2 Timahti 1

1ᓃᓐ ᑆᓬ Paul ᑭᑑᔑᐲᐊᒪᐎᓐ, ᓃᓐ X ᒋᓴᔅ ᐅᑎᔑᓂᔕᐙᑲᓇᓐ, ᐐᓐ ᑭᔐᒪᓂᑑ ᐁᔑᐊᑕᐌᓂᒥᒡ ᒋᐐᑕᒫᑫᔮᓐ ᐅᐅ ᐱᒫᑎᓯᐎᓐ, ᑳᑮᐃᔑᓃᑳᓂᐐᑕᒫᑰᔭᕽ ᐁᐊᔮᔭᕽ ᐁᐅᒋᑎᐯᑖᑯᓯᔭᕽ X ᒋᓴᓯᕽ᙮ 2ᑮᓐ ᑕᔥ ᑎᒪᑎ Timothy ᑭᑑᔑᐲᐊᒪᐎᓐ, ᓂᑯᓯᔅ ᐁᓈᑯᒥᓈᓐ, ᑭᔕᐌᓂᒥᓐ᙮ ᐊᐯ ᓴ ᐅᓄ ᑭᑲᒦᓂᑰᐎᔅ, ᐐᑑᑳᑰᐎᓐ, ᔕᐌᓂᒥᑰᐎᓐ, ᐱᓵᓂᓯᐎᓐ, ᒫᑭᐌᒡ ᑭᔐᒪᓂᑑ ᐌᔫᓯᒥᓐᒡ ᒦᓇᐙ X ᒋᓴᔅ ᑳᑎᐯᓂᒥᓇᕽ᙮ 3ᒦᐗᓂᓂ ᐯᔑᑾᓐ ᑭᔐᒪᓂᑑᓐ ᓂᑭᒋᐊᔭᐋᒥᓈᐸᓃᒃ ᑳᑮᐊᓄᑮᑕᐙᐙᒡ, ᑲᔦ ᐐᓐ ᐃᑕᔥ ᓃᓐ ᐃᑯ ᐁᓄᑮᑕᐗᒃ᙮ ᓂᑾᔭᑴᑖᓐ ᐃᑕᔥ ᑲᔦ ᐁᑾᔭᑯᒋᑫᔮᓐ ᐁᐊᓄᑮᑕᐗᒃ᙮ ᓂᒦᑴᒋᐎᐋ ᑭᔐᒪᓂᑑ, ᒨᔕᒃ ᐁᒥᑴᓂᒥᓈᓐ ᐁᐊᓇᒥᐋᔮᓐ ᐁᑮᔑᑲᒃ, ᐁᑎᐱᑲᒃ ᑲᔦ᙮ 4ᓂᒫᒥᑲᐤ ᐁᑮᐅᒋᑲᐙᐱᔭᓐ ᑮᐸᑫᐎᓂᑎᔭᕽ᙮ ᑭᓅᑌᐐᐙᐸᒥᓐ ᐃᓴ, ᒦᑕᔥ ᐃᑯ ᒋᑭᒋᒌᑫᑕᒫᓐ᙮ 5ᒨᔕᒃ ᓂᒫᒥᑲᐤ ᑌᐺ ᐁᔑᑌᐺᔦᑕᒪᓐ, ᒪᔮ ᐊᐌ ᑰᑯᒻ ᓬᐆᐎᔅ Lois ᓃᑳᓐ ᑳᑌᐺᔦᑕᕽ, ᑫᐐᓐ ᐃᑕᔥ ᐊᐊᐌ ᑭᒫᒫ ᐃᔫᓂᔅ Eunice ᑳᐃᔑᑌᐺᔦᑕᕽ, ᐁᔑᑫᒋᓈᐁᓂᒥᓈᓐ ᑕᔥ ᑖᐱᔥᑰ ᑫᑮᓐ ᐁᔑᑌᐺᔦᑕᒪᓐ᙮ 6ᐅᒋ ᐅ ᑭᑌᐺᔦᑕᒧᐎᓐ ᑭᑑᒋᒫᒥᑲᐙᒥᓐ ᒋᐅᐱᓯᔭᓐ ᐅᐅ ᑳᑮᐃᔑᒦᓂᒃ ᑭᔐᒪᓂᑑ ᐃᐃᐌ ᐊᐲ ᑳᓵᒥᓂᓈᓐ ᐁᑮᐅᓇᑭᒥᓈᓐ ᒋᐊᓇᒥᐁᐗᓄᑮᔭᓐ᙮ 7ᐃᓂ ᐋᓃᔥ ᐅᑕᒑᑾᓐ ᑭᔐᒪᓂᑑ ᑳᑮᒦᓂᓇᕽ, ᑳᐐᓐ ᐐᓐ ᒋᑯᑖᒋᔭᕽ ᑭᑎᔑᒦᓂᑯᓰᓈᓐ, ᐃᐃᐌ ᓴ ᐐᓐ ᒪᔥᑲᐎᓰᐎᓐ, ᓵᑭᐃᐌᐎᓐ, ᑲᑮᑖᐎᓯᐎᓐ ᒋᑭᑭᓯᔭᕽ᙮ 8ᒦᑕᔥ ᑳᐐᓐ ᑭᑖᐅᒋᔖᑴᓂᒧᓰ ᒋᑎᐹᒋᒥᓐᒡ ᐊᐊ ᑳᑎᐯᓂᒥᓇᕽ᙮ ᑫᑯ ᑲᔦ ᓃᓐ ᐊᑲᑌᓂᒥᔑᑫᓐ, ᐐᓐ ᐊᐊ ᑳᑎᐯᒋᑫᒡ ᑳᐅᒋᑭᐸᐅᑰᔮᓐ᙮ ᑲᔦ ᑮᓐ ᐅᑖᐱᓐ ᐁᔑᑎᑕᑾᐆᓂᑰᐎᓯᔭᓐ ᒋᐅᒋᑯᑕᑭᑑᔭᓐ ᐃᐃᐌ ᐅᒋ ᒥᓍᒋᒧᐎᓐ, ᐁᐃᔑᒦᓂᒃ ᐅᒪᔥᑲᐎᓰᐎᓐ ᑭᔐᒪᓂᑑ᙮ 9ᒦ ᐊᐌ ᑳᐱᒫᒋᐃᓇᕽ, ᑳᐊᑐᒥᓇᕽ ᑲᔦ, ᐐᓐ ᐃᑯ ᑎᐱᓇᐌ ᒋᑎᐯᓂᒥᓇᕽ ᐁᑮᐃᓀᓂᒥᓇᕽ᙮ ᑳᐐᓐ ᑮᓇᐎᓐᑦ ᑭᑎᔑᒋᑫᐎᓂᓈᓐ ᑭᑑᒋᑑᑖᑯᓰᓈᓐ, ᐐᓐ ᐃᑯ ᑎᐱᓇᐌ ᐅᑮᐅᓀᑖᓐ ᐁᑮᐃᔑᔕᐌᓂᒥᓇᕽ᙮ ᒣᐎᔕ ᒋᑆ ᐊᓂᒫᒋᓭᒃ ᑫᑰᓐ, ᐋᔕ ᑮᔖᒡ ᑭᑮᒦᓂᑯᓈᓐ ᑭᔐᒪᓂᑑ ᐅᔕᐌᒋᑫᐎᓐ, X ᒋᓴᓲᓐ ᐁᑮᐅᒋᒦᓂᓇᕽ᙮ 10ᓅᑯᒻ ᐃᑕᔥ ᒧᔐᓈᑾᓂᓂ ᐅᔕᐌᒋᑫᐎᓐ ᐁᑮᓈᑯᓯᒡ ᐊᐊ ᑳᐱᒫᒋᐃᓇᕽ X ᒋᓴᔅ᙮ ᐐᓐ ᐅᑮᐋᓂᔑᑑᓐ ᐃᐃ ᓂᐳᐎᓐ, ᐃᐃᐌᔥ ᒥᓍᒋᒧᐎᓐ ᐁᑮᐅᒋᒧᔐᓈᑯᑑᒡ ᐃᐃ ᐱᒫᑎᓯᐎᓐ ᐁᑳ ᐐᑳ ᑫᐴᓂᐊᔮᓯᓂᓂᒃ᙮ 11ᒦ ᐃᐌ ᒥᓍᒋᒧᐎᓐ ᓂᑎᓇᓅᓂᒃ ᒋᐐᑕᒫᑫᔮᓐ᙮ ᒦ ᐃᐌ ᐯᒥᐅᒋ​ᐃᔑᓂᔕᐅᑰᔮᓐ ᐅᑎᔑᓂᔕᐙᑲᓇᓐ ᒋᑎᓄᐎᔮᓐ, ᒋᑭᑭᓄᐊᒫᑫᔮᓐ ᑲᔦ᙮ 12ᒦᔥ ᐅᓄ ᑳᐅᒋᑲᒀᑕᑭᑑᔮᓐ᙮ ᑳᐐᓐ ᐐᓐ ᓂᑑᒋᐊᑲᒋᓰ ᐅᓄ ᐋᓇᑑᑖᑰᔮᓐ, ᐋᓃᔥ ᓂᑾᔭᑴᓂᒫ ᑳᑌᐺᔦᓂᒪᒃ, ᐁᑲᔥᑭᑑᒡ ᐃᐃᐌ ᑳᑮᑲᓇᐌᑕᐊᒃ, ᐲᓂᔥ ᐃᑯ ᐃᐌ ᐁᑮᔑᑲᓂᓂᒃ ᒋᑲᓇᐌᑕᒪᐎᒡ᙮ 13ᑲᔦ ᑮᓐ ᐊᐸᓀ ᑯ ᑲᓇᐌᑕᓐ ᐃᓂ ᑾᔭᒃ ᐃᑭᑐᐎᓇᓐ ᑳᑮᐃᔑᓅᑕᐎᔭᓐ᙮ ᒦ ᑯ ᑫᑮᓐ ᐯᔑᑾᓐ ᒋᐃᔑᐐᑕᒪᓐ, ᒋᑭᑭᓯᔭᓐ ᑲᔦ ᑌᐺᔦᑕᒧᐎᓐ, ᓵᑭᐃᐌᐎᓐ, X ᒋᓴᔅ ᑳᐅᒌᑕᒫᑫᒡ ᐁᐐᒌᐗᕽ᙮ 14ᐅᓂᔑᔑᓐ ᐃᐃ ᑭᑲᓇᐌᑕᐃᑰᐎᓐ᙮ ᒦᐃ ᐃᔑᑲᓇᐌᑕᓐ, ᑭᑲᐐᒋᐃᒃ ᑭᔐᒪᓂᑑ ᐅᑕᒑᑾᓐ ᑳᑭᑭᔥᑲᐎᒥᓇᕽ᙮ 15ᐋᔕ ᑭᑭᑫᑖᓐ ᑲᑭᓇ ᐁᑮᓇᑲᔑᐙᒡ ᐅᑌᐺᑕᒨᒃ ᐁᔖᐗᑮᕽ Asia ᑳᐊᔮᐙᒡ, ᑕᑯ ᑲᔦ ᐁᑮᐃᔑᒋᑫᐙᒡ ᐱᒉᓬᐊᔅ Phygelus, ᐊᕒᒫᒋᓃᔅ Hermogenes ᑲᔦ᙮ 16ᑳᑎᐯᒋᑫᒡ ᐃᑕᔥ ᐅᑲᔕᐌᓂᒫᐞ ᑳᑕᔑᓂᒡ ᐅᑖᐎᓂᓃᕽ ᐊᓀᓯᑆᕒᐊᓴᓐ Onesiphorus᙮ ᓃᐱᐗᐋᕽ ᓂᑮᐱᓲᑭᑌᐁᔥᑳᒃ ᐊᐊ ᐃᓂᓂ, ᑳᐐᓐ ᑲᔦ ᑮᐅᒋᐊᑲᒋᓰ ᐁᑮᑭᐸᐅᑰᐗᒃ᙮ 17ᐌᔩᑉ ᐃᑕᔥ ᐃᑯ ᐁᑮᑕᑯᔑᕽ ᐅᐅᒫ ᐅᕒᐆᒥᕽ Rome ᐌᐌᓂ ᓂᑮᓇᓈᑐᓀᐅᒃ ᐲᓂᔥ ᐃᑯ ᐁᑮᒥᑲᐎᒡ᙮ 18ᒫᓄ ᐅᑲᐃᓀᓂᒥᑰᓐ ᐃᓂ ᑳᑎᐯᒋᑫᓂᒡ ᐅᑭᑎᒫᑭᓈᑫᐎᓂᓂ ᒋᐅᒌᑕᒫᑯᒡ ᐹᓂᒫ ᐅᒋᒋᓭᓂᒃ ᐅᑮᔑᑳᒥᓂ᙮ ᐗᐐᑫ ᑲᔦ ᑮᓐ ᑭᑭᑫᑖᓐ ᐋᓃᓐ ᐃᑯ ᒥᓂᒃ ᑳᑮᐃᔑᐐᒋᐃᒡ ᐊᓀᓯᑆᕒᐊᔅ ᐃᐃᒫ ᐁᐱᓴᓯᕽ Ephesus ᑳᑮᐊᔮᔮᐹᓐ᙮

will be added

X\