Ishihcikewinan Ishihcikewinan 12

1ᒦᑕᔥ ᐅᐅ ᐊᐲ ᐁᕒᐊᑦ Herod ᑭᒋᐅᑭᒫ ᑳᑮᒫᒌ​ᑲᒀᑕᑭᐋᒡ ᐋᓂᑕ ᐅᑌᐺᑕᒨᐞ᙮ 2ᑮᐊᓅᑮ ᑕᔥ ᐸᔑᐸᐃᑫᐎᑯᒫᓂᕽ ᒋᐅᒋ​ᓂᓯᒥᓐᒡ ᒌᒥᓴᓐ James ᑳᑮᐐᒋᑭᐌᒥᑯᓂᒡ ᒞᓇᓐ John᙮ 3ᐊᐲ ᑕᔥ ᐁᐙᐸᑕᕽ ᒎᐗᐞ ᐁᒥᓉᑕᒥᓂᒡ, ᑮᐊᓅᑮ ᐲᑕᕒᐆᓐ Peter ᒋᐅᑖᐱᓂᒥᓐᒡ᙮ ᒦ ᐃ ᐊᐲ ᑮᒪᔮᓭᒃ ᐁᐐᑾᑏᐗᑲᒥᑭᓯᓂᒡ ᒎᐗᐞ ᐁᐊᒸᓂᒡ ᐸᑴᔑᑲᓇᓐ ᑳᐅᐱᓯᑲᓂᐎᓯᓂᒃ᙮ 4ᐊᐲ ᑕᔥ ᑳᑳᒋᑎᓈᒡ ᐅᑮ​ᑭᐸᐙᓐ᙮ ᐅᑮᐃᔑ​ᐸᑭᑎᓈᓐ ᑕᔥ ᒋᔑ​ᑲᓇᐌᒋᑲᓂᐎᓂᒡ ᓃᐗᔦᒃ ᐁᔑ​ᓀᓃᐎᓂᒡ ᔑᒫᑲᓂᔕᐞ᙮ ᐁᕒᐊᑦ ᑮᐃᓀᑕᒻ ᒧᔐ ᒋᑎᐹᑯᓂᒥᓐᒡ ᑲᑭᓇ ᐊᐎᔭᐞ ᒋᐙᐸᒥᑯᓂᒡ ᐃᔥᒀ ᐱᒫᒋᐃᑰᐎ​ᐐᑾᑎᐎᓐᒡ᙮ 5ᐲᑕᕒ ᑕᔥ ᑮᑲᓇᐌᓂᒫ ᑭᐸᐅᑏᐎᑲᒥᑯᕽ᙮ ᐅᑌᐺᑕᒨᐞ ᑕᔥ ᐌᐌᓂ ᑮᑭᒋ​ᐊᓇᒥᐋᐗᐞ ᐁᑮ​ᑲᑴᒋᒫᓂᒡ ᑭᔐᒪᓂᑑᓐ ᒋᐸᑭᑎᓂᑳᓱᒡ᙮ 6ᐁᑎᐱᑲᓂᓂᒃ ᑕᔥ, ᒦ ᐃ ᐙᐸᓂᓂᒃ ᐁᕒᐊᑕᓐ Herod ᒋᑎᐹᑯᓂᑯᒡ, ᐲᑕᕒ Peter ᑮᓂᐹ ᓇᓴᐗᔭᐄ ᓃᔑᓐ ᔑᒫᑲᓂᔕᐞ᙮ ᓃᔑᓐ ᑕᔥ ᐲᐙᐱᑴᔮᐲᓐ ᑮᐋᐸᑕᓂᓂᐗᓐ ᐁᒪᒫᒋᑾᐱᓱᒡ᙮ ᑲᓇᐌᒋᑫᐎᔑᒫᑲᓂᔕᐞ ᑲᔦ ᑮᐊᔮᐗᐞ ᐁᔑ​ᐃᔥᒀᑌᒥᐗᓂᓂᒃ ᑭᐸᐅᑏᐎᑲᒥᒃ᙮ 7ᑴᑕᑐ ᑕᔥ ᐅᑮᓈᑯᓰᑖᑰᓐ ᐅᑌᒐᓬᐃᒥᓂ ᑳᑎᐯᒋᑫᓂᒡ, ᑭᐸᐅᑏᐎᑲᒥᒃ ᑕᔥ ᑮᐙᓭᔮᓂ᙮ ᐅᑮ​ᑑᑭᐌᐱᓂᑰᓐ ᑕᔥ ᐅᐱᒣᓇᐤ ᐁᑮᐊᒪᒋᐌᐱᓂᑯᒡ ᐁᐃᑯᒡ: ᐌᔩᑉ ᐗᓂᔥᑳᓐ᙮ ᐲᐙᐱᑴᔮᐲᓐ ᐃᑕᔥ ᐅᓂᑭᕽ ᑮᐅᒋ​ᐸᑭᓯᓂᓂᐗᓐ᙮ 8ᒦᔥ ᐁᒐᓬᐊᓐ ᑳᐊᓂᐃᑯᒡ: ᑭᑭᒋᒌᐱᓂᑎᓱᓐ, ᐱᑕᑭᓯᓀᓐ ᐃᑕᔥ ᑲᔦ᙮ ᐱᓯᑲᓐ ᑭᑲᔥᑮᑮᐎᓐ, ᐱᒥᓂᔕᐅᔑᓐ ᐃᑕᔥ, ᐅᑮᐃᑰᓐ᙮ ᒦᑕᔥ ᐃᑯ ᐲᑕᕒ ᑳᐃᔑᒋᑫᒡ᙮ 9ᐲᑕᕒ ᑕᔥ ᐅᑮ​ᓵᑭᒋᐐᒌᐙᓐ ᐁᑮ​ᐱᒥᓂᔕᐙᒡ᙮ ᑳᐐᓐ ᑌᐺ ᐅᑮ​ᑭᑫᑕᓰᓐ ᐃᐃ ᐁᑮᐃᔑᓭᓂᒃ᙮ ᓂᒥᒋ​ᐃᔑᓇᒻ ᑮᐃᓀᑕᒻ᙮ 10ᐅᑮᐊᓂ​ᒪᔮᔥᑳᓈᐙ ᑕᔥ ᐃᐃ ᓂᑕᒻ ᐁᔑ​ᐊᔮᓂᒡ ᐅᑲᓇᐌᒋᑫᐞ, ᐃᐃ ᑕᔥ ᑲᔦ ᑯᑕᒃ ᐁᔑ​ᐊᔮᓂᒡ ᐅᑲᓇᐌᒋᑫᐞ, ᐲᓂᔥ ᐌᑎ ᐁᔑ​ᐊᔮᓂᒃ ᐲᐙᐱᑯ​ᐃᔥᒀᑌᒻ ᐌᒋ​ᓵᑭᒋᐊᔮᓂᒃ ᐃᓇᑫ ᑮᐃᔖᕽ ᐆᑌᓈᕽ᙮ ᐁᔥᒀᑦ ᑕᔥ ᐃᑯ ᑮᐹᑭᓭᓂ, ᒦᔥ ᑳᐃᔑ​ᔖᐳᔥᑳᐙᒡ᙮ ᐁᐊᓂ​ᐱᒧᓭᐙᒡ ᐃᑕᔥ ᒦᑲᓈᓂ, ᑴᑕᑐ ᐅᑮᓇᑲᓂᑰᓐ ᐃᓂ ᐁᒐᓬᐊᓐ᙮ 11ᒦᔥ ᐲᑕᕒ ᑳᑮᐙᐹᑲᒣᑕᕽ ᐅᐅ ᐁᑮᐃᑭᑐᒡ: ᒦᑕᔥ ᑌᐺ ᐁᑭᑫᑕᒫᓐ ᑳᑎᐯᒋᑫᒡ ᐁᑮ​ᐲᒋᓂᔕᐙᒡ ᐅᑌᒐᓬᐃᒪᓐ ᒋᓈᑕᒪᐎᒥᒡ ᐅᑲᔥᑭᐁᐎᓯᐎᓂᓃᕽ ᐁᕒᐊᑕᓐ Herod ᐅᒋ, ᐃᐃ ᑲᔦ ᑲᑭᓇ ᒎᐗᐞ ᐁᔑ​ᐸᑯᓭᑕᒥᓂᒡ᙮ 12ᐊᐲ ᑕᔥ ᑳᓂᓯᑕᐌᑕᕽ ᑮᐃᔖ ᐅᐙᑳᐃᑲᓂᓃᕽ ᒣᕒᐄᓐ Mary, ᒞᓐ John ᐅᒫᒫᓐ, ᒫᕒᒃ Mark ᑳᑮᐃᓂᒥᓐᒡ᙮ ᒦᓴ ᐃᒫ ᓃᐱᐗᐞ ᐊᐎᔭᐞ ᑳᑕᔑ​ᒫᐗᒋᐃᑎᓂᒡ ᐁᐊᓇᒥᐋᓂᒡ᙮ 13ᐊᐲ ᑕᔥ ᐁᐅᑎᑕᕽ ᐊᑾᒌᕽ ᑳᔑ​ᐃᔥᒀᑌᒥᐗᓂᓂᒃ ᒣᓂᑲᓐ ᐅᑮ​ᐹᐹᐗᐋᓐ᙮ ᐅᔥᑭᓃᑭᑴᐗᓐ ᑕᔥ ᐅᕒᐆᑕ Rhoda ᐁᔑᓂᑳᓱᓂᒡ ᑮᐲᐊᑕ​ᑭᑫᒋᑫᐗᓐ ᐊᐌᓀᓇᓐ ᑳᐹᐹᐗᐃᑫᓂᒡ᙮ 14ᐊᐲ ᑕᔥ ᐅᕒᐆᑕ ᐁᓂᓯᑐᑕᐙᒡ ᐲᑕᕒᐊᓐ ᐁᔮᐎᓂᒡ, ᑳᐊᐲᒋ​ᒥᓉᑕᕽ ᑕᔥ, ᑳᐐᓐ ᐅᑮ​ᐹᑭᓇᒪᐙᓰᓐ᙮ ᑮᑮᐌ​ᐲᑎᑫᐸᑑ ᐁᑮ​ᑎᐹᒋᒧᒡ ᐲᑕᕒ ᐁᓃᐸᐎᓂᒡ ᐊᑾᒌᕽ᙮ 15ᐅᐅ ᑕᔥ ᐅᑮᐃᑰᐞ: ᐊᓂᔕ ᐄᑐᒃ ᐃᐃ ᑳᐃᑭᑐᔭᓐ, ᑭᑮᐗᔥᑴ ᒫᐐᓐ! ᐅᑮᐃᑰᐞ᙮ ᐋᒋᑯ ᑕᔥ ᐅᑮᑲᑴ​ᑌᐱᒫᐞ ᐁᑌᐺᒡ ᐃᐃ ᑳ​ᐃᑭᑐᒡ᙮ ᒦᑕᔥ ᐋᒋᑯ ᑳᐃᑯᒡ: ᐅᑌᒐᓬᐃᒪᓐ ᒫᐐᓐ ᐃᓂ, ᐅᑮᐃᑰᐞ᙮ 16ᐲᑕᕒ ᐋᒋᑯ ᑮᐹᐹᐗᐃᑫ᙮ ᐊᐲ ᑕᔥ ᑳᐹᑭᑌᓇᒪᐎᓐᒡ ᐁᐙᐸᒥᓐᒡ ᐃᑕᔥ ᐐᑫ ᑮᒫᒪᑳᑌᑕᒨᐞ᙮ 17ᑮᐃᔑᓂᑫᑖ ᑕᔥ ᒋᒪᓈ​ᓅᑖᑎᓂᒡ᙮ ᒦᑕᔥ ᑳᑮᐐᑕᒪᐙᒡ ᐋᓃᓐ ᑳᐃᔑ​ᓵᑭᓯᐃᑯᒡ ᑳᑎᐯᒋᑫᓂᒡ ᐃᐃᒫ ᑭᐸᐅᑏᐎᑲᒥᑯᕽ᙮ ᒦᔥ ᑳᐃᓈᒡ: ᐐᑕᒪᐎᒃ ᐅᐅ ᒌᒥᔅ ᐃᑭ ᑲᔦ ᑯᑕᒃ ᐅᑌᐺᑕᒨᒃ᙮ ᒦᑕᔥ ᑳᐊᓂ​ᐃᔑ​ᒫᒑᒡ ᐸᑳᓐ ᐃᑯᒋ ᐁᑮᐃᔖᒡ᙮ 18ᐁᐊᓂ​ᑭᔐᐹᐗᑲᓂᓂᒃ ᑕᔥ ᐁᑕᑕᐌ ᑮᐅᒑᓂᒪᑲᒥᑭᓯᐗᒃ ᔑᒫᑲᓂᔕᒃ᙮ ᑳᓇᑲ ᑎᐱ ᐊᔮᑴᓐ ᐲᑕᕒ ᐁᑮᐃᓀᑕᒧᐙᒡ᙮ 19ᐁᕒᐊᑦ ᑕᔥ ᐅᑮᓇᓈᑐᓀᐙᓐ, ᑳᐐᓐ ᑕᔥ ᐅᑮ​ᒥᑲᐙᓰᓐ᙮ ᐌᐌᓂ ᓴ ᐅᑮᐊᑕ​ᑭᑫᓂᒫᐞ ᑳᑮᑲᓇᐌᓂᒫᓂᒡ᙮ ᒦᑕᔥ ᑳᑮᐊᓅᑮᒡ ᒋᓂᓯᒥᓐᒡ᙮ ᐁᕒᐊᑦ ᑕᔥ ᒎᑏᔭᑮᕽ ᑮᐅᒋ​ᒫᒑ ᐌᑎ ᓭᓴᕒᐄᔭ Caesarea ᐁᑮᐊᐎ​ᐊᔭᔮᒡ ᐊᒋᓇ᙮ 20ᐁᕒᐊᑦ Herod ᑕᔥ ᑳᐐᓐ ᐅᑮᒥᓍᐸᒫᓰᐞ ᐯᒫᑎᓯᓂᒡ ᐁᔮᓂᒡ ᑕᔭᕒ Tyre ᐆᑌᓈᕽ, ᓵᐃᑕᓐ Sidon ᐆᑌᓈᕽ ᑲᔦ᙮ ᒦᔥ ᑳᑮᐱᐊᑕ​ᐙᐸᒥᑯᒡ᙮ ᐱᓇᒫ ᓴ ᐅᑮ​ᔖᑰᓱᒫᓂ ᐸᓬᐋᔅᑕᔅ Blastus ᐁᔑᓂᑳᓱᓂᒡ ᑳᑮᓈᑲᒋᑑᓂᒡ ᑭᒋᐅᑭᒫᐎᑲᒥᒃ ᒋᑲᓅᒋᑫᑕᒫᑯᓂᒡ᙮ ᒦᔥ ᐁᕒᐊᑦ ᑳᑮᐱᐊᑕ​ᐙᐸᒥᑯᒡ ᐁᑮ​ᑲᑴᒋᒥᑯᒡ ᐱᓵᓐ ᒋᐐᒌᐙᒡ ᐋᓃᔥ ᒦ ᐌᑎ ᑳᐅᑎᓇᒧᐙᒡ ᒦᒋᒻ ᐅᑕᑮᒥᓃᕽ᙮ 21ᐊᐲ ᑕᔥ ᐁᑮᔑᑲᓂᓂᒃ ᑳᑮᐅᓈᐸᑌᓂᒃ, ᐁᕒᐊᑦ ᐅᑮ​ᐱᓯᑳᓇᓐ ᐅᑭᒋᐅᑭᒫ​ᑭᑭᔥᑭᑲᓇᓐ ᐁᑮᐅᓇᐱᒡ ᐅᑭᒋᐅᑭᒫ​ᐗᐱᐎᓂᕽ᙮ ᒦᑕᔥ ᒧᔐ ᑳᑮᑲᓅᓈᒡ ᑳᑮᐱ​ᓈᓯᑳᑯᒡ᙮ 22ᐯᒫᑎᓯᓂᒡ ᐃᑕᔥ ᑮᔖᑯᐌᐗᐞ ᐁᑮᐃᑭᑐᓂᒡ: ᒪᓂᑑ ᓴ ᐊ ᑳᐃᓉᒡ, ᑳᐐᓐ ᐃᓂᓃᐎᓰ, ᑮᐃᑭᑐᐗᐞ᙮ 23ᔐᒪᒃ ᐃᑕᔥ ᐃᑯ ᑳᑎᐯᒋᑫᓂᒡ ᐅᑌᒐᓬᐃᒥᓂ ᐅᑮ​ᑑᑖᑰᓐ ᒋᐋᑯᓯᒡ, ᐋᓃᔥ ᑳᐐᓐ ᐅᑮᒦᑴᒋᐌᓂᒫᓰᓐ ᑭᔐᒪᓂᑑᓐ᙮ ᒪᓂᒎᔕᐞ ᑕᔥ ᐅᑮᐊᒧᑰᐞ, ᒦᔥ ᐲᓂᔥ ᑳᐃᔑ​ᓂᓯᑯᒡ᙮ 24ᑭᔐᒪᓂᑑ ᑕᔥ ᐅᑎᑭᑐᐎᓐ ᑮᐊᓂ​ᒥᓯᑌᔥᑳᓂ, ᓃᐱᐗᐞ ᐁᑮᐊᓂ​ᑌᐺᑕᒥᓂᒡ᙮ 25ᐹᕒᓇᐸᔅ Barnabas ᑕᔥ, ᐊᐊ ᑲᔦ ᔂᓬ Saul ᒉᕒᐆᓴᓬᐊᒥᕽ ᑮᐱᐅᒋ​ᑮᐌᐗᒃ ᐊᐲ ᑳᑮᔑᑑᐙᒡ ᐅᑕᓄᑮᐎᓂᐙ᙮ ᒞᓐ ᒫᕒᒃ John Mark ᑕᔥ ᑳᐃᓂᒥᓐᒡ ᐅᑮᒫᒌ​ᐐᒌᐙᐙᓐ᙮

will be added

X\