3 Cwaan 1

1ᓃᓐ ᒞᓐ John ᑳᓃᑳᓂᓯᔮᓐ ᑭᑑᔑᐲᐊᒪᐎᓐ᙮ ᑮᓐ ᑳᓵᑭᐐᒌᐎᓈᓐ ᑫᔭᔅ Gaius, ᑌᐺ ᑳᓵᑭᐊᒃ᙮ 2ᑳᓵᑭᐃᓈᓐ, ᓂᑎᔑᐸᑯᓭᓂᒻ ᒥᓯᐌ ᐱᑯ ᒋᐃᔑᒥᓄᓭᔭᓐ, ᒋᒥᓄᐊᔮᔭᓐ ᑲᔦ, ᑳᔑᑭᑫᓂᒥᓈᓐ ᐁᐃᔑᒥᓄᓭᔭᓐ ᑭᑕᒑᑯᐱᒫᑎᓯᐎᓂᕽ᙮ 3ᐋᐱᒋ ᓂᑮᒥᓉᑕᒻ ᐊᐲ ᐅᑕᓇᒥᐋᒃ ᑮᐱᑕᑯᔑᓄᐙᒡ ᐁᑮᑎᐹᒋᒥᒀ ᐁᑭᒋᐌᑕᒪᓐ ᑳᑌᐺᐌᑖᑾᒃ ᑎᐹᒋᒧᐎᓐ, ᐁᐃᔑᐱᒫᑎᓯᔭᓐ ᑲᔦ ᑳᐃᓇᑌᒃ ᑌᐺᐎᓐ᙮ 4ᒦᑕᔥ ᐃᐃ ᒫᐗᒡ ᑫᑰᓐ ᑳᒥᓉᑕᒧᐃᑯᔮᓐ ᑮᓅᑕᒫᓐ ᓂᓃᒑᓂᓴᒃ ᑮᐃᔑᐱᒫᑎᓯᐙᒡ ᑌᐺᐎᓂᕽ᙮ 5ᑮᓐ ᑳᓵᑭᐃᓈᓐ, ᐋᐱᒋ ᓴ ᑾᔭᒃ ᑭᑎᔑᒋᑫ ᐃᐃ ᑳᔑᓂᑖ ᐐᒋᐊᑣ ᐅᑕᓇᒥᐋᒃ, ᐃᑭᐌᓂᐗᒃ ᐃᑯ ᑲᔦ ᑳᐲᐎᑌᑲᑕᐎᒀ᙮ 6ᑮᐱᑎᐹᒋᒧᐗᒃ ᑕᔥ ᑲᔦ ᐅᐅᒫ ᑳᔑᒫᐗᒋᐃᑎᔮᕽ ᐅᑕᓇᒥᐋᒃ ᐁᑮᐐᑕᒫᑫᐙᒡ ᐋᓃᓐ ᐁᔑᓵᑭᐃᐌᔭᓐ᙮ ᑭᑲᒥᓄᒋᑫ ᐐᒋᐊᑣ ᒋᒫᒑᐙᒡ, ᑭᔐᒪᓂᑑ ᓇᑫ ᑳᔑᒥᓍᐸᑕᕽ᙮ 7ᒦᐄᑐᒃ ᑳᑮᐅᒋᒫᒑᐙᒡ ᐁᐸᐹᐊᓄᑮᑕᐙᐙᒡ Xᑕᓐ᙮ ᑳᐐᓐ ᓴ ᑫᑰᓂᓂ ᐅᑮᐅᑖᐱᓇᒪᐙᓯᐙᐙᐞ ᑳᐊᓇᒥᐁᐙᑎᓯᓯᓂᒃ ᑫᑮᐃᔑᐐᒋᐃᑯᐙᐸᓐ᙮ 8ᒦᑕᔥ ᐁᔑᓈᑾᒃ ᑮᓇᐎᓐᑦ ᒋᐐᒋᐊᒀᐸᓐ ᐃᑭ ᑎᓄ ᐃᓂᓂᐗᒃ ᒦᑕᔥ ᐃᐃ ᐁᐐᑕᓄᑮᒪᑭᑣ ᐃᐃ ᑳᐸᐹᑕᔑᑕᒧᐙᒡ ᑌᐺᐎᓐ᙮ 9ᓂᑮᐅᔑᐲᐊᒪᐙᒃ ᑕᔥ ᐃᑭ ᐅᑕᓇᒥᐋᒃ ᑳᔑᐅᑸᓄᐙᒡ᙮ ᐊᐊ ᑕᔥ ᑕᔮᒐᕒᐊᐲᔅ Diotrephes ᑳᓂᑖ ᑲᑴ ᓂᑕᒣᑖᑯᓯᒡ ᑳᐐᓐ ᐅᒋᑕ ᓂᐸᐹᐱᓯᔅᑭᑖᑯᓰᓈᓐ᙮ 10ᑮᔥᐱᓐ ᑕᔥ ᐱᑕᑯᔑᓈᓐ, ᓂᐐᑕᔑᑕᒧᐙᓐ ᐋᓃᓐ ᐁᔑᒋᑫᒡ, ᐅᒋᑕᑯ ᐁᓂᑖ ᐊᓈᒥᒥᔭᒥᓐᒡ᙮ ᑳᐐᓐ ᑕᔥ ᑌᐺᓰ ᐃ ᑳᐃᑭᑐᒡ᙮ ᑌᒥᓂᒃ ᐃᑕᔥ ᐁᐃᓀᑕᓯᒃ ᐃᐃ ᑳᐃᔑᒋᑫᒡ, ᑳᐐᓐ ᑲᔦ ᐅᑖᐎᓂᕽ ᐅᐲᑎᑲᓈᓰᐞ ᐅᑕᓇᒥᐋᐞ ᑳᐱᒥᐊᔮᓂᒡ᙮ ᐅᑭᐱᑎᓈᐞ ᑲᔦ ᐃᐃ ᑳ ᐊᑕᐌᑕᒥᓂᒡ ᐃᐃ ᐁᐐᐃᔑᒋᑫᓂᒡ᙮ ᒦᑕᔥ ᐁᔑᓵᑭᒋᐌᐱᓈᒡ ᐃᐃᒫ ᑳᔑᒫᐗᒋᐃᑎᓂᒡ ᐅᑕᓇᒥᐋᐞ᙮ 11ᑳᓵᑭᐐᒌᐎᓈᓐ, ᑫᑯ ᑲᑴᓈᐱᑑᑕᑫᓐ ᑳᒪᒋᓈᑾᒃ᙮ ᐃᐃ ᑑᑕᓐ ᑳᐅᓂᔑᔑᒃ᙮ ᐊᐎᔭ ᓴ ᑳᑑᑕᕽ ᑳᐅᓂᔑᔑᓂᓂᒃ, ᑭᔐᒪᓂᑑᕽ ᐅᒋᑎᐯᑖᑯᓯ᙮ ᐊᐊ ᑕᔥ ᐐᓐ ᑳᑑᑕᕽ ᑳᒪᒋᓈᑾᓂᓂᒃ, ᑳᐐᓐ ᐄᓴᓐ ᐅᑑᒋᐙᐸᒫᓰᓐ ᑭᔐᒪᓂᑑᓐ᙮ 12ᑕᒦᒐᕒᐃᔭᔅ Demetrius ᑕᔥ ᑲᑭᓇ ᐊᐎᔭᓐ ᐅᒥᓍᒋᒥᑰᓐ᙮ ᑳᐃᔑᑌᐺᔮᑐᑌᓂᒃ ᑲᔦ ᐅᐱᒫᑎᓯᐎᓐ ᐅᒋᒥᓍᐸᒋᑲᓂᐎ᙮ ᑫᓃᓇᐎᓐᑦ ᑕᔥ ᓂᑕᑯᒥᓍᒋᒫᓈᓐ᙮ ᑭᑭᑫᑖᓐ ᐄᑐᒃ ᓂᑎᐹᒋᒧᐎᓂᓈᓐ ᐁᑌᐺᒪᑲᒃ᙮ 13ᓃᐱᐗᐞ ᐃᓴ ᑭᑖᐃᓂᓐ, ᑳᐐᓐ ᑕᔥ ᐃᐃ ᓂᐐᐃᔑᐲᐃᑫᓰ᙮ 14ᓂᐸᑯᓭᓂᒻ ᑕᔥ ᐐᐸ ᒋᐙᐸᒥᓈᓐ, ᒦᓴ ᐃ ᐊᐲ ᑫᑲᑲᓅᓂᑎᔭᕽ᙮ 15ᐱᓵᓐ ᐊᔭᔮᓐ᙮ ᑳᓵᑭᐐᒌᐗᒀ ᐅᐅᒫ ᑭᐴᔔᐃᑰᒃ᙮ ᐐᑕᒪᐤ ᐁᐴᔔᐊᑭᑣ ᑳᓵᑭᐊᑭᑣ ᐌᑎ ᑲᑭᓇ ᑳᐊᔭᐙᒡ᙮ ᒦᐃ ᒥᓂᒃ ᐁᔑᐲᐊᒪᐎᓈᓐ᙮

will be added

X\