Ishihcikewinan Ishihcikewinan 13

1ᐃᐃᒫ ᑕᔥ ᐁᑎᔮᒃ Antioch ᐅᑌᐺᑕᒨᒃ ᑮᒫᐗᒋᐃᑎᐗᒃ᙮ ᑮᐊᔮᐗᒃ ᑕᔥ ᐃᐃᒫ ᐋᓂᑕ ᑎᓄ ᑳᑲᓅᑕᒪᐙᐙᒡ ᑭᔐᒪᓂᑑᓐ, ᑳᒦᓂᑰᐎᓯᐙᒡ ᑲᔦ ᒋᑭᑭᓄᐊᒫᑫᐙᒡ᙮ ᒦᐗᒃ ᓴ ᐃᑭ ᐹᕒᓇᐸᔅ Barnabas, ᓯᒥᔭᓐ Simeon ᒪᑲᑌᐎᔅ ᑳᐃᔑᓂᑳᒋᑲᓂᐎᒡ, ᐊᐊ ᑕᔥ ᓬᐆᔑᔭᔅ Lucius ᓵᐃᕒᐄᓂ Cyrene ᐆᑌᓈᕽ ᑳᐅᒌᒡ᙮ ᐊᐊᐌ ᑕᔥ ᑲᔦ ᒪᓀᐊᓐ Manaen ᑳᑮᐐᒋᓂᑖᐎᑭᒫᒡ ᐃᓂ ᑯᑕᒃ ᐁᕒᐊᑕᓐ Herod, ᐊᐊ ᑕᔥ ᑲᔦ ᔂᓬ Saul᙮ 2ᒣᒀ ᑕᔥ ᐅᑌᐺᑕᒨᒃ ᐁᐊᓇᒥᐁᑕᐙᐙᒡ ᑳᑎᐯᒋᑫᓂᒡ, ᐁᒪᑕᐐᐃᑎᓱᐙᒡ ᑲᔦ, ᐅᑮᐅᒋ​ᑲᓅᓂᑯᐙᓐ ᑭᔐᒪᓂᑑᓐ ᐅᑕᒑᑯᓂ: ᐅᓇᑭᒥᒃ ᐹᕒᓇᐸᔅ, ᐊᐊ ᑲᔦ ᔂᓬ ᒋᐃᓇᓄᑮᐙᒡ ᐃᐃ ᐊᓄᑮᐎᓐ ᑳᔑ​ᐊᑐᒪᒀ, ᐅᑮᐃᑯᐙᓐ᙮ 3ᑫᔮᐱ ᑕᔥ ᑭᒪᑕᐐᐃᑎᓱᐗᒃ, ᑮᐊᓇᒥᐋᐗᒃ ᑕᔥ ᑲᔦ᙮ ᒦᔥ ᑳᐃᔑ​ᓵᒥᓈᐙᒡ ᐁᑮᒫᒋᓂᔕᐙᐙᒡ᙮ 4ᐹᕒᓇᐸᔅ ᑕᔥ, ᔂᓬ ᑲᔦ ᑳᐃᔥᒀ​ᒫᒋᓂᔕᐅᑯᐙᒡ ᑭᔐᒪᓂᑑᓐ ᐅᑕᒑᑯᓂ, ᑮᐃᔖᐗᒃ ᓴ ᐌᑎ ᓯᓬᐆᔑᔭ Seleucia ᐆᑌᓈᕽ᙮ ᒦᑕᔥ ᐌᑎ ᑳᐅᒋ​ᒫᒌᔮᔑᐙᒡ ᐁᑮᐃᔖᐙᒡ ᒥᓂᓯᕽ ᓵᐃᐸᕒᐊᔅ Cyprus᙮ 5ᐊᐲ ᑕᔥ ᐁᑕᑯᔑᓄᐙᒡ ᓵᓬᐊᒥᔅ Salamis ᐆᑌᓈᕽ, ᑮᐐᑕᒫᑫᐗᒃ ᑭᔐᒪᓂᑑᓐ ᐅᑎᑭᑐᐎᓂᓂ ᐅᑕᓇᒥᐁᐎᑲᒥᑯᓃᕽ ᒎᐗᐞ᙮ ᒞᓇᓐ John ᓴ ᐅᑮᐐᒌᐙᐙᓐ ᐁᑮᐐᒋᐃᑯᐙᒡ᙮ 6ᑮᐊᓂ​ᑲᑮᐌᐗᒃ ᐃᑕᔥ ᐃᐃ ᒥᓂᔅ ᐲᓂᔥ ᐁᑮᐊᓂ​ᑕᑯᔑᓄᐙᒡ ᐆᑌᓇ ᐯᐸᔅ Paphos᙮ ᒦᔥ ᑳᑮᓇᑭᔥᑲᐙᐙᒡ ᒎᐎᐃᓂᓂᐗᓐ ᒣᒫᑖᐎᓯᓂᒡ, ᐁᐃᓍᓂᑎᓱᓂᒡ ᑳᑲᓅᑕᒪᐙᒡ ᑭᔐᒪᓂᑑᓐ, ᐹᕒ​ᒌᓴᔅ Bar-jesus ᐁᐃᔑᓂᑳᓱᓂᒡ᙮ 7ᐅᑮᓵᑭ​ᐐᒌᐙᓂ ᑕᔥ ᐃᓂ ᐌᑭᒫᑲᑖᑫᓂᒡ ᓴᕒᒋᔭᔅ ᑆᓬᐊᔅ Sergius Paulus ᑳᐃᓂᒥᓐᒡ ᑳᑮᑭᑫᑖᓱᓂᒡ᙮ ᒦᐗᓐ ᐃᑕᔥ ᐃᓂ ᐹᕒᓇᐸᔅ, ᔂᓬ ᑲᔦ ᑳᑮᐊᑐᒥᑯᐙᒡ ᐁᑮᐊᑕᐌᑕᒥᓂᒡ ᒋᓅᑕᒥᓂᒡ ᑭᔐᒪᓂᑑᓐ ᐅᑎᑭᑐᐎᓂᓂ᙮ 8ᐃᓂᐌᓂᐗᓐ ᑕᔥ ᒣᒫᑖᐎᓯᓂᒡ ᐅᑮᑲᑴ​ᑭᐱᑎᓂᑯᐙᓐ ᐁᓬᐃᒪᔅ Elymas ᐁᔑᓂᑳᓱᓂᒡ, ᒦ ᐃ ᑳᐃᔑᓂᑳᓱᒡ ᑲᕒᐄᒃ Greek ᐅᑎᔑᑮᔗᐎᓂᓃᕽ᙮ ᐅᑮᑲᑴ​ᐗᓂᔥᑴᐊᓐ ᐃᑕᔥ ᑲᔦ ᑳᐅᑭᒫᑲᑖᑫᓂᒡ ᒋᑌᐺᔦᓂᒫᓯᓂᒃ ᒋᓴᓲᓐ᙮ 9ᔂᓬ ᑕᔥ, ᑆᓬ Paul ᑳᐃᓂᓐᒡ, ᐁᒨᔥᑭᓀᔥᑳᑯᒡ ᑭᔐᒪᓂᑑᓐ ᐅᑕᒑᑯᓂ, ᐅᑮ​ᑲᓇᐙᐸᒫᓐ ᐁᓬᐃᒪᓴᓐ, 10ᒦᔥ ᑳᐃᓈᒡ: ᑮᓐ ᑌᐯᓂᒥᒃ ᒪᒋᐊᔭᐋ, ᑳᔒᑫᑕᒪᓐ ᑲᔦ ᑳᑾᔭᑯᓈᑾᒃ! ᑭᒨᔥᑭᓀᔥᑳᑯᓐ ᑲᔦ ᑲᑭᓇ ᑲᑲᔦᓂᓯᐎᓐ, ᒪᒋ​ᐃᔑᐌᐱᓯᐎᓐ ᑲᔦ᙮ ᒨᔕᒃ ᑭᑲᑴ​ᑴᑭᓇᒧᐙᓐ ᒋᐸᑳᓂᓈᑾᓂᓂᒃ ᑭᔐᒪᓂᑑ ᐅᑎᑭᑐᐎᓐ! 11ᐃᓇᔥᑫ ᑕᔥ ᑳᑎᐯᒋᑫᒡ ᐅᓂᓐᒡ ᑭᑲᒫᑯᔥᑳᑯᓐ᙮ ᑳᐐᓐ ᑕᔥ ᑭᑲᐙᐱᓰ, ᐊᒋᓇ ᑳᐐᓐ ᑭᑲᐅᒋ​ᐙᐸᒫᓰ ᑮᓯᔅ, ᐅᑮᐃᓈᓐ᙮ ᔐᒫᒃ ᑕᔥ ᐁᑲᔥᑮ​ᑎᐱᑭᐃᔑ​ᐊᔮᓂᒃ ᑫᑰᓐ ᐅᑮᐅᑎᓯᑯᓂ, ᒦᔥ ᑳᐃᔑ​ᐸᐹ​ᓇᓈᑐᓀᐙᓂᒡ ᑫᐸᐹ​ᓴᑭᓂᑫᓂᑯᓂᒡ᙮ 12ᐊᐲ ᑕᔥ ᐊᐊ ᐌᑭᒫᑲᑖᑫᒡ ᐁᐙᐸᑕᕽ ᐃᐃ ᑳᑮᐃᔑᓭᓂᒃ ᑮᑌᐺᑕᒻ ᐁᒫᒪᑳᑌᑕᕽ ᑳᑮᐃᔑ​ᑭᑭᓄᐊᒪᐎᓐᒡ ᐅᒋ ᑳᑎᐯᒋᑫᓂᒡ᙮ 13ᑆᓬ Paul ᑕᔥ ᐃᐃ ᑲᔦ ᑳᑮᐐᒌᐎᑯᒡ ᑮᐅᒋ​ᒫᒌᔮᔑᐗᒃ ᐃᐃᒫ ᐯᐸᔅ Paphos ᐁᑮᐃᔑ​ᑕᑯᔑᓄᐙᒡ ᐯᕒᑲ Perga ᐆᑌᓈᕽ ᐹᒻᐱᓬᐃᔭ Pamphylia ᐊᑮᕽ᙮ ᒞᓐ ᒫᕒᑲᓐ John Mark ᑕᔥ ᐃᐃᒫ ᐅᑮᓇᑲᓂᑯᐙᓐ, ᒉᕒᐆᓴᓬᐊᒥᕽ Jerusalem ᐁᑮᐃᔑ​ᑮᐌᓂᒡ᙮ 14ᐃᐃᒫ ᑕᔥ ᐯᕒᑲ ᑮᐅᒋ​ᒫᒑᐗᒃ ᐁᑮᐃᔖᐙᒡ ᐁᑎᔮᒃ Antioch ᐆᑌᓈᕽ ᐱᓯᑎᔭ Pisidia ᐊᑮᕽ᙮ ᑮᐊᓉᐲᐎ​ᑮᔑᑲᓂᓂ ᑕᔥ ᑮᐲᑎᑫᐙᒡ ᐊᓇᒥᐁᐎᑲᒥᑯᕽ, ᒦᔥ ᑳᐃᔑ​ᐅᓇᐱᐙᒡ᙮ 15ᑳᐃᔥᒀ​ᐊᓇᒥᒋᑳᑌᓂᒃ ᑕᔥ ᐅᑐᓇᔓᐌᐎᓐ ᒨᓯᔅ Moses, ᐃᐃ ᑲᔦ ᑳᑮᐃᔑᐲᐃᑫᓂᒡ ᑳᑮᑲᓅᑕᒪᐙᓂᒡ ᑭᔐᒪᓂᑑᓐ, ᒦᔥ ᑳᑮᓃᑳᓂᔥᑲᒥᓂᒡ ᐊᓇᒥᐋᐎᓐ ᐅᑮ​ᐲᒋᓂᔕᐙᓂ ᐊᐎᔭᓐ ᐅᐅ ᐁᑮ​ᐱᐃᑯᐙᒡ ᑆᓬ, ᐹᕒᓇᐸᔅ: ᓃᒋ​ᐅᑌᐺᑕᒧᓈᓂᒃ, ᑮᔥᐱᓐ ᐁᔮᐌᑴᓐ ᐃᑭᑐᐎᓐ ᑫᐅᒋ​ᒪᔥᑲᐌᑕᒧᐙᒡ ᐅᑯ ᐊᐎᔭᒃ, ᐱᓵᓐ ᐃᑯ ᑲᑭᑐᒃ, ᑮᐱᐃᓈᐗᒃ᙮ 16ᑆᓬ ᑮᐸᓯᑸ, ᐁᑮᐊᔨᔑᓂᑫᓂᒡ ᒋᐱᓯᑕᐎᓐᒡ, ᒦᔥ ᑳᐃᑭᑐᒡ: ᑮᓇᐙ ᐃᔅᕒᐃᔭᓬ Israel ᑳᑎᓄᐎᔦᒃ, ᑫᑮᓇᐙ ᑲᔦ ᑳᒎᐎᐎᓯᐌᒃ ᐁᓇᒥᐁᑕᐌᒃ ᑭᔐᒪᓂᑑ, ᐱᓯᑕᐎᔑᒃ! 17ᑭᔐᒪᓂᑑ ᑕᔥ ᐌᑭᔐᒪᓂᑑᒥᑯᒡ ᐯᒫᑎᓯᓂᒡ ᐃᔅᕒᐃᔭᓬᐊᐞ ᐅᑮᐅᓈᐸᒫᐞ ᑭᑫᑌᔭᐋᒥᓈᐸᓃᐞ, ᐅᑮᐃᔑᐋᐞ ᑲᔦ ᒋᒪᔥᑲᐌᑖᑯᓯᓂᒡ ᒣᒀ ᐄᒋᐸᑮᕽ Egypt ᑮᑕᔑ​ᐲᐎᑌᐌᑖᑯᓯᓂᒡ᙮ ᐅᑭᒋ​ᒪᔥᑲᐎᓰᐎᓂᕽ ᐃᑕᔥ ᐅᑮᐅᒋ​ᓵᑭᒋᐎᓈᐞ ᐌᑎ ᐊᑮᕽ᙮ 18ᓃᒥᑕᓇ 40 ᑕᔥ ᑕᓱᐱᐴᓐ ᐅᑮ​ᔕᔒᐯᓂᒫᐞ ᑳᑮᐃᔑᒋᑫᓂᒡ ᒣᒀ ᐱᑾᑕᑲᒥᒃ ᑮᐊᔮᓂᒡ᙮ 19ᒦᔥ ᑳᑮᓂᔑᐗᓈᒋᐋᒡ ᑳᑮᓃᔣᓶᐙᓇᑭᓯᓂᒡ 7 ᐯᒫᑎᓯᓂᒡ ᑫᓇᓐ Canaan ᐊᑮᕽ ᑳᑮᐊᔮᓂᒡ᙮ ᒣᔥᑾᒡ ᐃᑕᔥ ᐁᑮᒦᓈᒡ ᐅᐱᒫᑎᓰᒪᐞ ᐃᔅᕒᐃᔭᓬᐊᐞ ᒋᑎᐱᓇᐌᐎᓯᓂᒡ ᐃᐃ ᐊᑮᓂ᙮ 20ᓃᐙᒃ ᓈᓂᒥᑕᓇ 450 ᑕᓱᐱᐴᓐ ᑕᔥ ᑮᐱᒥᓭ ᐅᐅ ᒋᐃᔑᓭᒃ᙮ ᒦᔥ ᑳᑮᒦᓈᒡ ᑫᐅᓈᑯᓂᑯᓂᒡ ᐲᓂᔥ ᑮᓂᐊᔮᓂᒡ ᓵᒥᔫᓐ Samuel ᑭᔐᒪᓂᑑᓐ ᑳᑮᑲᓅᑕᒪᐙᓂᒡ᙮ 21ᐯᒫᑎᓯᓂᒡ ᑕᔥ ᐅᑮ​ᑲᑴᒋᒥᑰᐞ ᒋᒦᓈᒡ ᑭᒋᐅᑭᒫᓐ᙮ ᔂᓬᐊᓐ Saul ᑕᔥ ᑮᒦᑭᐌ ᒋᑭᒋᐅᑭᒫᐎᓂᒡ ᑳᑮᐅᑌᑌᓂᒡ ᑭᔕᓐ Kish ᐯᒋᒪᓂᕽ Benjamin ᑳᑮᐅᑕᑳᓀᓯᓂᒡ᙮ ᓃᒥᑕᓇ 40 ᑕᓱᐱᐴᓐ ᑕᔥ ᑮᑭᒋᐅᑭᒫᐎᐗᓐ᙮ 22ᐊᐲ ᑕᔥ ᑳᐃᔑᒋᑫᒡ ᐊᐗᔑᒣ ᒋᑭᒋᐅᑭᒫᐎᓯᓂᒃ, ᑌᐱᑑᓐ ᑕᔥ ᐅᑮ​ᑭᒋᐅᑭᒫᐎᐋᓐ᙮ ᒦᐗᓐ ᑕᔥ ᐃᓂ ᑳᑮᑕᔑᒫᒡ ᐅᐅ ᑮᐃᑭᑐᑯᐸᓀᓐ: ᓂᑮᒥᑲᐙ ᓴ ᑌᐱᑦ David ᐌᑯᓯᓯᒥᑯᒡ ᒉᓰᓐ Jesse, ᒣᓉᑕᒥᐃᔑᒡ, ᒦ ᓴ ᐊᐌ ᑫᑑᑕᕽ ᑲᑭᓇ ᐁᓀᑕᒧᐗᒃ᙮ 23ᒦᑕᔥ ᐃᐃᒫ ᑌᐱᑎᕽ ᑳᑮᐅᑕᑳᓀᓯᒡ ᒋᓴᔅ, ᑭᔐᒪᓂᑑᓐ ᑳᑮᐊᔓᑕᒫᑫᓂᒡ ᒋᐱᒫᒋᐋᓂᒡ ᐯᒫᑎᓯᓂᒡ ᐃᔅᕒᐃᔭᓬᐊᐞ᙮ 24ᒋᑆ ᑕᑯᔑᓂᓂᒡ ᑕᔥ ᒋᓴᓲᓐ, ᒞᓐ ᐐᓐ ᓃᑳᓐ ᐅᑮ​ᑲᑮᑭᒫᐞ ᐯᒫᑎᓯᓂᒡ ᐃᔅᕒᐃᔭᓬᐊᐞ ᒋᑴᑭ​ᐱᒫᑎᓯᓂᒡ, ᒋᓰᑲᐊᑖᓱᓂᒡ ᐃᑕᔥ ᑲᔦ᙮ 25ᒞᓐ ᑕᔥ ᐁᐊᓂ​ᑮᔑᑑᒡ ᐅᑕᓄᑮᐎᓐ ᐅᑮᐃᓈᐞ ᑳᑮᐱ​ᓈᓯᑳᑯᒡ: ᐊᐌᓀᓐ ᑮᓇᐙ ᐁᓀᓂᒥᔑᔦᒃ? ᑳᐐᓐ ᓃᓐ ᓂᑖᐎᓰ ᑳᐲᐁᒃ! ᑮᐃᔥᒀᐊᔮᔮᓐ ᓴ ᑯᑕᒃ ᑕᐱᐊᔮ᙮ ᑳᐐᓐ ᑕᔥ ᓂᑌᐊᐲᑌᑖᑯᓯᐙᓰᓐ ᐅᒪᑭᓯᓇᓐ ᒋᔮᐸᐊᒧᐗᑭᐸᓐ, ᒞᓐ ᑮᐃᑭᑐᑯᐸᓐ᙮ 26ᓃᒋ​ᐅᒌᒫᑲᓇᒃ, ᐁᐸᕒᐊᐋᒥᕽ Abraham ᐌᑕᑳᓀᓯᔦᒃ, ᑫᑮᓇᐙ ᑕᔥ ᑳᒎᐎᐎᓯᐌᒃ ᑳᑯᑖᓀᓂᒣᒃ ᑭᔐᒪᓂᑑ, ᑮᓇᐎᓐᑦ ᐅᔕ ᑳᑮᐱ​ᐃᔑᓂᔕᐊᒫᑯᔭᕽ ᐅᐅ ᑭᔐᒪᓂᑑ ᐅᑎᐹᒋᒧᐎᓐ ᑫᔑ​ᐱᒫᒋᐃᑰᔭᕽ᙮ 27ᐃᓇᔥᑫ ᐃᑭ ᒉᕒᐆᓴᓬᐊᒥᕽ Jerusalem ᑳᑖᐙᒡ, ᐃᑭ ᑕᔥ ᑳᐅᑭᒫᑲᑖᑫᐙᒡ ᑳᐐᓐ ᐅᑮᓂᓯᑕᐎᓇᐙᓯᐙᐙᓐ ᒋᓴᓲᓐ᙮ ᑳᐐᓐ ᑲᔦ ᐅᑮ​ᓂᓯᑐᑕᓰᓈᐙ ᑳᑮᐃᔑᐲᐃᑫᓂᒡ ᑭᔐᒪᓂᑑᓐ ᑫᓅᑕᒪᐙᓂᒡ ᐋᓇᐐᓐ ᐁᑕᓱ​ᐊᓉᐲᐎ​ᑮᔑᒃ ᐁᑮᐊᓇᒥᑕᒪᐎᑣ᙮ ᒦᑕᔥ ᐅᐅ ᒪᔮ ᑳᑮᐃᔑᓭᓂᒃ ᑳᑮᐱ​ᐃᑭᑐᓂᒡ ᐊᐲ ᑮᐃᓈᐙᒡ ᒋᓴᓲᓐ ᒋᓂᓯᒥᓐᒡ᙮ 28ᐁᑮᒥᑲᓯᒀ ᑕᔥ ᐐᓇᐙ ᑫᑰᓂᓂ ᑫᐅᒋ​ᓂᓵᐙᒡ, ᐹᐃᓬᐊᑑᓐ Pilate ᓴ ᐅᑮ​ᑲᑴᒋᒫᐙᓐ ᒋᐃᓈᑯᓈᓂᒡ ᒋᓂᓯᒥᓐᒡ ᒋᓴᓲᓐ᙮ 29ᑳᐃᔥᒀ​ᐃᔑᒋᑫᓂᒡ ᑕᔥ ᑲᑭᓇ ᐁᔑᐲᐃᑳᑌᓂᒃ ᐃᓂ ᐅᒋ, ᐊᔑᑌᔮᑎᑯᕽ ᑕᔥ ᐅᑮᐅᒋ​ᐱᓇᐙᐙᓐ, ᒦᔥ ᑳᐃᔑ​ᓇᐃᓈᐙᒡ ᓇᐃᓂᑏᐎᑲᒥᑯᕽ᙮ 30ᑭᔐᒪᓂᑑᓐ ᑕᔥ ᐅᑮᑮᐌ​ᐱᒫᑎᓰᐃᑰᓐ᙮ 31ᓃᐱᐗᐞ ᐃᑕᔥ ᑕᓱᑮᔑᒃ ᐅᑮᓈᑯᓰᑕᐙᐞ ᐃᐃ ᑳᑮᐐᒌᐎᑯᓂᒡ ᐃᐃᒫ ᑳᓬᐊᓬᐄᐗᑮᕽ Galilee ᐲᓂᔥ ᐌᑎ ᒉᕒᐆᓴᓬᐊᒥᕽ᙮ ᒦᐗᐞ ᐃᑕᔥ ᐃᐃ ᓅᑯᒻ ᑳᑮᔑᑲᓂᓂᒃ ᑳᑎᐹᒋᒥᑯᒡ, ᐁᐐᑕᒪᐙᓂᒡ ᐃᔅᕒᐃᔭᓬᐊᐞ᙮ 32ᓅᑯᒻ ᑕᔥ ᑭᐐᑕᒫᑰᒻ ᐃᐃ ᒥᓍᒋᒧᐎᓐ: ᐋᓃᓐ ᑭᔐᒪᓂᑑᓐ ᑳᑮᐃᔑ​ᐊᔓᑕᒪᐙᑯᐸᓀᓐ ᐃᐃ ᑭᑫᑌᔭᐋᒥᓈᐸᓃᐞ, 33ᑮᓇᐎᓐᑦ ᐁᑮᐅᑎᓵᐸᑕᒧᐗᑭᒡ ᐁᑮᑮᐌ​ᐱᒫᑎᓯᐋᒡ ᒋᓴᓲᓐ᙮ ᒦ ᐃ ᐄᑐᒃ ᐅᐅ ᓇᑫ ᐁᔑ​ᑕᔑᓱᓂᒡ ᐃᐃᒫ ᓂᑲᒧᓂᕽ: ᑮᓐ ᓂᑯᓯᔅ᙮ ᓅᑯᒻ ᑳᑮᔑᑲᒃ ᑭᑑᑯᓯᓯᒥᓐ᙮ 34ᐊᐲ ᑕᔥ ᑭᔐᒪᓂᑑᓐ ᑮᑮᐌ​ᐱᒫᑎᓰᐃᑯᒡ ᓂᐳᐎᓂᕽ ᐅᒋ ᑳᐐᓐ ᒦᓇᐙ ᐐᑳ ᑕᐙᓈᑎᓯᓰ ᓇᐃᓂᑏᐎᑲᒥᑯᕽ, ᒦ ᐅᐌ ᑳᑮᐃᑕᒥᓂᒡ ᐅᐅ ᑮᐃᑭᑐᓂᑯᐸᓀᓐ: ᑌᐺ ᓴ ᑭᑲᒦᓂᑰᐎᓯᒻ ᑫᑌᑖᑾᒃ, ᑳᑫᒋᓈᐌᑖᑾᒃ ᑲᔦ ᑳᑮᐃᔑ​ᐊᔓᑕᒪᐗᑭᐸᓐ ᑌᐱᑦ᙮ 35ᒦᓇᐙ ᑕᔥ ᐸᑳᓐ ᓂᑲᒧᓂᕽ ᐃᔑᐲᐃᑳᑌ: ᑳᐐᓐ ᑭᑲᐸᑭᑎᓈᓰ ᑳᑎᐯᓂᒪᒡ ᑭᑕᓄᑮᐋᑲᓐ ᒋᓂᔑᐗᓈᑕᓂᓂᒃ ᐅᐐᔭᐤ ᐃᐃᒫ ᓂᐳᐎᓂᕽ᙮ 36ᐃᓇᔥᑫ ᐐᓐ ᑌᐱᑦ David ᑳᐃᔥᒀ​ᐃᔑᒋᑫᒡ ᑳᑮᐃᓀᓂᒥᑯᒡ ᑭᔐᒪᓂᑑᓐ ᒋᑑᑕᕽ, ᒦ ᐃ ᑳᑮᐃᔥᒀ​ᐱᒫᑎᓯᒡ᙮ ᑮᐃᔑ​ᓇᐃᓂᑳᑌᓂ ᑕᔥ ᐅᐐᔭᐤ ᑳᑮᐃᔑ​ᓇᐃᓂᒥᓐᒡ ᐅᑫᑌᔭᐋᒪᐞ, ᒦᔥ ᑳᑮᐗᓈᑕᓂᓂᒃ ᐅᐐᔭᐤ ᓇᐃᓂᑏᐎᑲᒥᑯᕽ᙮ 37ᐊᐊᐌ ᑕᔥ ᑳᑮᑮᐌ​ᐱᒫᑎᓰᐃᑯᒡ ᑭᔐᒪᓂᑑᓐ ᑳᐐᓐ ᒦᓇᐙ ᐐᑳ ᑕᓂᐳᓰ ᒋᑮᐗᓈᑕᓂᓂᑭᐸᓐ ᐅᐐᔭᐤ᙮ 38ᑭᓇᑕᐌᓂᒥᓂᓂᒻ ᑕᔥ ᑮᓇᐙ ᓂᑎᓇᐌᒫᑲᓇᒃ ᒋᑭᑫᑕᒣᒃ, ᒦ ᐊᐌ ᒋᓴᔅ ᑳᐐᑕᒫᑰᔦᒃ, ᐐᓐ ᐅᒋ ᐁᐅᒋ​ᐴᓀᒋᑳᑌᑭᓐ ᒪᒋᑑᑕᒧᐎᓇᓐ᙮ 39ᐃᓇᔥᑫ ᐊᐎᔭ ᑮᑲᓇᐌᑕᕽ ᒨᓯᓲᓐ Moses ᐅᑑᓇᔓᐌᐎᓂᓂ, ᑳᐐᓐ ᐃᐃᒫ ᑕᐅᒋ​ᐸᑭᑎᓂᑳᓱᓰ᙮ ᒦ ᐁᑕ ᑯ ᐊᐎᔭ ᑌᐺᔦᓂᒫᒡ ᒋᓴᓲᓐ ᑫᐃᓇᑭᒥᓐᒡ ᐁᒥᓄ​ᐐᒌᐙᒡ ᑭᔐᒪᓂᑑᓐ᙮ 40ᐊᔦᒀᒥᓯᒃ ᑕᔥ ᑮᓇᐙ ᒋᐃᔑᐌᐱᓯᓯᐌᒃ ᐅᐅ ᑳᑮᐃᑭᑐᐙᑯᐸᓀᓐ ᐃᑭ ᑭᔐᒪᓂᑑᓐ ᑫᓅᑕᒪᐙᐙᒡ: 41ᐱᓯᑕᒧᒃ, ᑮᓇᐙ ᑳᓂᑖ​ᒫᓀᒋᑫᔦᒃ, ᐌᐙᓀᑕᒣᒃ, ᑲᔦ ᑕᔥ ᑳᓂᐳᔦᒃ! ᑫᑰᓐ ᓴ ᓂᐐᐃᔑᒋᑫ ᓅᑯᒻ ᑳᑮᔑᑲᒃ ᒣᒀ ᐁᐱᒫᑎᓯᔦᒃ ᑫᑌᐺᑕᓯᐌᒃ, ᒥᓴᐙ ᑯ ᐊᐎᔭ ᐋᓇ ᐙᐐᑕᒪᐎᓀᒃ, ᑆᓬ ᑮᐃᑭᑐ᙮ 42ᑆᓬ ᑕᔥ, ᐊᐊ ᑲᔦ ᐹᕒᓇᐸᔅ ᐁᐊᓂ​ᓵᑲᐊᒧᐙᒡ ᐃᐃᒫ ᐊᓇᒥᐁᐎᑲᒥᑯᕽ, ᐯᒫᑎᓯᓂᒡ ᒦᓇᐙ ᐅᑮᐊᑐᒥᑯᐙᐞ ᐊᓉᐲᐎ​ᑮᔑᑲᓂᕽ ᒋᐱᑕᔑᑕᒧᐙᒡ ᐃᓂ ᐋᔕ ᑳᑮᐐᑕᒫᑫᐙᒡ᙮ 43ᐊᐲ ᑕᔥ ᐁᓵᑲᐊᒥᓂᒡ ᑳᑮᐃᔑ​ᐲᑎᑫᕽ, ᓃᐱᐗᐞ ᒎᐗᐞ, ᐃᐃ ᑲᔦ ᑳᑮᒎᐎᐎᓯᓂᒃ ᑳᑮᐅᑖᐱᓇᒥᓂᒡ ᒎᐎᐊᓇᒥᐋᐎᓐ, ᐅᑮ​ᐱᒥᓂᔕᐅᑯᐙᐞ ᐊᐊ ᑆᓬ, ᐊᐊ ᑲᔦ ᐹᕒᓇᐸᔅ᙮ ᒦᑕᔥ ᑳᑮᐐᑕᒪᐙᐙᒡ ᐐᑲ ᒋᐴᓂᐊᐯᒧᑕᓯᓂᒃ ᐁᔑ​ᑭᔐᐙᑎᓯᓂᒡ ᑭᔐᒪᓂᑑᓐ᙮ 44ᒦᓇᐙ ᑕᔥ ᐁᐊᓉᐲᐎ​ᑮᔑᑲᓂᓂᒃ, ᑫᑳ ᑲᑭᓇ ᐆᑌᓈᕽ ᐁᔮᓂᒡ ᑮᐲᔖᐗᐞ ᐁᐐᓅᑕᒥᓂᒡ ᑳᑎᐯᒋᑫᓂᒡ ᐅᑎᑭᑐᐎᓂᓂ᙮ 45ᐊᐲ ᑕᔥ ᒎᐗᒃ ᐁᐙᐸᑫᐙᒡ ᐁᐹᑏᓄᓈᓂᐗᓂᓂᒃ, ᐐᑫ ᑮᒧᔥᑭᓀᐎ​ᐅᑌᑕᒨᒃ᙮ ᐅᑮᐋᓉᑕᐙᐙᓐ ᑲᔦ ᑆᓬᐊᓐ ᑳᑮᐃᑭᑐᓂᒡ, ᓅᒋᑯ ᑲᔦ ᐁᑮᐊᔨᓈᐙᒡ᙮ 46ᒦᔥ ᑆᓬ, ᐊᐊ ᑲᔦ ᐹᕒᓇᐸᔅ ᑳᑮᓲᑭᑌᐁ​ᓇᑴᑕᒧᐙᒡ ᐁᑮᐃᑭᑐᐙᒡ: ᑮᓇᐙ ᐄᑐᒃ ᓂᑕᒻ ᑳᒎᐎᐎᔦᒃ ᑮᐃᔑᓈᑾᓅᐸᓐ ᒋᑮᐐᑕᒫᑰᔦᑭᐸᓐ ᑭᔐᒪᓂᑑ ᐅᑎᐹᒋᒧᐎᓐ᙮ ᐁᐋᓇᐌᑕᒧᐌᒃ ᑕᔥ, ᐁᑌᐊᐲᑌᓂᑎᓱᓯᐌᒃ ᑲᔦ ᒋᑮᐊᔮᔦᑭᐸᓐ ᐱᒫᑎᓯᐎᓐ ᐐᑳ ᑫᐴᓂᓭᓯᓄᒃ, ᒣᔥᑾᒡ ᑕᔥ ᓅᑯᒻ ᑳᒎᐎᐎᓯᒀ ᓂᑲ​ᓈᓯᑲᐙᓈᓂᒃ᙮ 47ᐋᓃᔥ ᒦ ᐅᐌᓂ ᑳᑎᐯᒋᑫᒡ ᑳᐃᓇᓅᔑᔭᒥᓐᒡ ᐅᐅ ᑮᐃᑭᑐᒡ: ᑭᑲᐃᔑᐃᓂᓂᒻ ᓴ ᒋᐙᓭᔥᑲᒪᐌᒀ ᑳᒎᐎᐎᓯᒀ, ᑲᑭᓇ ᐯᒫᑎᓯᐙᒡ ᑳᐊᔮᐙᒡ ᐅᐅᒫ ᒥᓯᐌ ᐊᑮᕽ ᒋᐅᒋ​ᐱᒫᒋᐃᑰᐎᓯᐙᒡ, ᐅᑮᐃᓈᐞ᙮ 48ᐊᐲ ᑕᔥ ᑳᒎᐎᐎᓯᒀ ᐁᓅᑕᒧᐙᒡ ᐅᐅ ᐐᑫ ᑮᑭᒋ​ᒌᑫᑕᒨᒃ, ᐅᑮᑭᒋ​ᐃᓀᑖᓈᐙ ᑲᔦ ᑭᔐᒪᓂᑑᓐ ᐅᑎᑭᑐᐎᓂᓂ᙮ ᑲᑭᓇ ᑕᔥ ᑳᑮᑮᔖᒋᐅᓇᑭᒥᑣ ᒋᐊᔮᐙᒡ ᐱᒫᑎᓯᐎᓐ ᑫᐴᓂᓭᓯᓂᓂᒃ ᑮᐊᓂ​ᑌᐺᑕᒨᒃ᙮ 49ᑳᑎᐯᒋᑫᒡ ᑕᔥ ᐅᑎᑭᑐᐎᓐ ᒥᓯᐌ ᑮᐊᓂ​ᒥᓯᑌᔥᑳᓂ ᐃᐃᒫ ᓇᑫᑲᒥᒃ᙮ 50ᒎᐗᒃ ᑕᔥ ᐅᑮᐅᒻᐺᐋᐙᐞ ᐃᑴᐗᐞ ᑳᑮᑭᑖᓀᓂᒫᓂᒡ ᑭᔐᒪᓂᑑᓐ, ᐃᐃ ᑲᔦ ᐃᓂᓂᐗᐞ ᑳᑮᓃᑳᓀᑖᑯᓯᓂᒡ ᐃᐃᒫ ᐆᑌᓈᕽ᙮ ᐅᑮᐅᒻᐺᐋᐙᐞ ᑲᔦ ᐊᐎᔭᐞ ᒋᒫᔑ​ᑑᑕᐙᓂᒡ ᑆᓬᐊᓐ Paul, ᐃᓂ ᑲᔦ ᐹᕒᓇᐸᓴᓐ Barnabas᙮ ᒦᑕᔥ ᑳᑮᓵᑭᒋ​ᐌᐱᓈᐙᒡ ᐃᐃᒫ ᐅᑕᑮᐙᕽ ᐅᒋ᙮ 51ᐃᔑᓂᔕᐙᑲᓇᒃ ᑕᔥ ᑮᐹᐹᐎᓯᑌᔑᒨᓄᐗᒃ ᒋᑭᑫᑕᒥᓂᒡ ᐁᑮᒪᒋᑑᑕᒥᓂᒡ᙮ ᑮᐊᓂ​ᐃᔖᐗᒃ ᑕᔥ ᐌᑎ ᐋᐃᑰᓂᔭᒻ Iconium ᐆᑌᓈᕽ᙮ 52ᐅᑌᐺᑕᒨᒃ ᑕᔥ ᐃᐃᒫ ᐁᑎᔮᒃ Antioch ᐁᔮᐙᒡ ᐐᑫ ᐅᑮᒨᔥᑭᓀᔥᑳᑯᓈᐙ ᒌᑫᑕᒧᐎᓐ, ᐅᑮᒨᔥᑭᓀᔥᑳᑯᐙᓐ ᑲᔦ ᑭᔐᒪᓂᑑᓐ ᐅᑕᒑᑯᓂ᙮

will be added

X\