᕽ ᑮᐲᔖᐗᒃ ᒦᔥ ᑳᐃᔑ​ᒥᓄᐊᔮᐃᑣ᙮ 10ᓃᐱᐗᐞ ᑕᔥ ᑫᑰᓇᓐ ᓂᑮᒦᓂᑯᓈᓂᒃ ᐁᓈᑯᑑᐙᒡ ᐁᑭᑌᓂᒥᔭᒥᑣ᙮ ᐊᐲ ᑳᑮᔒᔮᕽ ᒋᒫᒌᔮᔑᔮᕽ, ᓂᑮᒫᒌᑕᐃᑯᓈᓂᒃ ᑫᑰᓐ ᑫᔮᐸᒋᑑᔮᕽ᙮ 11ᓂᓱ​ᑮᓯᔅ 3 ᑕᔥ ᐃᐃᒫ ᑳᐃᔥᒀ​ᐊᔮᔮᕽ ᓂᑮ​ᐴᓯᒥᓐ ᑭᒋ​ᒌᒫᓐ ᐁᑮᒫᒌᔮᔑᔮᕽ᙮ ᐃᐃ ᓴ ᑭᒋ​ᒌᒫᓐ ᑮᑕᔑ​ᐱᐴᓂᔒᒪᑲᓐ ᐃᐃᒫ ᐁᑮᐅᒌᒪᑲᒃ ᐋᓬᐃᑭᓵᑕᕒᐃᔮᑳᕽ᙮ ᓃᔓᑌᐎ​ᒪᓂᑑᑳᓇᒃ ᑮᒪᓯᓂᔑᓅᒃ ᐃᐃᒫ ᑭᒋ​ᒌᒫᓂᕽ᙮ 12ᓯᕒᐊᑭᔫᔅ Syracuse ᐆᑌᓈᕽ ᑕᔥ ᓂᑮᐃᔑ​ᑕᑯᔑᓂᒥᓐ᙮ ᓂᓱᑮᔑᒃ 3 ᑕᔥ ᐃᐃᒫ ᓂᑮᐊᔮᒥᓐ᙮ 13ᒦᑕᔥ ᐃᐃᒫ ᒦᓇᐙ ᑳᐅᒋ​ᒫᒌᔮᔑᔮᕽ ᐲᓂᔥ ᐁᑮᐅᑎᑕᒫᕽ ᐅᕒᐄᒋᔭᒻ Rhegium ᑳᐃᒋᑳᑌᒃ ᐆᑌᓇ᙮ ᐁᐊᓂ​ᐙᐸᕽ ᑕᔥ ᑮᒫᒌ​ᔖᐗᓂᓅᑎᓐ᙮ ᒦᓇᐙ ᐁᐊᓂ​ᐙᐸᕽ ᓂᑮᐅᑎᑖᔑᒥᓐ ᐳᑎᔭᓬᐃ Puteoli ᑕᐱᓇᐎᔑᓄᐎᓂᕽ᙮ 14ᓂᑮᒥᑲᐙᓈᓂᒃ ᑕᔥ ᐃᐃᒫ ᐅᑌᐺᑕᒨᒃ᙮ ᓂᑮᐃᑯᓈᓂᒃ ᑕᔥ ᒋᐐᒋ​ᐊᔮᒪᑭᑣ ᐯᔑᑯᑕᐗᑌ᙮ ᒦᑕᔥ ᑳᑮᐊᓂ​ᑕᑯᔑᓈᕽ ᐌᑎ ᐅᕒᐆᒥᕽ Rome᙮ 15ᐅᑌᐺᑕᒨᒃ ᑕᔥ ᐅᕒᐆᒥᕽ ᑳᑮᐊᔮᐙᒡ ᑮᓅᑕᒨᒃ ᐄᓴᓐ ᐁᐐᐱ​ᑕᑯᔑᓈᕽ᙮ ᓂᑮ​ᐱᐊᑕ​ᓇᑭᔥᑳᑯᓈᓂᒃ ᑕᔥ ᐙᓴ ᐁᑮᐱ​ᐅᒌᐙᒡ ᐆᑌᓇᐗᓐ ᑳᐃᒋᑳᑌᓂᑭᓐ ᐅᑕᑖᐌᐎᑲᒥᒃ ᐋᐱᔭᔅ, ᐃᐃ ᑕᔥ ᑲᔦ ᓂᓱ​ᑲᐯᔑᐎᓐ᙮ ᐊᐲ ᑕᔥ ᑆᓬ ᑳᐙᐸᒫᒡ ᐅᑮᐅᒋ​ᒦᑴᒋᐌᓂᒫᓐ ᑭᔐᒪᓂᑑᓐ, ᑮᐅᒋ​ᒪᔥᑲᐎᐊᔮ ᑲᔦ᙮ 16ᐊᐲ ᑕᔥ ᑳᑕᑯᔑᓈᕽ ᐅᕒᐆᒻ ᐆᑌᓇ, ᑆᓬ Paul ᑮᐸᑭᑎᓇᒪᐙ ᐱᓵᓐ ᒋᓂᔑᑫᐊᔮᒡ ᐙᑳᐃᑲᓂᕽ᙮ ᔑᒫᑲᓂᔕᓐ ᑕᔥ ᐃᐃᒫ ᐅᑮ​ᑲᓇᐌᓂᒥᑰᓐ᙮ 17ᓂᓱᑮᔑᒃ 3 ᐁᐊᓂᐃᔑᓭᓂᒃ ᑆᓬ ᐅᑮ​ᒫᒪᐎ​ᐊᑐᒫᐞ ᑳᓃᑳᓂᓯᓂᒡ ᒎᐗᐞ᙮ ᐊᐲ ᑕᔥ ᑳᐱ​ᒫᒪᐎ​ᐲᔖᓂᒡ ᐅᑮᐃᓈᐞ: ᓂᐐᒋ​ᐅᒌᒫᑲᓇᒃ, ᐋᓇᐐᓐ ᑫᑰᓐ ᐁᑮᐃᔑ​ᒪᒫᔑᑲᑕᐙᓯᐗᒀ ᑭᐐᒋ​ᐅᒌᒫᑲᓂᓈᓂᒃ, ᐃᔑᑣᐎᓇᓐ ᑲᔦ ᑳᑮᐱ​ᒦᓂᓇᒀ ᑭᑫᑌᔭᐋᒥᓈᐸᓃᒃ, ᒦᑕᔥ ᑳᑮᑭᐸᐅᑰᔮᓐ ᐌᑎ ᒉᕒᐆᓴᓬᐊᒥᕽ Jerusalem, ᐁᑮᐃᔑ​ᐸᑭᑎᓂᑰᔮᓐ ᒋᑕᑯᓂᒥᒡ ᐅᕒᐆᒥᕽ ᑳᐅᒌᓂᒡ᙮ 18ᒦᐗᒃ ᑕᔥ ᐃᑭ ᑳᑮᐊᑕ​ᑭᑫᓂᒥᐙᒡ᙮ ᑮᐃᓀᑕᒨᒃ ᑕᔥ ᒋᑮ​ᐸᑭᑎᓂᑰᐗᑭᐸᓐ, ᐋᓃᔥ ᑳᐐᓐ ᑫᑰᓐ ᓂᑮᐃᔑ​ᒪᒫᔑᐙᓰᓐ ᑫᐅᒋ​ᓂᓯᑰᐗᑭᐸᓐ᙮ 19ᐊᐲ ᑕᔥ ᒎᐗᒃ ᑳᐃᓀᑕᓯᒀ ᒋᐸᑭᑎᓂᑰᐗᒃ, ᐃᑕᐙ ᑕᔥ ᓂᑮᐃᑭᑦ ᒫᐗᒡ ᑭᒋᐅᑭᒫ ᒋᑎᐹᑯᓂᒡ, ᑳᐐᓐ ᐐᓐ ᑫᑰᓐ ᐁᐊᔮᔮᓐ ᑫᐅᒋ​ᒪᒋᐃᓇᒀᐸᓐ ᓃᓐ ᑯ ᓂᐐᒋ​ᐅᒌᒫᑲᓇᒃ᙮ 20ᒦᑕᔥ ᑳᑮᐅᒋ​ᐊᑐᒥᓇᑰᒃ ᐁᐐᐙᐸᒥᓂᓇᑰᒃ, ᐁᐐ​ᑲᑲᓅᓂᓇᑰᒃ ᑲᔦ᙮ ᐋᓃᔥ ᓂᑌᐺᑕᐎᒫᓐ ᐃᔅᕒᐃᔭᓬᐊᒃ Israel ᑳᐊᐯᓂᒧᓄᑕᐙᐙᒡ, ᒦ ᐃ ᑳᐅᒋ​ᑕᑯᐱᓱᔮᓐ ᐅᓄ ᐲᐙᐱᑴᔮᐲᓐ, ᐅᑮᐃᓈᐞ᙮ 21ᐅᐅ ᑕᔥ ᐅᑮᐃᑰ: ᑳᐐᓐ ᒎᑏᔭ Judea ᐊᑮᕽ ᓂᑐᒋ​ᐅᔑᐲᐊᒫᑰᓰᒥᓐ ᒋᑕᔑᒥᑰᔭᓐ᙮ ᐃᑭ ᑲᔦ ᐌᑎ ᒎᐗᒃ ᑳᑮᐱ​ᐅᒋ​ᑕᑯᔑᓄᐙᒡ ᑳᐐᓐ ᑫᑰᓐ ᒋᑮᐃᓈᒋᒧᐙᒡ, ᑳᐐᓐ ᑲᔦ ᓅᒋᑯ ᐊᐎᔭ ᑭᑎᑯᓰ᙮ 22ᑭᐐᓅᑖᑰ ᑕᔥ ᐋᓃᓐ ᐁᓀᑕᒪᓐ, ᐋᓃᔥ ᓂᑭᑫᑖᒥᓐ ᒥᓯᐌ ᐊᐎᔭᒃ ᐁᒪᒋ​ᑕᔑᑕᒧᐙᒡ ᐃᐃ ᐃᔑᑣᐎᓐ ᐌᒋ​ᑎᐯᑖᑯᓯᐗᒡ, ᐅᑮᐃᑰᐞ᙮ 23ᐅᑮᐅᓇᑑᓂ ᑕᔥ ᐊᐲ ᑮᔑᑲᓂᓂᒃ ᑫᐱᐊᑕ​ᐙᐸᒥᑯᒡ᙮ ᑮᐹᑏᓄᐗᐞ ᑕᔥ ᑳᑮᐱᐊᑕ​ᐙᐸᒥᑯᒡ ᐃᐃᒫ ᐁᔑ​ᐊᔮᒡ᙮ ᐁᑭᔐᐹᐗᑲᓂᓂᒃ ᑕᔥ ᐲᓂᔥ ᐁᐊᓂ​ᐅᓈᑯᔑᓂᓂᒃ ᑾᔭᒃ ᐁᑮᐙᐐᑕᒪᐙᒡ ᐁᑎᐹᒋᒧᑕᐙᒡ ᐋᓃᓐ ᐁᔑᓈᑾᓂᓂᒃ ᑭᔐᒪᓂᑑ ᐅᑑᑭᒫᐎᐎᓐ᙮ ᐅᑮᑲᑴ​ᑲᔥᑭᒫᐞ ᑕᔥ ᑲᔦ ᒋᑌᐺᑖᑯᒡ ᐁᑕᔑᒫᒡ ᒋᓴᓲᓐ ᐁᑮᐐᑕᕽ ᐁᔑᓯᓂᓂᒃ ᐅᑑᓇᔓᐌᐎᓂᓂ ᒨᓯᓲᓐ, ᑳᑮᐃᔑᐲᐃᑫᓂᒡ ᑲᔦ ᑫᓅᑕᒪᐙᓂᒡ ᑭᔐᒪᓂᑑᓐ᙮ 24ᐋᓂᑕ ᑕᔥ ᐅᑮ​ᑌᐺᑕᒥᓂ ᐃᐃ ᑳᑮᐐᑕᒪᐙᒡ, ᐋᓂᑕ ᑕᔥ ᑳᐐᓐ ᑮᑌᐺᑕᓰᐗᐞ᙮ 25ᑳᐐᓐ ᑕᔥ ᑖᐱᔥᑰ ᑮᐃᓀᑕᓰᐗᐞ ᐁᐊᓂ​ᒫᒑᓂᒡ ᐅᐅ ᑆᓬ ᑳᐃᔥᒀ​ᐃᑭᑐᒡ: ᐯᔑᒃ ᑫᑰᓐ ᓂᑕᔮᓐ ᒋᐃᓂᓇᑰᒃ: ᑌᐺ ᑾᔭᒃ ᑮᐃᑭᑐᓂᑯᐸᓐ ᑭᔐᒪᓂᑑ ᐅᑕᒑᑾᓐ ᑮᔮᐸᒋᐋᓂᒡ ᑫᓅᑕᒫᑯᒡ ᐋᐃᓭᔭᐗᓐ Isaiah ᑮᑲᓅᓈᑯᐸᓀᓐ ᑭᑫᑌᔭᐋᒥᓈᐸᓃᐞ: 26ᒫᒑᓐ ᐊᑕᐙᐸᒻ ᐃᑭ ᐯᒫᑎᓯᐙᒡ ᐅᐅ ᒋᐃᓇᑣ: ᒥᓴᐙᑯ ᒨᔕᒃ ᐋᓇ ᓅᑕᒣᒃ, ᑳᐐᓐ ᑕᔥ ᑭᑲᓂᓯᑐᑕᓰᒻ᙮ ᒥᓴᐙᑯ ᑲᔦ ᒨᔕᒃ ᐋᓇ ᐙᐸᑕᒣᒃ, ᑳᐐᓐ ᑕᔥ ᑭᑲᓂᓯᑕᐎᓇᓰᒻ᙮ 27ᐋᓃᔥ ᐅᑎᓀᑕᒧᐎᓂᐙᓐ ᐋᐱᒋ ᐯᒋ​ᓂᓯᑐᑕᒨᒪᑲᓂᓂᐗᓐ, ᐅᑭᐱᓈᓈᐙᓐ ᑕᔥ ᑲᔦ ᐅᑕᐗᑳᐙᓐ᙮ ᐊᑲᐙᐱᓂᑎᓱᐗᒃ ᑕᔥ ᑲᔦ᙮ ᐅᐅ ᑕᔥ ᐁᐃᔑᒋᑫᐙᒡ ᒦ ᐃ ᑳᐅᒋ​ᐙᐱᓯᒀ, ᒦ ᑲᔦ ᑳᐅᒋᓅᑕᓯᒀ, ᒦ ᑲᔦ ᐃ ᑳᐅᒋᓂᓯᑐᑕᓯᒀ ᐅᑎᓀᑕᒧᐎᓂᐙᕽ᙮ ᐲᑴᑮᓄᑕᐎᐙᒡ ᑕᔥ ᓂᑖᐱᒫᒋᐋᒃ, ᑮᐃᑭᑐᑯᐸᓐ ᑭᔐᒪᓂᑑ᙮ 28ᑆᓬ ᑕᔥ ᑮᐊᓂ​ᐃᑭᑐ: ᑭᑫᑕᒧᒃ ᐃᑕᔥ ᐅᐅ ᒥᓍᒋᒧᐎᓐ ᑳᔑ​ᑕᔑᑌᓂᒃ ᑭᔐᒪᓂᑑ ᐅᐱᒫᒋᐃᐌᐎᓐ ᑫᐐᓇᐙ ᑳᒎᐎᐎᓯᒀ ᐁᐃᔑᓂᔕᐊᒪᐎᑣ, ᑕᓅᑕᒨᒃ ᑕᔥ ᐐᓇᐙ! ᐅᑮᐃᓈᐞ᙮ 29ᐊᐲ ᑕᔥ ᐅᐅᐌ ᑳᐃᔥᒀ​ᐃᑭᑐᒡ, ᒎᐗᐞ ᑮᐊᓂ​ᒫᒑᐗᐞ, ᐐᑫ ᐁᑭᒋ​ᑲᑲᓅᓂᑎᓂᒡ᙮ 30ᓃᔓ​ᐱᐴᓐ 2 ᑕᔥ ᐃᐃᒫ ᑮᐊᔮ ᐙᑳᐃᑲᓂᕽ ᑳᑮᐊᐎᐋᓱᒡ, ᑲᑭᓇ ᑲᔦ ᐁᑮ​ᐲᑎᑲᓈᒡ ᑳᑮᐱ​ᓈᓯᑳᑯᒡ᙮ 31ᑮᓲᑭᑌᐁ ᑕᔥ, ᑳᐐᓐ ᑲᔦ ᐊᐎᔭᓐ ᐅᑮ​ᑭᐱᑎᓂᑯᓰᓐ ᐁᐐᑕᒫᑫᒡ ᑭᔐᒪᓂᑑᓐ ᐅᑑᑭᒫᐎᓂᓂ, ᐁᑮ​ᑭᑭᓄᐊᒫᑫᒡ ᑲᔦ ᐃᓂ ᑳᔑ​ᑎᐹᒋᒥᒥᓐᒡ ᑳᑎᐯᒋᑫᓂᒡ ᒋᓴᔅ Xᑕᓐ᙮

will be added

X\